धर्म गौतम
सन्त नेताका वैरागी अनुयायी
कृष्णप्रसाद भट्टराई नेपालीमाझ ‘सन्त नेता’ का रूपमा चिनिनुहुन्छ । सन्त नेता ? नयाँ पुस्ता कान ठाडा पार्न सक्छन् । पुराना कुनै नेताको नाम लिएर उहाँ असल हुनुहुन्थ्यो भनेको सुन्दा छक्क पर्न सक्छन् । उनीहरू अधिकांशका मस्तिष्कमा राजनीतिक नेता भनेका फटाहा बदमास हुन् भन्ने अतिरञ्जित भाष्य छ । सत्य के हो भने भट्टराईलाई नजिकबाट चिन्नेहरू मात्रै होइन नाम सुनेजानेका नेपाली सबैले उहाँलाई साँच्चै सन्त प्रवृत्तिका इमानदार नेताका रूपमा मान्छन् ।
