कबड्डीमा आर्मीलाई दोहोरो स्वर्ण
नवौं राष्ट्रिय खेलकुद प्रतियोगिता अन्तर्गत कबड्डीमा डिफेन्डिङ च्याम्पियन त्रिभूवन आर्मी क्लवले दोहोरो स्वर्ण जितेको छ । पोखरामा बिहीबार सम्पन्न अन्तिम प्रतिस्पर्धामा पुरुषतर्फ आर्मीले लुम्बिनी प्रदेशलाई ४१–२० र महिलातर्फ विभागीय प्रतिद्वन्द्वी नेपाल पुलिस क्लबलाई ३०–२३ अंकले हराउँदै दोहोरो स्वर्ण चुमेको हो ।
पुरुष भलिबलमा एपीएफलाई स्वर्ण
नवौं राष्ट्रिय खेलकुदअन्तर्गत पुरुष भलिबलको स्वर्ण एपीएफ क्लबले जितेको छ । पोखरा रंगशाला भलिबल कोर्टमा बिहीबार भएको फाइनलमा त्रिभुवन आर्मीलाई सोझो सेटमा हराउँदै एपीएफले स्वर्ण जितेको हो ।
एनआरएनएका पदक विजेता खेलाडी सम्मानित
नवौं राष्ट्रिय खेलकुद प्रतियोगिता अन्तर्गत पौडीमा पदक विजेताद्वय एस्ली सापकोटा डङ्गोल र आशिष सापकोटा डंगोललाई बिहीबार गैरआवासीय नेपाली संघ (एनआरएनए)को सचिवालयमा सम्मान गरिएको छ ।
एथलेटिक्समा आर्मीको दबदबा
प्रमुख खेल मेलामा एथलेटिक्स स्वर्ण पदक कुम्ल्याउने खेलको रुपमा लिइन्छ । नेपाल आर्मीले नवौँ राष्ट्रिय खेलकुदअन्तर्गत एथलेटिक्समा १९ स्वर्ण, १३ रजत र १३ कांश्यसहित कूल ४५ पदक जितेर ट्रयाक एन्ड फिल्डमा आफ्नो वर्चश्व कायम गर्यो ।
दशौं राष्ट्रिय खेलकुदको लोगो र मस्कट राराबाट सार्वजनिक गरिने
दशौँ राष्ट्रिय खेलकुद २०८१ को लोगो तथा मस्कट रारातालबाट सार्वजनिक गरिने भएको छ । राष्ट्रिय खेलकुद परिषद्को बिहिबार पोखरामा बसेको बैठकले स्वर्गकी अप्सरा भनेर चिनिने कर्णाली प्रदेशको चर्चित पर्यटकीयस्थल रारामा लोगो र मस्कट सार्वजनिक गर्ने निर्णय गरेको हो ।
बास्केटबलमा एपीएफकाे स्वर्ण पदक, गण्डकी थ्री अन थ्री बास्केटबलमा च्याम्पियन
नवौं खेलकुद खेलकुदअन्तर्गत पुरुष बास्केटबलमा एपीएफले गण्डकीलाई ८१–७९ ले हराएर स्वर्ण पदक जितेको छ । गण्डकीकाे सो हारको बदला लिँदै थ्री अन थ्री बास्केटबलको फाइनलमा एपीएफलाई २१–१६ ले हराएर च्याम्पियन बन्यो ।
मरणाेपरान्त पाराग्लाइडर निसिमलाई मानार्थ स्वर्ण
वौँ राष्ट्रिय खेलकुदमामा पाराग्लाइडर निसिम थापाको निधन नवौँ राष्ट्रिय खेलकुदमा असोचनीय र अकलल्पनीय घटना थियो । सो घटनाले पाराग्लाइडिड खेल स्थगित गरियो । त्यसपछि सो प्रतियोगिता पुनः हुन सकेन । यद्यपि, असोज २८ गते गरिएको अभ्यास खेलको नतिजालाई नै आधिकारिक नतिजा मानेर पदक विजेताको छिनाेफानो गरिएको छ ।
४० खेलाडीमा गरियो एन्टिडोपिङ परीक्षण
प्रमुख खेलकुद मेलामा डोपिङ पनि नचाहेरै जोडिन आएको अभिन्न अङ्ग बनिसकेको छ । खेलमा पहिलो हुने नाममा खेलाडीहरु गलत तरिका अपनाउन पनि पछि पर्दैनन् । जसमध्ये खेलाडीद्वारा शक्ति बढाउनका लागि प्रयोग गर्ने प्रतिबन्धित औषधिको प्रयोग सबभन्दा अगाडि छ । जसलाई डोपिङ भनिन्छ ।
आज समापन हुँदै नवौँ राष्ट्रिय खेलकुद
गण्डकी प्रदेशका विभिन्न आठ जिल्लामा सञ्चालन भएको नवौँ राष्ट्रिय खेलकुद प्रतियोगिता आज समापन हुँदैछ ।
तस्बिरमा नवौं खेलकुद
महिला ज्याभ्लिन थ्रोमा राष्ट्रिय कीर्तिमानसहित स्वर्ण पदक जितेपछि डेढ वर्षकी छोरीसँग खुशी साट्दै नेपाल पुलिसकी चन्द्रकला लाम्गाडेले।
बिहीबार नवौं राष्ट्रिय खेलकुदको समापन हुँदै
गण्डकी प्रदेशका विभिन्न आठ जिल्लामा सञ्चालन भएको नवौँ राष्ट्रिय खेलकुद प्रतियोगिताको भोलि कात्तिक ३ गते बिहीबार समापन गरिने कार्यक्रम छ।
महिला बास्केटबको उपाधि त्रिभुवन आर्मी क्लबलाई
नवौं राष्ट्रिय खेलकुद प्रतियोगिता अन्तर्गत यहाँ सञ्चालन भएको राष्ट्रिय महिला बास्केटबलको फाइनल खेल जितेर नेपाली सेनाको त्रिभुवन आर्मी क्लब च्याम्पियन भएको छ।
नवौँ राष्ट्रिय खेलकुद : साइक्लिङमा विभागीय खेलाडीको वर्चस्व
गण्डकी प्रदेशको राजधानी पोखरामा भइरहेको नवौँ राष्ट्रिय खेलकुद प्रतियोगिताअन्तर्गत साइक्लिङमा विभागीय टिम हाबी भएको छ।
महिला टेबल टेनिसमा नविताको एकछत्र राज
पोखरा, कात्तिक २ गते । कुनै पनि खेलको फाइनलमा कहिल्यै यकिनका साथ पूर्वानुमान लगाउन सकिँदैन। फाइनलमा पुग्ने दुवै टिम तथा खेलाडी लामो यात्रा पन्छाउँदै अन्तिम भिडन्तमा पुगेका हुन्छन्। नेपाली टेबल टेनिसको महिला एकल फाइनलको कुरा गर्ने हो भने मज्जाले पक्का विजेताको अनुमान गर्न सकिन्छ। कारण हो, विगत १२ वर्षदेखि नविता श्रेष्ठको घरेलु टेबल टेनिसमा एक छत्र राज छ। यसबीच नविताले अहिलेसम्म आफूले खेलेका कुनै पनि घरेलु प्रतियोगितामा उपाधि गुमाउनुभएको छैन। नविताको राष्ट्रिय च्याम्पियन बन्ने चाहना २०६७ सालमा पूरा भयो। राष्ट्रिय च्याम्पियन्सीपमा सहभागिता जनाएको तेस्रो संस्करणमा नविता च्याम्पियन हुनुभयो। त्यसपछि त उहाँबाट च्याम्पियनको ट्याग अहिलेसम्म कसैले खोस्न सकेको छैन।नवौँ राष्ट्रिय खेलकुदमा पनि नविताले महिला एकलमा एलिना महर्जनलाई ८-११, ६-११, १४-१२, ८-११, ९-११, ११-६, १५-१३ ले हराएर स्वर्ण पदक जित्नुभयो। नविता नवौँ पटक राष्ट्रिय च्याम्पियन बन्नुभएको हो। राष्ट्रिय खेलकुदमा मात्र नविता छैटौँ संस्करणदेखि च्याम्पियन हुनुहुन्छ। नविताका अनुसार यसबीच उहाँले कुनै पनि प्रमुख प्रतियोगिताको फाइनल हार्नुभएको छैन।फाइनलमा हार्ने नन्दफाइनलमा हार्ने एलिना नविताको आफ्नै नन्द हुनुहुन्छ। यद्यपि दुवैसँग एकअर्काबीच खेल हुँदा सो सम्बन्धको कुनै मतलब हुँदै छ। दुवै एकअर्कालाई प्रतिद्वन्द्वीको रूपमा मात्र हेर्छन्। त्यसैले प्रशिक्षक राकेश महर्जन यी दुई बीचको खेल हुँदा बाहिर नै रहनुहुन्छ। राकेश नविताका श्रीमान् र एलिनाका दाइ हुनुहुन्छ। ‘जित्ने खुसी त हुन्छन् नै तर हार्नेको पीडा म हेर्न सक्दिन। त्यसैले यी दुईबीच महत्त्वपूर्ण खेल हुँदा म हलबाहिर नै हुन्छु’, प्रशिक्षक राकेश भन्नुहुन्छ।नविताले राष्ट्रिय खेलकुदका पछिल्ला दुई संस्करणमा पनि एलिनालाई नै फाइनलमा हराएर स्वर्ण पदक दिलाउनुभएको हो। यसपटक एलिना नविताको वर्चस्व तोड्नुको निकै नजिक पुग्नुभएको थियो। तर, नविताको अनुभव र उहाँको जितको भोकले एलिनालाई लगातार तेस्रो पटक राष्ट्रिय च्याम्पियन बन्नबाट रोक्यो। एलिना आज म्याच अड्कसम्म पुगेर पनि निराश बन्नुपर्यो र नेपाली टेबल टेनिसले नयाँ महिला च्याम्पियन पाउन सकेन। ‘महत्त्वपूर्ण समयमा मेरो रणनीति गलत भयो। दुई सेटको अग्रता लिएर र म्याच अड्क पाउँदा पनि जित्न सकिन्न, त्यसमा निराश बनेको छु’, एलिना भन्नुहुन्छ।प्रतिकुल परिस्थितिबीच सफललतानविता भने आफ्नो जितप्रतिको भोक आफ्नो सबभन्दा ठूलो शक्ति भएको भन्नुहुन्छ। नवितालाई यसपालि प्रतिकुल परिस्थिति थियो। पछिल्ला दुई वर्ष उहाँले खासै प्रतियोगिता पनि खेल्नुभएको छैन। २१ महिनाअघि आमा बनेपछि उहाँले धेरै प्रतियोगिता गुमाउनुभयो। त्यसैले पनि विगतमा भन्दा तयारी कमै थियो । पोखरा आउँदा ज्वरो थियो। त्यसैले होला पूर्णरुपमा दुरुस्त नहुँदा टिम इभेन्टमा पहिलो दिन मांसपेशीमा खिचाव उत्पन्न भयो, दोस्रो दिन उहाँलाई खेल्दा मुभ बनाउन पनि कठिन भइरहेको थियो। उहाँ भन्नुहुन्छ, ‘यसपालिको राष्ट्रिय खेलकुदमा बिसर्नलायक हुने डर थियो। म तनावमा थिएँ। अन्य विधामा दुई स्वर्ण पदकको अवसर गुमाइ सकेकी थिएँ। तर, फिजियोले गर्दा रिकभर भएर यहाँसम्म आएँ।’ खेलाडी जीवन टुङ्ग्याउने सङ्केत३० वर्षीया नविताले अब अझै केही वर्ष खेलाडी जीवन अगाडि बढाउने भनाइ राख्नुभयो। यद्यपि उहाँ देशले आफूलाई प्रशिक्षकको जिम्मेवारी दिएमा चाँडै नै खेल जीवन टुङ्ग्याउने सङ्केत पनि गर्नुभएको छ। ‘मेरो भविष्यको लक्ष्य नै टेबल टेनिस खेलाडी उत्पादन हो। देशले प्रशिक्षकको भूमिकामा विश्वास गरेमा खेलाडी जीवन लम्बिँदैन होला’, उहाँले भन्नुभयो।स्यान्टुद्वारा उपाधि रक्षानवौँ राष्ट्रिय खेलकुदमा बुधबार पुरुष एकलमा स्वर्ण पदक जित्ने स्यान्टु श्रेष्ठ पनि नविताकै शिष्य हुनुहुन्छ। नेपालका नम्बर एक पुरुष टेबल टेनिस खेलाडी श्यान्टुले फाइनलमा स्यान्टुले एपीएफका युवा खेलाडी रुविन महर्जनलाई ११-८, ११-७, ११-९, ६-११, ११-६ ले हराउनुभयो। नविता र स्यान्टु दुवैले नेपाल प्रहरीको प्रतिनिधित्व गर्नुभएको हो। श्यान्टु यस वर्ष अध्ययनको सिलसिलामा अस्ट्रेलिया पुग्नुभएको थियो। उहाँ राष्ट्रिय खेलकुदका लागि नेपाल फर्कनुभएको हो।‘रुवेन जुनियर खेलाडी हो। रुवेनको यसपटक शानदाय यात्रा रह्यो। उनी लामो रेसका घोडा हुन्’, उहाँले भन्नुभयो। उहाँले अस्ट्रेलियामा पनि अभ्यास गरिरहेकोले उपाधि जित्न सफल भएको उहाँको भनाइ छ। पुरुष एकलमा नेपाल प्रहरीका प्रदीप रोका र एपीएफका संयोग कपाली तथा महिला एकलमा एपीएफकी सिक्का सुवाल र आर्मीकी रविना महर्जनले कांस्य पदक प्राप्त गर्नुभयो।प्रहरी टिम च्याम्पियननवौँ राष्ट्रिय खेलुकद अन्तर्गत टेबल टेनिसमा नेपाल प्रहरी टिम च्याम्पियन भएको छ। नेपाल प्रहरीले कूल ६ स्वर्ण, २ रजत र ४ कांस्य पदक हात पार्यो। एपीएफ १ स्वर्ण, ४ रजत र १ कांस्य पदकसहित दोस्रो भयो। यसैगरी बागमती प्रदेश १ रजत र २ कांस्यसहित तेस्रो भयो। प्रतियोगितामा आर्मीले २ कांस्य, एनआरएनएले २ कांस्य, प्रदेश १ ले २ कांस्य र गण्डकी प्रदेशले १ कांस्य पदक हात पारे।
जुडोमा आर्मीलाई ४ स्वर्ण
नेपाल आर्मीका खेलाडीले जुडोमा चार स्वर्णपदक जितेका छन् । नवौँ राष्ट्रिय खेलकुदअन्तर्गत मङ्गलबार सकिएको सात इभेन्टमध्ये आर्मीका चार खेलाडीले स्वर्ण पदक जितेका छन् । आर्मीले थप तीन रजत र तीन काश्य पदक पनि हात पारे ।
च्याम्पियनको छवि बनाउँदै सन्तोषी
सन्तोषी श्रेष्ठ अहिलेको समयमा नेपालकी सबभन्दा चर्चित धाविका हुनुहुन्छ । सन् २०१९ मा काठमाडौंमा भएको १३ औँ सागमा दस हजार मिटर महिला दौड फोटो फिनिसमा नेपाललाई स्वर्ण दिलाएपछि सन्तोषीको चर्चा चुलिएको थियाे । जुन उपलब्धिले उहाँलाई दक्षिण एसियाली खेलकुदमा नेपाललाई स्वर्ण पदक दिलाउने एक मात्र महिला धाविका बनाएको थियाे । सो प्रतियोगितापछि उहाँ विरलै दोस्रो हुनुभएको छ ।
सन्दीपलाई थप चार दिन हिरासतमा राखेर अनुसन्धान गर्न अनुमति
नेपाली राष्ट्रिय क्रिकेट टोलीका पूर्व कप्तान सन्दीप लामिछानेलाई थप चार दिन हिरासतमा राखेर अनुसन्धान गर्न जिल्ला अदालत काठमाडौंले अनुमति दिएको छ ।
पुरुष बास्केटबल : एपिएफ फाइनलमा प्रवेश
पोखरामा जारी पुरुष बास्केटबल अन्तर्गत फाइभ अन फाइभतर्फ भएको पहिलो खेलमा विभागिय टोली एपीएफ फाइनलमा प्रवेश गरेको छ ।
सन्दीपलाई तेस्रो पटक अदालतमा पेस
नेपाली राष्ट्रिय क्रिकेट टोलीका पूर्व कप्तान सन्दीप लामिछानेलाई तेस्रो पटक अदालत पेश गरिएको छ । सन्दीपलाई बुधबार बिहान ९:४० बजे प्रहरीले जिल्ला अदालत काठमाडौंमा पेश गरेको हो ।
स्वर्ण विजेता खेलाडी भन्छन् : ‘देशलाई अन्तर्राष्ट्रिय पदक दिलाउने मन छ’
कीर्तिमानीले दिएको खुसीसँगै प्रतियोगिता नभएर स्तर खस्किने हो कि भन्ने चिन्ता छ ।
तेक्वान्दोमा पुलिस टिम च्याम्पियन
नवौं राष्ट्रिय खेलकुद प्रतियोगिता अन्तर्गत म्याग्दीमा भएको तेक्वान्दो खेलमा विभागीय टोली नेपाल पुलिस क्लब च्याम्पियन बनेको छ । बेनीको कभर्ड हलमा भएको प्रतियोगितामा पुलिस क्लबले सबै भन्दा धेरै पदक जित्दै च्याम्पियन बनेको हो ।
पदक तालिकामा आर्मीको वर्चस्व
आर्मीले सर्वाधिक ८८ स्वर्ण, ५८ रजत र ३९ कांस्यसहित कूल एक सय ८५ पदक जितेको छ । खेलको सुरुवात देखिनै पदकमा पकड जमाएको आर्मीले दोस्रो स्थानमा रहेको नेपाल पुलिस क्लबभन्दा दोब्बर पदक जितिसकेको छ ।
महिला भलिबल : एपीएफ र पुलिस फाइनलमा
विभागीय टोलीद्वय एपीएफ र नेपाल पुलिस क्लब नवौं राष्ट्रिय खेलकुद प्रतियोगिता अन्तर्गत महिला भलिबलको फाइनलमा प्रवेश गरेका छन् ।
महिला क्रिकेटको स्वर्ण पुलिसको पोल्टामा
नवौं राष्ट्रिय खेलकुद अन्तर्गत महिला क्रिकेटको स्वर्ण विभागीय टिम नेपाल पुलिस क्लबले जितेको छ । पोखरा रंगशालास्थित क्रिकेट मैदानमा मंगलबार भएको फाइनल खेलमा पुलिसले विभागीय प्रतिद्वन्द्वी एपीएफ क्लबलाई पाँच रनले हरायो ।
साइक्लिङमा आर्मी र एपीएफलाई स्वर्ण
गण्डकी प्रदेशको राजधानी पोखरामा जारी नवौं राष्ट्रिय खेलकुद प्रतियोगिता अन्तर्गत साइक्लिङको इन्डिभिज्युल टाइम ट्रायल विधामा महिलातर्फ नेपाल आर्मी र पुरुषतर्फ एपीएफ क्लबले एक एक स्वर्ण जितेको छ ।
