गलेश्वरधाममा तीन लाखभन्दा बढी भेटी सङ्कलन
म्याग्दीको प्रसिद्ध धार्मिक स्थल गलेश्वरधाममा यस वर्षको साउन महिना दोस्रो सोमबार तीन लाख ३६ हजार १८५ रुपियाँ भेटी सङ्कलन भएको छ ।
तेस्रो अन्तर माध्यमिक विद्यालयस्तरीय छात्रा फुटबल हुँदै
म्याग्दी सदरमुकाम बेनीमा रहेको न्यू दोभान युथ क्लवले तेस्रो न्यू दोभान कप खुल्ला अन्तर विद्यालय स्तरीय छात्रा ‘९–ए साइड’ फुटबल प्रतियोगिता आयोजना गरेको छ ।
अन्नपूर्ण साउथ हिमाल
माछापुच्छ्रे नमुना पदमार्ग अन्तर्गत कास्कीको माछापुच्छ्रे गाउँपालिकास्थित कोर्चां डाँडाबाट बादलको घुम्टोमा देखिएको अन्नपूर्ण साउथ हिमालको दृष्य ।
पोखरामा गाउँगाउँबाट कृषि ‘एम्बुलेन्स’ले ल्याउँछ तरकारी
पोखरा महानगरपालिका–७ माछापुच्छ्रे टोलकी आस्था गिरी सोमबार साँझ आफ्नै घरछेउमा थरीथरीका तरकारी किन्न पाउँदा मख्ख हुनुहुन्थ्यो । त्यहाँ उहाँजस्ता धेरै गृहिणीको तरकारी किन्न भीड नै लागेको थियो ।
बागलुङमा आलुखेती विस्तार : गत वर्ष अर्ब बढीको उत्पादन
पछिल्लो समय बागलुङका किसान आलुखेतीतर्फ आकर्षित हुँदै गएका छन् । खासगरी जिल्लाको माथिल्लो क्षेत्रका किसानले व्यावसायिक आलुखेती गर्न थालेका हुन् ।
-(1)-original-thumb.jpg)
कष्टकर बन्दै सिद्धार्थ राजमार्ग, फरक फरक मापदण्ड स्तरोन्नतिको बाधक
वालिङ नगरपालिका–१० का एकदेव ढकाल ९२ वर्ष पुग्नुभयो । युवा अवस्थामा उहाँ पैदल खस्यौली (हालको रुपन्देहीको बुटवल) पुगेर दैनिक उपभोग्य सामग्री ल्याउने गर्नुहुन्थ्यो । उहाँ युवा अवस्थामा कयौँ पटक खस्यौली पुग्नुभयो, त्यसको कुनै गणना नै छैन । आँगनमै गाडी आइपुगेको अहिलेको अवस्था सम्झँदै उहाँ भन्नुहुन्छ, “यस्तो पनि दिन आउँदो रैछ, हामीले त धेरै दुःख गरेका हौँ ।” सातदेखि १० दिनको यात्रापछि आफूहरू खस्यौलीबाट सामान डोकोमा बोकेर वालिङस्थित घर आइपुगेको अनुभव अहिले पनि ताजा छ ढकाललाई । उहाँलाई अहिले युग नै परिवर्तन भए जस्तो लाग्छ ।
सुक्खा पहिरोले कालीगण्डकी करिडोरको पर्वत खण्ड अवरुद्ध
उत्तर–दक्षिण जोड्ने राष्ट्रिय गौरवको कालीगण्डकी करिडोरको पर्वत खण्ड पहिरोले अवरुद्ध बनेको छ । पर्वतको कुश्मा नगरपालिका–५ स्थित बडागाउँ–कैया झोलुङ्गे पुल नजिकै खसेको सुक्खा पहिरोले सडक अवरुद्ध बनेको हो । पहिरोले झण्डै ५० मिटर सडक पुरिएको छ । आइतबार बिहानदेखि वर्षा नभए पनि सोमबार बिहान सुक्खा पहिरो खसेको थियो ।
साढे बत्तिस किलो यार्चागुम्बा सङ्कलन
गत वैशाख १० देखि मनाङको नाम्के खर्कबाट सुरु गरिएको यार्चागुम्बा सङ्कलन सम्पन्न भएको छ । सङ्कलन कार्य सम्पन्न भएसँगै उक्त क्षेत्रबाट ३२ किलो पाँच सय ग्राम यार्चागुम्बा निकासी भएको छ । अन्नपूर्ण संरक्षण क्षेत्र आयोजना (एक्याप) मनाङका प्रमुख ढकबहादुर भुजेलले असार मसान्तसम्ममा ३२ किलो पाँच सय ग्राम यार्चागुम्बा सङ्कलन तथा निकासी भएको जानकारी दिनुभयो । उहाँले उक्त परिमाणको यार्चागुम्बा निकासीबाट १६ लाख ५७ हजार पाँच सय रुपियाँ राजस्व सङ्कलन भएको बताउनुभयो ।
नाचगान गरेर जुटाएको रकम सामाजिक सेवामा
म्याग्दीको बेनी नगरपालिका–४ को उपल्लो तातोपानी बजारका बासिन्दाले नाचगान गरेर जुटाएको रकम सामाजिक काममा परिचालन गरेका छन् ।
नाचगान गरेर जुटाएको रकम सामाजिक सेवामा
उपल्लो तातोपानीमा रहेको टोल विकास संस्था र जलमाई भगवती आमा समूहले प्राकृतिक तातोपानी कुण्डमा स्नानका लागि र विदेशबाट जन्मथलो आएका लाहुरेहरूको स्वागतका लागि हरेक शुक्रबार सांस्कृतिक कार्यक्रम गर्छन् ।
खुमै डाँडा
माछापुच्छ्रे नमुना पदमार्ग अन्तर्गत कास्कीको माछापुच्छ्रे गाउँपालिकास्थित कोर्चां डाँडाबाट देखिएको खुमै डाँडाको दृष्य ।
पर्यटकको औसत बसाइ बाह्र दिन
गण्डकी प्रदेश भ्रमण गर्ने पर्यटकको औसत बसाइ अवधि १२ दिन रहेको पाइएको छ । पर्यटकको भारित औसत दैनिक खर्च आठ हजार ३५५.२९ (अमेरिकी डलर ६२.८९) रहेको पाइएको छ । नेपाल राष्ट्र बैङ्क, पोखरा कार्यालय अन्तर्गतको अनुसन्धान एकाइले तयार पारेको अध्ययन प्रतिवेदन अनुसार गत आवमा भुक्तानीका माध्यम प्रयोगको विश्लेषण गर्दा यस सर्वेक्षणमा संलग्न पर्यटकमध्ये नगदको माध्यमबाट ९४.९३ प्रतिशत पर्यटकले भुक्तानी गर्ने गरेको पाइएको छ ।
मन्त्री मनाङेलाई कारबाही गर्न पत्रकारहरूको माग
कास्कीका पत्रकारहरूले पत्रकारलाई कुट्नुपर्ने अभिव्यक्ति दिने गण्डकी प्रदेशका भौतिक पूर्वाधार विकास तथा यातायात व्यवस्था मन्त्री राजीव गुरुङ (दीपक मनाङे) लाई कारबाही गर्न माग गरेका छन् ।
दमौली अस्पतालद्वारा एक वर्षमा ९८ हजारलाई सेवा
तनहुँ सदरमुकामस्थित दमौली अस्पतालले एक वर्षको अवधिमा करिब एक लाख बिरामीलाई स्वास्थ्य सेवा प्रदान गरेको छ । अस्पतालले आर्थिक वर्ष २०८०/८१ को अवधिमा ९८ हजार तीन सय ५६ जनालाई स्वास्थ्य सेवा प्रदान गरेको हो ।
दुना टपरी व्यवसायमा जोडिँदै महिला
अर्जुन चौपारी गाउँपालिका १ मा जिरोमा मेसिनबाट पातका दुना टपरी बनाउन थालिएको छ । यहाँको भगवतीमाई बहुउद्देश्यीय सहकारी लिमिटेडले मेसिनबाट साल, कटुस, चिउरी लगाएका पातबाट दुना टपरी बनाएर बिक्री वितरण गर्न थालेको हो ।
गोरखा पहिरो : चार जनाको शव फेला
उत्तरी गोरखामा पहिरोमा पुरिएका एकै घरका तीनसहित चार जनाको शव फेला परेको छ । धार्चे गाउँपालिका–५ सिङलास्थित रेसेगाउँमा सोमबार पहिरोले पुरिएको अवस्थामा घरभन्दा ३० मिटर तल जीतबहादुर गुरुङ, ६० वर्षीय बुबा सुलाल कान्छा गुरुङ र जीत बहादुरको कृषि फर्ममा काम गर्ने कामदार ३३ वर्षीय रमेश गुरुङको शव पुरिएको अवस्थामा फेला परेको हो ।
-original-thumb.jpg)
फलामको पुल राखेपछि यातायात सञ्चालन
बाढीका कारण पूर्ण रूपमा अवरुद्ध मनाङ प्रवेशको एक मात्र सडक सञ्चालनमा आएको छ । चामे गाउँपालिका-१ तिमाङस्थित स्याक्र्यु झरनामा फलामको पुल राखेपछि यातायात सञ्चालनमा आएको हो ।
नारायणगढ-बुटवल सडक खण्ड विस्तार : ४६.९८ प्रतिशत वित्तीय प्रगति
स्तरोन्नति र निर्माणका लागि भत्काइएका राजमार्ग, नारायणगढ–बुटवल सडक खण्डको छ वर्षको अवधिमा ५२ प्रतिशत मात्रै काम सम्पन्न भएको छ।
म्याग्दीका स्थानीयद्वारा आठ करोड ७१ लाख आन्तरिक आम्दानी
म्याग्दीका स्थानीय तहले गत आर्थिक वर्ष २०८०/०८१ मा साढे आठ करोडभन्दा बढी आन्तरिक आम्दानी गरेका छन् । गत आर्थिक वर्षको असार मसान्तसम्ममा आठ करोड ७१ लाख ७० हजार दुई सय २८ रुपियाँ आन्तरिक आम्दानी गरेका हुन् ।
-original-thumb.jpg)
सुक्खा क्षेत्रमा सौर्य ऊर्जामार्फत सिँचाइ
जिल्लाको देवघाट गाउँपालिका-२ बेसारघारीमा ३५ हेक्टर क्षेत्रफलमा अहिले सिँचाइ पुगेको छ ।
पहिरोमा पुरिएको अवस्थामा शव फेला
उत्तरी गोरखाको धार्चे गाउँपालिका–५ सिङलास्थित रेसेगाउँमा एकै घरका ३ जनासहित पहिरोमा पुरिएका ५ जनामध्ये १ जनाको शव सोमबार दिउँसो १२ः४५ बजे भेटिएको छ ।
मेलाको आम्दानीले विद्यार्थीलाई पोसाक र यातायात सुविधा
यहाँको जलजला गाउँपालिका–९ बनौँमा सञ्चालित बनौँ युवा क्लबद्वारा सञ्चालित मेलाको आम्दानीले स्थानीय बनौँ माध्यमिक विद्यालयका सम्पूर्ण विद्यार्थीलाई पोसाक वितरण गर्नाका साथै निःशुल्क विद्यालय आवजावत गर्न यातायात सुविधा मिलाइएको हो ।
श्रद्धालुको पर्खाइमा पार्वती गुफा
पर्वतको कुश्मा नगरपालिका–१ पाङ र वडा २ खुर्कोटको सिमाना रहेको पार्वती गुफा प्रचार अभावमा ओझेलमा रहेको छ । धर्मग्रन्थमा उल्लेख भएअनुसार हिमालय पर्वतकी पुत्री पार्वतीले महादेव पती पाउँ भनी कठोर तपस्या गरेको उक्त स्थान लामो समयसम्म संरक्षण र प्रचार अभावका कारण ओझेलमा परेको हो ।
एसइई ग्रेड वृद्धिका लागि परीक्षा केन्द्र तोकियो
गोरखामा ग्रेड वृद्धि परीक्षाको लागि सोमबार ६ वटा केन्द्र तोकिएको छ । ग्रेड वृद्धि परीक्षाको लागि गोरखामा २ हजार ४ सय ६५ परीक्षार्थीको सहभागिता रहने जिल्ला शिक्षा तथा समन्वय इकाई गोरखाका प्रमुख रमेशराज मैनालीले जानकारी दिनुभयो ।
गलेश्वरधाममा बिहानैदेखि भक्तजनको भिड
साउनको दोस्रो सोमबार म्याग्दीको बेनी नगरपालिका –९ मा रहेको धार्मिकस्थल गलेश्वरधाममा बिहानैदेखि भक्तजनको भिड लागेको छ ।
