डा. एकप्रसाद दुवाडी
कोभिड नयाँ भेरियन्टको चिन्ता
कोभिड–१९ सङ्क्रमणको नयाँ संस्करणको सुरुवातले फेरि विश्वव्यापी महामारी बन्न सक्छ भन्ने आकलन चौतर्फी छ। छिमेकी देश चीन र भारतमा यसको नयाँ संस्करणको सङ्क्रमण दरलाई हेर्दा अवस्था चिन्ताजनक छ। पछिल्लो रिपोर्टअनुसार, कोभिड–१९ को यो संस्करणले छोटो अवधिमा धेरै मानिसको ज्यान लिएको छ। नोभेम्बरको सुरुदेखि नै विश्वभर कोरोना भाइरसको सङ्क्रमण बढ्दै गएको छ। यो अहिले भारतमा नियन्त्रणमा छ, तर चीन यसमा असाधारण रूपमा गाँजिएको छ। केही वैज्ञानिकका अनुसार, पछिल्लो समय कोरोना वृद्धिको कारण, चीनमा लगभग २० लाख व्यक्तिमा पार गर्ने सम्भावनामा छ।
