‘बजेटमा शिक्षा, स्वास्थ्य र रोजगारी प्राथमिकता’

काँक्रेँविहार समाचारदाता

सुर्खेत, जेठ २ गते। कर्णाली प्रदेशका मुख्यमन्त्री राजकुमार शर्माले शिक्षा, स्वास्थ्य र रोजगारीलाई नै प्राथमिकतामा राखेर नीति निर्माण र बजेट विनियोजन गरिने बताउनुभएको छ । 

आर्थिक वर्ष २०८०/८१ का लागि नीति तथा कार्यक्रम निर्माणका सन्दर्भमा आइतबार मुख्यमन्त्री कार्यालयमा पत्रकारसँग अन्तरक्रिया आयोजना गरिएको थियो । सोही क्रमममा मुख्यमन्त्री शर्माले ‘शिक्षा, स्वास्थ्य र रोजगार त्यसका लागि पूर्वाधार’ नारालाई प्राथमिकतामा राख्दै त्यसलाई थप परिमार्जन गरी नयाँ ढङ्गले योजना निर्माण गरिने बताउनुभयो । 

मुख्यमन्त्री शर्माले ‘एग्रो टुरिजम’को अवधारणाका बारेमा समेत धारणा बनाइएको बताउनुभयो । मुख्यमन्त्री शर्माले भन्नुभयो, “कर्णालीको कृषि क्षेत्रलाई पर्यटकीय सौन्दर्यसँग समेत जोड्न सकिन्छ । त्यसका लागि कर्णाली एग्रो टुरिजमको अवधारणा सोचिएको हो ।” 

भौगोलिक अवस्थितिका कारण पनि कर्णालीमा बजेट कार्यान्वयनमा समस्या हुने गरेको छ । हिमाली जिल्लामा वर्षात्मा वर्षा र हिउँदमा हिउँ पर्ने हुनाले ढुवानीलगायतका थुप्रै जटिलता सिर्जना हुने गरेका छन् । त्यसर्थ सार्वजनिक खरिद ऐन कर्णाली अनुकूल नभएको मुख्यमन्त्री शर्माको भनाइ छ । 

नीति तथा कार्यक्रम र बजेटको प्राथमिकताका विषयमा प्रदेश सरकारले कर्णालीका सबै पालिका प्रमुखसँग छलफल कार्यक्रम गर्दै छ । अन्तरक्रियामा सुर्खेतस्थित पत्रकारले अनुदान र वितरणमुखी योजनामा रोक लगाउन मुख्यमन्त्री शर्मालाई सुझाव दिनुभएको छ । 

पत्रकार महासङ्घ कर्णाली प्रदेशका अध्यक्ष देवीराम देवकोटाले आर्थिक मन्दी सिर्जना भैइाखेको अवस्थामा प्रदेश सरकारको कार्यसम्पादनमा समेत प्रभाव परेको बताउनुभयो । 

पत्रकार महासङ्घ सुर्खेतका अध्यक्ष ललित बसेलले कर्णालीमा सञ्चालित सञ्चार संस्था र पत्रकारको हकहितका लागि पत्रकार बिमा कार्यव्रmमलाई निरन्तरता दिन सुझाव दिनुभयो ।