प्रवीण कुमार शर्मा
चन्द्रपुर (रौतहट), साउन १ गते । नेपाली कांग्रेस रौतहटले सदरमुकाम गौरमा जग्गा खरिद गरेको छ । कार्यालय भवन निर्माण गर्ने उद्देश्यले गौर नगरपालिका –३ मा ५ कठा ९ धुर जग्गा खरिद गरेको नेपाली कांग्रेस रौतहटका सचिव मिथिलेश कुमार मिश्रले जानकारी दिनुभयो ।
पार्टीका नेता कार्यकर्ता, शुभचिन्तक तथा चन्दा दाताको सहयोगमा २५ लाख प्रति कठाको दरले सो जग्गा खरिद गरिएको सचिव मिश्रले बताउनुभयो ।
नेपाली कांग्रेस रौतहटका सभापति एवम् मधेश प्रदेश सरकारका अर्थमन्त्री सुनिल कुमार यादवले वर्षौ देखिको अथक प्रयासपछि पार्टीको जिल्ला कार्यालयका लागि आफ्नै जग्गा खरिद गरिएको बताउनुभयो ।
जिल्ला कार्यालयको आफ्नै भवन नहुँदा कार्यालय सञ्चालनमा हुँदै आएको समस्या केहि महिनामै अन्त्य हुने जिल्ला सभापति एवम् मधेश प्रदेश सरकारका अर्थमन्त्री यादवले बताउनुभयो । नेपाली कांग्रेस मधेश प्रदेश सभापति कृष्ण प्रसाद यादवले चाँडै भवन निर्माण कार्य सुरु हुने बताउनुभयो ।
सबैको अपनत्व हुने गरी कार्यालय भवन निर्माण गरिने तथा भवन निर्माणमा सहयोग गर्न सबैको साथ सहयोगको खाँचो रहेको मधेश प्रदेश सभापति यादवले बताउनुभयो ।
नेपाली कांग्रेस रौतहटको आफ्नै कार्यालय भवन निर्माणपछि पार्टीको गतिविधिलाई थप प्रभावकारी बनाउन सहयोग पुग्ने मधेश प्रदेश सभापति यादवले बताउनुभयो ।
-original-thumb.jpg)
