‘हेरेको छैन’ सार्वजनिक
चलचित्र ‘उपहार’ को शीर्ष गीत ‘हेरेको छैन’ सार्वजनिक भएको छ । गीतमा रविन भुसालको आवाज, अर्जुन पोखरेलको सङ्गीत तथा प्रमोद ढुङ्गानाको शब्द छ ।
नृत्य गर्दा स्मार्टफोन
चलचित्र रङ्गेलीको गीत ‘हातैले उघाएर’ को अडियोमा नृत्य गर्दा स्मार्टफोन उपहार पाइने भएको छ । सो भिडियो आफ्नो फेसबुक वा इन्स्टाग्रामको प्रोफाइलमा पोस्ट गरी उत्कृष्ट फिचरसहितको युमिडिजी स्मार्टफोन प्राप्त गर्न सकिने चलचित्रका कार्यकारी निर्माता जितेन्द्र खतिवडाले बताउनुभयो । प्रतिस्पर्धामा सहभागीमध्ये सबैभन्दा धेरै लाइक र भ्युज प्राप्त गर्ने भिडियो बनाउने दुई जनाले सो स्मार्टफोन जित्ने छन् । भिडियो यही माघ २७ सम्ममा पोस्ट गरिसक्नुपर्ने छ ।
गङ्गालाल, समयको पीडा र ‘दी जु स्टोरी’ मञ्चन
शिल्पी थिएटर, बत्तिसपुतलीमा आजबाट सहिद गङ्गालाल श्रेष्ठको जीवनमा आधारित नाटक ‘गङ्गालाल’ मञ्चन सुरु भएको छ । गङ्गालाल फाउन्डेसन र गार्डेन थिएटरको सहकार्यमा निर्माण भएको नाटक चे शङ्करको लेखन तथा निर्देशनमा तयार भएको हो । नाटकमा सहिद गङ्गालाललाई क्रान्तिकारी मात्र नभई एक पूर्ण मानिसका रूपमा प्रस्तुत गरिएको निर्देशक चे शङ्करले बताउनुभयो । विक्रम संवत् १९९१ देखि १९९७ सम्म नेपाली राजनीतिक परिवेशमा घटेका घटनाक्रम र सहिद गङ्गालालका जीवनका घटनालाई आधार मानी नाटकको कल्पना गरिएको उहाँले बताउनुभयो । नाटक गङ्गालालमा सहिद धर्मभक्त, शुक्रराज, दशरथका साथै तत्कालीन नेताहरू टङ्कप्रसाद आचार्य, गणेशमान सिंह र कवि सिद्धिचरण श्रेष्ठसमेत पात्र बनेर मञ्चमा देखिने छन् । विद्यार्थी, शिक्षक, राजनीतिज्ञ, लेखक र कलाकारले गङ्गालाललाई फरक पाटोबाट चिन्नु र हेर्नुपर्ने लेखक निर्देशक चेले बताउनुभयो । सहिद दिवसको सन्दर्भमा प्रदर्शन गरिएको यो नाटक बुधबार नाचघरमा प्रथम मञ्चन गरिएको थियो ।
मिसेस नेपाल उपाधि सृष्टिलाई
मिसेस नेपाल क्यानडा–२०२४ को उपाधि सृष्टि श्रेष्ठले हात पार्नुभएको छ । १० प्रतियोगीलाई पछि पार्दै श्रेष्ठले ताज आफ्नो नाममा पार्नुभएको हो । निर्णायकमण्डलबाट तपाईंलाई यो संसारमा सबैभन्दा बढी के कुराको कमी छ जस्तो लाग्छ भन्ने प्रश्नमा श्रेष्ठले यो संसारमा सबैभन्दा बढी सहानुभूतिको कमी रहेको जवाफ दिनुभएको थियो । सोही जवाफले उहाँले उपाधिको हकदार बनायो । उहाँले करुणा प्रायः पछाडि परेको संसारमा सहानुभूतिको एकदमै आवश्यक रहेको बताउँदै सहानुभूतिलाई संस्कार, संस्कृतिका रूपमा अँगाल्नसमेत सबैलाई आग्रह गर्नुभयो ।
नुनको सन्तुलित प्रयोगमा जोड
‘सही तरिकाले दुई बालबालिका चिह्न भएको आयोडिनयुक्त नुन खाउँ, स्वस्थ बनौँ’ भन्ने नाराका साथ बिहीबारदेखि आयोडिन मन्थ सुरु भएको छ । नेपालमा हरेक वर्ष फेब्रुअरी महिनालाई आयोडिन मन्थका रूपमा मनाइने प्रचलन अनुसार नेपालभर फेब्रुअरी १ तारिक वा बिहीबारदेखि आयोडिन मन्थका कार्यक्रम सुरु गरिएको हो । आयोडिन मन्थका अवसरमा राष्ट्रिय उपभोक्ता मञ्चले आयोजना गरेको ‘आयोडिनयुक्त नुनको उपभोग, गुणस्तर र यसले मानव शरीरमा पर्ने प्रभाव’ विषयक छलफलमा सोबारे जानकारी दिइयो ।
पन्ध्र दिनभित्र राय नदिए फाइल स्वतः सदर
विषयगत राय सुझावका लागि अन्तरमन्त्रालयमा पठाइएका फाइल १५ दिनभित्र जवाफ नपठाए स्वतः सदर हुने भएको छ । मन्त्रालय तथा निकायबाट राय माग भई आएका विषयमा सम्बन्धित मन्त्रालय वा निकायले १० दिनभित्र राय दिनुपर्ने छ । १५ दिनभित्र पनि राय नदिए त्यो विषयमा स्वतः सहमति दिएको मानिने व्यवस्था भएको हो ।
यातायात क्षेत्रका मजदुर दुर्व्यवहार
यातायात क्षेत्रमा कार्यरत मजदुर दुर्व्यवहारमा पर्ने गरेको सरोकारवालाले बताएका छन् । ट्राफिक प्रहरीलगायत विभिन्न नियामक निकायका साथै यात्रुले समेत यस क्षेत्रमा कार्यरत मजदुरलाई दुर्व्यवहार गर्ने गरेको सरोकारवालाले बताएका छन् । राष्ट्रिय मानव अधिकार आयोगले बिहीबार ललितपुरमा आयोजित ‘सेवाग्राहीको अधिकार संरक्षणमा सेवाप्रदायकको भूमिका’ विषयक अन्तर्क्रियामा अखिल नेपाल यातायात मजदुर युनियनका अध्यक्ष दीपक केसीले ट्राफिक प्रहरी र प्रहरीबाट चालक र सहचालकलाई ‘तँ’ भनी सम्बोधन गर्ने गरिएको, सामान्य घटनामा पनि हत्कडी लगाएर दुव्र्यवहार गरिएको, यात्रुलाई सामान्य चोटपटक लागेको अवस्थामा समेत चालक र सहचालकलाई अङ्गभङ्गको मुद्दा लगाउने गरिएको बताउनुभयो । “दुर्व्यवहार र मानव अधिकार हननका कारण चालक र सहचालकले सम्मानपूर्वक जीवन बाँच्न पाएका छैनन् ।
तिलौराकोट विश्व सम्पदामा सूचीकृत हुँदै
प्राचीन शाक्य गणराज्यको राजधानी सहर कपिलवस्तुको तिलौराकोटलाई विश्व सम्पदा सूचीमा सूचीकृत गर्न नेपाल सरकारका तर्फबाट अन्तिम मनोनयन दस्ताबेज युनेस्को विश्व सम्पदा केन्द्रमा पेस भएको छ । फ्रान्सका लागि नेपाली राजदूत एवं युनेस्कोका लागि नेपालका स्थायी प्रतिनिधि सुधीर भट्टराईले युनेस्को वल्र्ड हेरिटेज केन्द्रका निर्देशक महामहिम लाजारे इलोन्डोलाई बुधबार औपचारिक रूपमा मनोनयन दस्ताबेज गर्नुभएको हो ।
आठजना थारू महिला बने गाउँको भलमन्सा
कैलालीमा यस वर्ष अहिलेसम्म आठ जना थारु महिला गाउँको भलमन्सा (बरघर) बन्न सफल हुनुभएको छ । गाउँवासीको भूरा खेलले उनीहरुलाई गाउँको नेतृत्व गर्न भलमन्साको जिम्मेवारी सुम्पेको हो ।
विवाह भोजमा हुने खर्चबाट बुद्धको मूर्ति स्थापना
मकवानपुरका क्रियाशील सञ्चारकर्मी प्रताप विष्टले आफ्नो छोराको विवाह भोजमा लाग्ने खर्चबाट बुद्धको मूर्ति स्थापना गर्नुभएको छ ।
आयोजना प्रक्रियागत रुपमा छनौट हुनुपर्छ : मुख्यमन्त्री शाह
सुदूरपश्चिमका मुख्यमन्त्री कमलबहादुर शाहले सङ्घ र प्रदेशका जनप्रतिनिधिको सम्मानलाई ध्यान दिएर पालिकामार्फत हुने विभिन्न विकासका गतिविधिमा जोड्ने विकल्प खोजिरहेको बताउनुभएको छ ।
ब्युटी र मेकअप तालिम केन्द्र सञ्चालनमा
नेपालगन्ज र सो वरिपरिका शृङ्गारमा रुचि राख्ने महिला तथा युवतिहरुका लागि स्थानीय बागेश्वरी मन्दिरको मिनी मार्केटमा व्युटी एण्ड मेकअप ट्रेनिङ सेन्टर सञ्चालनमा आएको छ ।
माघ २० गतेदेखि झम्सिखेल महोत्सव
झम्सिखेल युथ क्लबको आयोजनामा यही माघ २० गते ‘पाँचौ झम्सिखेल सडक महोत्सव २०८०’ हुने भएको छ।
उपत्यकामा वर्षा, उच्च हिमाली क्षेत्रमा हिमपात
काठमाडौँ उपत्यकामा बिहीबार अपराह्न छिटफुट वर्षा भएको छ । काठमाडौँ र ललितपुरका अधिकांश स्थानमा छिटफुट वर्षा भएको मौसम विज्ञान विभाग अन्तर्गतको जल तथा मौसम पूर्वानुमान महाशाखाले जनाएको छ ।
पश्चिम तराईमा वर्षा, गहुँ बालीलाई फाइदा
चार महिनापछि पश्चिम नेपालको तराईमा वर्षा भएको छ । पश्चिमी न्यूनचापीय प्रणालीको प्रभावले सुदूरपश्चिम प्रदेशको हिमाली क्षेत्रमा हिमपात भएको छ भने तराई क्षेत्रमा वर्षा भएको हो ।
‘मैथली भाषाको विकासमा राज्यको लगानी आवश्यक छ’
नेकपा (एकीकृत समाजवादी) का अध्यक्ष एवम पूर्व प्रधानमन्त्री माधवकुमार नेपालले मैथली भाषाको विकासमा राज्यको लगानी आवश्यक रहेको बताउनुभएको छ ।
गोबरसँगै खेल्ने कृषक भन्नुहुन्छ, ‘वर्षमा एक करोडको दुध बेच्छु’
पैसा कमाउन विदेश नै जानुपर्छ भन्ने मान्यतालाई बागलुङका कृष्णप्रसाद पौडेलले गलत साबित गर्नुभएको छ । पौडेल व्यावसायिक पशुपालनबाट वार्षिक एक करोड रुपियाँभन्दा बढीको दुध बिक्री गर्नुहुन्छ ।
श्रीमती हत्या आरोपमा श्रीमान् पक्राउ
झापाको दमकमा श्रीमतीलाई कुटपिट गरी हत्या गरेको अभियोगमा श्रीमान् पक्राउ परेका छन् । दमक नगरपालिका–७ का ३४ वर्षीय विनोद राईले २८ वर्षीया श्रीमती ममिला राईलाई कुटपिट गरी हत्या गरेको अभियोगमा प्रहरीले उनलाई पक्राउ गरेको हो ।
दलित बस्तीमा हिलटप ट्याङ्की वितरण
खानेपानीका लागि लामो समयदेखि समस्या झेल्दै आएका सिन्धुलीको कमलमाई नगरपालिका–४ का २८ दलित घर परिवारले खानेपानी सङ्कलनका लागि बिहीबार हिलटप ट्याङ्की पाएका छन् ।
पुल बनेपछि स्थानीय खुसी
मिर्चैया नगरपालिकाको ग्रामीण भेगका स्थानीयहरुलाई सहरी क्षेत्रसँग आवतजावत गर्न जिवाखोलामा पुल निर्माण भएपछि खुसी भएका छन् ।
राजनीतिक दलसम्बन्धी विधेयक सङ्घीय संसदमा दर्ता
सरकारले राजनीतिक दलसम्बन्धी ऐन २०७३ लाई संशोधन गर्न बनेको विधेयक सङ्घीय संसदमा दर्ता गराएको छ ।
सुरक्षण मुद्रणको काम नेपालमै गर्नसके राजश्वको ठुलो हिस्सा बाहिर जाँदैन : मन्त्री शर्मा
सञ्चार तथा सूचना प्रविधिमन्त्री रेखा शर्माले सुरक्षण मुद्रणको काम नेपालभित्रै गर्नसके राजश्वको ठुलो हिस्सा बाहिर जानबाट रोकिने बताउनुभएको छ ।
प्रधानमन्त्री कप क्रिकेट : पुलिस अपराजित रहँदै फाइनलमा
लिगको दुई खेल अगावै फाइनलमा स्थान बनाएको पुलिसले बिहीबार भएको अन्तिम खेलमा सुदूरपश्चिम प्रदेशविरुद्ध ७८ को जित निकाल्यो ।
बागलुङदेखि जलजला जोड्ने झोलुङ्गे पुल निर्माण
बागलुङ बजारदेखि पर्वतको जलजला गाउँपालिका जोड्न काली गण्डकी नदीमाथि निर्माणाधीन पाँच सय २४ मिटर लामो झोलुङ्गे पुल अन्तिम चरणमा पुगेको छ ।
कृष्णप्रसाद भट्टराई स्मृति राष्ट्रिय कराते सुरु
तेस्रो संस्करणको कृष्णप्रसाद भट्टराई स्मृति राष्ट्रिय कराते प्रतियोगिता बिहीबारदेखि सुरु भएको छ ।
