.jpg)
अनिल पराजुली
हेटौँडा, कात्तिक १३ गते । मकवानपुर प्रहरीले सार्वजनिक यातायातमा पकेट मारेर भागेका तीन जनालाई पक्राउ गरी मङ्गलबार सार्वजनिक गरेको छ ।
मनहरीमा बस चढेका यात्रुको ५१ हजार नगद चोरी गर्ने सिन्धुपाल्चोक लिसंखु पाखर गाउँपालिका वडा नम्बर ६ बस्ने ३२ वर्षीय लाक्पा तामाङ, जिल्ला उदयपुर त्रियुगा नगरपालिका वडा नम्बर–१० बस्ने ४२ वर्षीय प्रेम दोर्जे शेर्पा र धनकुटा छ थर गाउँपालिका वडा नम्बर – ३ बस्ने ३७ वर्षीय हेमराज श्रेष्ठलाई प्रहरीले पक्राउ गरेको हो ।
सोमबार राति ११ बजेको समयमा मकवानपुर मनहरी गाउँपालिका वडा नम्बर– ६ बस्ने ४९ वर्षीय भरत गौतम हेटौँडाबाट ना ५ ख ८१०१ नम्बरको बस चढेर लोथर जाने क्रममा उहाँको साथमा रहेको नगद ५१ हजार चोरी भएको थियो ।
चोरी भएको सूचना प्राप्त हुनासाथ इलाका प्रहरी कार्यालय मनहरी मकवानपुरबाट खटिएको प्रहरी टोलीले उनीहरूको साथबाट चोरी भएको रकम बरामद गरिएको जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले जानकारी दिनुभयो । घटनाबारे थप अनुसन्धान भइरहेको उहाँले बताउनुभयो ।
