गोरखापत्र समाचारदाता
काठमाडौँ, मङ्सिर ३० गते । गीतकार डम्बर बिकेलको रचनामा नयाँ प्रेमिल गीत ‘मायामा देख्छु तिमी नै’ सार्वजनिक भएको छ । गीतमा राजु सिंहको सङ्गीत तथा रामकृष्ण ढकाल र च्यारिटी पन्तको सुमधुर आवाज रहेको छ । फणीन्द्र राईको सङ्गीत संयोजन रहेको गीतमा सुमन खड्काको मिक्सिङ तथा मास्टरिङ रहेको छ ।
गीतको भिडियोमा अभिनेता हर्कराज शङ्कर तथा मोडल मुना भूर्तेलले अभिनय गर्नुभएको छ । हर्कराज र मुनाबिचको मायाप्रेमलाई देखाइएको गीतलाई सन्तोष तामाङ र सन्तोष पराजुलीले खिच्नुभएको छ । गीतको निर्देशन विजयराज भूर्तेलले गर्नुभएको छ भने कोरियोग्राफी अनुप डङ्गोलको रहेको छ । भिडियोलाई ओएसआर डिजिटलले बजारमा ल्याएको हो ।
