बैतडीमा जिप दुर्घटनामा सात जना घाइते
बैतडीमा जिप दुर्घटना हुँदा सात जना घाइते भएका छन् । घाइते मध्ये चार अवस्था गम्भीर रहेको छ । गम्भीर घाइतेलाई धनगढी रेफर गरिएको छ ।
आफ्नै भवनबाट सेवा प्रवाह
भूकम्पले प्रशासनिक भवनमा क्षति पुगेपछि टेन्टबाट सेवा दिँदै आएको जिल्ला प्रशासन कार्यालय जाजरकोटले आफ्नै भवनबाट सेवा प्रवाह सुरु गरेको छ । गत कात्तिक १७ गते भूकम्पले जिल्ला प्रशासनको भवन क्षतिग्रस्त बनाएपछि सेवा प्रवाहमा समस्या हुँदै आएको थियो । भूकम्पपछि अस्थायी टेन्ट र त्रिपालबाट कार्यालयको सेवा सञ्चालन भइरहेको थियो ।
म्याग्दीको विकट खतेन गाउँमा विद्युतीकरण
प्राधिकरणको म्याग्दी वितरण केन्द्रका प्रमुख प्रताप बरालका अनुसार खतेन गाउँका ६० घरमा केन्द्रीय प्रसारण लाइनको बिजुली बलेको छ ।“घरघरमा मिटरबक्स जडान भएपछि खतेन गाउँमा विद्युत् वितरण थालिएको हो”, उहाँले भन्नुभयो, “खतेनका छिमेकी बस्तीका करिब चार सय घरमा पनि मिटरबक्स वितरणको तयारी गरेका छौँ ।”
राजीनामा दिएपछि मन्त्रालयको जिम्मेवारी
लुम्बिनी प्रदेशका कृषि तथा भूमि व्यवस्थामन्त्री भण्डारीलाल अहिरले राजीनामा दिएको १६ दिनपछि पुनः मन्त्रालयको जिम्मेवारी समाल्नुभएको छ । जनता समाजवादी पार्टीबाट लुम्बिनी प्रदेश सरकारमा सहभागी मन्त्री अहिरले वैशाख ८ गते राजीनामा घोषणा गर्दै सरकारबाट बाहिरिनुभएको थियो तर समाजवादी पार्टीमा विभाजन आएसँगै राजीनामा दिनुभएका मन्त्री अहिरले सोमबार देउखुरीको लालमटियामा रहेको मन्त्रालयमा पुगेर पुनः जिम्मेवारी समाल्नुभएको छ ।
एमाले ताप्लेजुङको अध्यक्षमा तुम्बाहाम्फे निर्वाचित
नेपाल कम्युनिष्ट पार्टी ९एमाले० ताप्लेजुङको अध्यक्षमा डम्बरध्वज तुम्बाहाम्फे निर्वाचित हुनुभएको छ । मङ्गलबार सम्पन्न पार्टीको १२औँ जिल्ला अधिवेशनले उहाँलाई निर्वाचित गरेको हो ।
एग्रोभेटबाट ठगिए किसान
स्थानीय एग्रोभेटहरूले गुणस्तरहीन बिउबिजन बिक्री गरेर किसानलाई ठगेको आरोप लागेको छ । एग्रोभेटहरूले म्याद गुज्रिएका बिउबिजन बिक्री गरेको भनाइ किसानको छ । कृषि ज्ञान केन्द्र पाल्पा र बिउबिजन प्रयोगशाला भैरहवाको संयुक्त अनुगमनका क्रममा यस्तो तथ्य फेला परेको हो । तानसेन, आर्यभन्ज्याङ र रामपुर बजारमा रहेका विभिन्न एग्रोभेट सेन्टरले बिउबिजन र औषधी बिक्रीमा किसानलाई ठगेको भेटिएको हो । सरकारले सूचीकृत गरेका बाहेकले पनि बिउबिजन बिक्री गर्दै आएका छन् । स्थानीय एग्रोभेटहरूले म्याद गुज्रिएका तरकारीजन्य बिउ बिक्री गरेको पाइएको कृषि ज्ञान केन्द्र पाल्पाका प्रमुख सन्तोषकुमार चौधरीले बताउनुभयो ।
समावेशीकरणको दिशामा एउटा फड्को : गोरखापत्रद्वारा प्रकाशित नेपाल भाषा
समावेशीकरणको दिशामा एउटा फड्को : गोरखापत्रद्वारा प्रकाशित नेपाल भाषा
समावेशीकरणको दिशामा एउटा फड्को : गोरखापत्रद्वारा प्रकाशित तामाङ भाषा
समावेशीकरणको दिशामा एउटा फड्को : गोरखापत्रद्वारा प्रकाशित तामाङ भाषा
आगलागीबाट हजारौँ बोट सुन्तला नष्ट
स्याङ्जाको पुतलीबजार नगरपालिका–११ मा आगलागीका कारण हजारौँ बोट सुन्तलामा क्षति पुगेको छ । फल दिने बेला भएका, फल दिँदै आएका र बेर्ना सुन्तलामा आगलागीका कारण नराम्रोसँग क्षति पुगेको हो । सुन्तला सुपरजोन स्याङ्जाका अनुसार पाँच सुन्तला कृषक समूहमा आबद्ध कृषकको लाखौँ क्षति भएको हो ।