कार्यकर्तालाई योगदानका आधारमा नेतृत्व गर्ने अवसर दिनुपर्छ : प्रवक्ता महत
काठमाडौं, साउन १९ गते। नेपाली कांग्रेसका प्रवक्ता डा. प्रकाशशरण महतले पार्टीका कार्यकर्तालाई योगदान, क्षमता र लगनशीलताका आधारमा नेतृत्व गर्ने अवसर दिनुपर्ने बताउनुभएको छ।प्रवक्ता डा. महतले विहीबार आफ्नै निवासमा पत्रकारसँग कुरा गर्दै कांग्रेसले हरेक नेता कार्यकर्ताको योगदान, क्षमता, लगनशीलताका आधारमा नेतृत्व गर्ने अवसर दिनुपर्ने बताउनुभएको हो।नेता डा महतले नुवाकोटका जनताले आवश्यक ठानेमा आफू नुवाकोटबाट प्रत्यक्ष निर्वाचन लड्नेसमेत बताउनुभयो। “छहरे–टोखा सुरुङ मार्ग निर्माण, बालाजु–ककनी सडक निर्माणलगायत नुवाकोटको विकासका लागि धेरै काम गर्न बाँकी छ, नुवाकोटबाट प्रत्यक्ष निर्वाचन जितेर बाँकी काम पूरा गर्ने मेरो इच्छा छ”, उहाँले भन्नुभयो।पूर्वऊर्जामन्त्री डा. महतले आफ्नो कार्यकालमा नुवाकोटका अधिकांश स्थानमा विद्युतीकरण गरेको स्मरण गर्नुभयो। नुवाकोटमा कांग्रेसलाई एकढिक्का बनाएर अगाडि लैजानुपर्ने उहाँको भनाइ थियो। प्रवक्ता डा. महतले वर्तमान गठबन्धनलाई निर्वाचनसम्म कायम राखेर जाने पक्षमा कांग्रेस रहेको स्पष्ट पार्नुभयो। रासस
सक्रिय राजनीतिमा अब धेरै समय बस्न मन छैन : अध्यक्ष नेपाल
नेकपा (एकीकृत समाजवादी) का अध्यक्ष एवम् पूर्व प्रधानमन्त्री माधवकुमार नेपालले अबको पाँच वर्षपछि सक्रिय राजनीतिबाट बिदा लिने बताउनुभएको छ । बिहीबार काठमाडौंमा आयोजित एक कार्यक्रममा उहाँले सो कुरा बताउनुभएको हो ।
निर्वाचनमा जुट्न एमाले उपाध्यक्ष पौडेलको आह्वान
नेकपा (एमाले) उपाध्यक्ष विष्णु पौडेलले प्रतिनिधिसभा र प्रदेशसभको निर्वाचनमा जुट्न पार्टी कार्यकर्तालाई आह्वान गर्नुभएको छ।
आगामी निर्वाचनमा गठबन्धन कायमै रहन्छ : अध्यक्ष नेपाल
सत्ता साझेदार दल नेकपा (एकीकृत समाजवादी) का अध्यक्ष माधवकुमार नेपालले आगामी निर्वाचनमा हालको गठबन्धन कायमै रहने बताउनुभएको छ ।
गठबन्धन सरकारको परिपक्व निर्णय
बुधबार बसेको प्रधानमन्त्रीसहितको सत्ता गठबन्धनका शीर्ष नेताको बैठकले मंसिर ४ गते एकै चरणमा निर्वाचन गर्ने विषयमा सहमति गरेको थियो।
संसदीय समितिको प्रश्न- ‘प्रधानसेनापति आईपीएसको बैठकमा किन’
संसदीय समितिले अमेरिकी स्टेट पार्टनसिप प्रोग्राम (एसपीपी) मा प्रधानसेनापतिले भाग लिएको विषयमा सरकारले स्पष्ट जानकारी दिनुपर्ने बताएको छ।
नेपालको भौतिक पूर्वाधार निर्माणका विषयमा छलफल
पूर्व उपप्रधानमन्त्री एवम् नेपाली कांग्रेसका पूर्व उपसभापति विमलेन्द्र निधि र भारतका सडक परिवहन मन्त्री नितिन गडकरीबीच नेपालको भौतिक पूर्वाधार निर्माणका विषयमा छलफल भएको छ ।
प्रतिनिधि र प्रदेशसभा निर्वाचन मङ्सिर ४ गते एकै चरणमा हुने घोषणा
नेपाल सरकारले प्रतिनिधिसभा र प्रदेश सभा सदस्य निर्वाचन २०७९ मङ्सिर ४ गते आइतबार एकै चरणमा गर्ने निर्णय गरेको छ ।
कोसीसम्मको सडकलाई चारलेन बनाउन माग
सुनसरीको कोशी गाउँपालिकाका अध्यक्ष ऐयुुव अंसारी र प्रधानमन्त्री शेरबहादुर देउवाविच भेट भएको छ । भेटमा काकडभिट्टा–लौकही–कोशी व्यारेज सडक खण्डलाई चार लाईनको बनाउन अध्यक्षले प्रधानमन्त्री समक्ष माग गर्नुभएको छ ।
प्रजातान्त्रिक योद्धा वादेको निधनप्रति प्रधानमन्त्री दुःखित
नेपाली कांग्रेसका सभापति एवम् प्रधानमन्त्री शेरबहादुर देउवाले नेपालको प्रजातान्त्रिक आन्दोलनका एक अथक योद्धा गोपालदास वादेको निधनले आफू अत्यन्त मर्माहत र दुःखित भएको बताउनु भएको छ ।
कांग्रेस नेता निधि र भाजपा विदेश विभाग प्रमुख चौथाइवालेबीच भेटवार्ता
पूर्व उपप्रधानमन्त्री एवम् नेपाली कांग्रेसका नेता विमलेन्द्र निधि र भारतीय सत्तारुढ दल भारतीय जनता पार्टीका विदेश विभाग प्रमुख विजय चौथाइवालेबीच भेटवार्ता भएको छ ।
मंसिर ४ गते संघीय निर्वाचन गर्ने सत्ता गठबन्धनको सहमति
सत्ता गठबन्धनमा प्रदेश र प्रतिनिधिसभा निर्वाचन गर्ने सहमति भएको छ। नेपाली कांग्रेसका वरिष्ठ नेता रामचन्द्र पौडेलले सत्ता गठबन्धनका शीर्ष नेताबीच सो सहमति भएको जानकारी दिनुभएको हो।
पैसा लुकाउने चिन्ताले मुलुक बिग्रियो : मन्त्री चौधरी
शहरी विकास मन्त्री मेटमणि चौधरीले नेता तथा कर्मचारीले पैसा लुकाउने ठाउँबारे चिन्ता गर्न थालेपछि मुलुक बिग्रिएको बताउनुभएको छ । बुधबार राजधानीमा आयोजित मन्त्रालयको आर्थिक वर्ष २०७८–७९ को समीक्षा तथा आगामी वर्षको कार्यक्रम कार्यान्वयनबारे आयोजित ३ दिने गोष्ठीमा उहाँले सो कुरा बताउनुभएको हो ।
प्रहरी समायोजनकाे विषयमा मधेश सरकारद्वारा सातदिने अल्टिमेटम दिने तयारी
मधेश प्रदेशका गृह तथा सञ्चारमन्त्री भरतप्रसाद साहले प्रदेश प्रमुखमार्फत् सङ्घीय सरकारविरुद्ध सातदिने अल्टिमेटम दिने जानकारी दिनुभएको छ । जनकपुरधामस्थित गृह तथा सञ्चार मन्त्रालयमा बुधबार आयोजित पत्रकार सम्मेलनमा उहाँले संघ सरकारले प्रदेशलाई बेवास्ता गरेको भन्नुहुँदै सङ्घीय सरकारका प्रतिनिधि प्रदेश प्रमुखमार्फत आउँदो २२ गते सातदिने अल्टिमेटम जारी गर्ने बताउनुभएको हो ।
संघीय निर्वाचनको तयारीलाई उच्च प्राथमिकतामा राख्नुहोस्: प्रधानमन्त्री देउवा
प्रधानमन्त्री देउवाले प्रतिनिधिसभा र प्रदेशसभाको निर्वाचन केही महिनामै हुने जानकारी गराउनुहुँदै त्यसको तयारीलाई उच्च प्राथमिकता दिन निर्देशनसमेत दिनुभएको छ।
समाजवादी केन्द्र बनाएर समाजवादी भइँदैन : अध्यक्ष ओली
नेकपा (एमाले) अध्यक्ष केपी शर्मा ओलीले समाजवादी केन्द्र बनाउदैमा समाजवादी नहुने बताउनुभएको छ। मंगलबार केन्द्रीय कार्यालयमा आयोजित २५ औं तुलसीलाल स्मृति दिवस कार्यक्रममा उहाँले विगतमा एमाले फुटाउन भूमिका खेल्नेहरु अहिले एकै ठाउँमा भेला भएकोसमेत बताउनुभयो।
‘पत्यायन विधेयकले निरीक्षण, परीक्षण र प्रमाणिकरण कार्यलाई व्यवस्थित गर्छ’
उद्योग वाणिज्य तथा आपूर्तिमन्त्री दिलेन्द्रप्रसाद बडूले प्रत्यायन विधेयक, २०७८ निरीक्षण, परीक्षण र प्रमाणीकरण गर्ने कार्यलाई प्रावकारी र व्यवस्थित गर्ने उद्देश्यले ल्याइएको बताउनुभएको छ।
प्रधानमन्त्री कार्यालयमा बजेट कार्यान्वयनको विषयमा छलफल सुरु
काठमाडौं, साउन १७ गते। बजेट कार्यान्वयनको विषयमा प्रधानमन्त्री कार्यालयमा छलफल सुरु भएको छ। कार्यक्रममा प्रधानमन्त्री शेरबहादुर देउवाले मन्त्री, राज्यमन्त्री र सचिवलाई निर्देशन दिनुहुनेछ। प्रधानमन्त्री देउवाले आर्थिक वर्ष २०७९/०८० को बजेट तथा कार्यक्रमको कार्यान्वयनको अवस्था तथा चालु आ.व.को सरकारको नीति तथा कार्यक्रम र बजेट कार्यान्वयन कार्ययोजनाको प्रभावकारी कार्यम्पादन करारको सम्बन्धमा निर्देशन दिनुहुने कार्यक्रम रहेको छ।
आत्मनिर्भर अर्थतन्त्रका लागि उत्पादनमा वृद्धि हुनुपर्छ : अर्थमन्त्री शर्मा
अर्थमन्त्री जनार्दन शर्माले आत्मनिर्भर अर्थतन्त्रका लागि उत्पादन वृद्धि हुनुपर्ने बताउनुभएको छ। मंगलबार काठमाडौंमा आयोजित ३० औं किसान तथा ६९ औं भीमदन्त पन्त स्मृति दिवसको कार्यक्रममा उहाँले कृषिमा आधारित उद्योगको विकासमा जोड दिनुभएको हो।
विप्लव समूहका नेतालाई पक्राउ पुर्जी जारी गरेको प्रति सांसद भट्टराईको आपत्ति
नेकपा (एमाले)का सांसद विशाल भट्टराईले नेत्रविक्रम चन्द नेतृत्वको नेपाल कम्युनिष्ट पार्टीका नेतालाई कारबाहीको लागि पत्र पठाएको प्रति आपत्ति जनाउनुभएको छ ।
युवापुस्तालाई राजनीतिमा अग्रसर गराउनुपर्छ : महामन्त्री थापा
नेपाली कांग्रेसका महामन्त्री गगनकुमार थापाले नेपाली कांग्रेसअन्तर्गत रहेका सम्पूर्ण भ्रातृ संगठनलाई चुस्तरूपमा अगाडि बढाउन आग्रह गर्नुभएको छ ।
लिपुलेक, लिम्पियाधुरा र कालापानी नेपालको हो : अध्यक्ष ओली
प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले लिपुलेक, लिम्पियाधुरा र कालापानी भूभाग नेपालको भएकाले फिर्ताको लागि निरन्तर प्रयास र पहलको खाँचो भएको बताउनुभएको छ । पूर्वप्रधानमन्त्री समेत रहनुभएका अध्यक्ष ओलीले ती भूभाग नेपालको नक्सामा सामेल गरेकै कारण आफू प्रधानमन्त्री पदबाट हट्नुपरेको बताउनुभयो ।
नेता बिप्लबसहितका नेता कार्यकर्ताविरुद्ध पक्राउपूर्जी जारी
जिल्ला अदालत ललितपुरले नेपाल कम्युनिस्ट पार्टी (नेकपा) का महासचिव नेत्रविक्रम चन्द विप्लवसहितका नेता–कार्यकर्ताविरुद्ध पक्राउपुर्जी जारी गरेको छ । अदालतले सोमबार हातहतियार तथा खरखजाना मुद्दा, बिस्फोटक पदार्थ बिस्फोटन गराई कर्तव्य ज्यान, राज्यविरुद्धको अपराध मुद्दा, हातहतियार तथा बिस्फोटक पदार्थसम्बन्धी कसुर गरेको भन्दै ३५ दिने पक्राउपुर्जी जारी गरेको हो ।
प्रदेश र प्रतिनिधिसभाको निर्वाचन मङ्सिरमै गर्न सभापति बानियाँको माग
नेपाली कांग्रेस बागमती प्रदेशका सभापति इन्द्रबहादुर बानियाँले अगामी मङ्सिरमा हुने प्रदेश र प्रतिनिधिसभा निर्वाचन रोक्न चलखेल सुरु भएको आरोप लगाउनुभएको छ ।
महँगी र भ्रष्टाचारविरुद्ध काठमाडौंमा एमालेको विरोध प्रदर्शन (फोटो फिचर)
प्रतिपक्षी दल नेकपा (एमाले) ले महँगी एवम् भ्रष्टाचारविरुद्ध जनप्रदर्शन गरेको छ । एमाले उपत्यकाविशेष प्रदेश कमिटी, केन्द्रीय विभागहरु, उपत्यकाका स्थानीय जनप्रतिनिधिहरु, सम्पर्क मञ्चका सदस्य र सांसदहरु सोमबार भएको प्रदर्शनमा सहभागी हुनुभएको थियो ।
