काँग्रेस ताप्लेजुङद्वारा उम्मेदवारको नाम सिफारिस
नेपाली काँग्रेस ताप्लेजुङले प्रतिनिधि तथा प्रदेशसभा सदस्य निर्वाचनका लागि उम्मेदवारको नाम सिफारिस गरेको छ । आगामी मङ्सिर ४ गते हुने प्रतिनिधि तथा प्रदेशसभा सदस्य निर्वाचनका लागि काँग्रेसले प्रत्यक्ष र समानुपातिकतर्फका उम्मेदवारहरुको नाम सिफारिस गरेको हो ।
मधेस प्रदेश अध्यक्ष यादव रौतहट क्षेत्र नं.१ बाट सिफारिस
मधेस प्रदेशका सुचना तथा संचार विभागका प्रमुख नितेशकुमार गुप्ताले मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि रौतहट क्षेत्र नम्बर १ (ख)बाट प्रदेशसभा सदस्य उम्मेदवारमा सभापति यादवको नाम सिफारिस भएको जानकारी दिनुभयो ।
स्थानीय सरकारलाई अधिकार दिएमात्र देशको प्रगति हुन्छ : राज्यमन्त्री
प्रधानमन्त्री तथा मन्त्रिपरिषद्को कार्यालयका राज्यमन्त्री उमेश श्रेष्ठले स्थानीय सरकारलाई संविधानले तोकिएको अधिकार दिएमात्र देशको प्रगति हुने बताउनुभएको छ ।
कुनै पार्टीसँग देशभर गठबन्धन हुँदैन : अध्यक्ष लिङ्देन
राष्ट्रिय प्रजातान्त्र पार्टीका अध्यक्ष राजेन्द्र लिङ्देनले मङ्सिर ४ गते हुने प्रतिनिधिसभा तथा प्रदेशसभा निर्वाचनमा कुनै पनि पार्टीसँग देशभर गठबन्धन नहुने बताउनुभएको छ ।
माओवादीका महासचिव गुरुङ प्रतिनिधि सभा सदस्यको उम्मेदवारमा सिफारिस
नेकपा माओवादी केन्द्रका महासचिव देवप्रसाद गुरुङ प्रतिनिधि सभा सदस्यको उमेदवारका लागि सिफारिस हुनुभएको छ । मंसिर ४ गते हुने प्रतिनिधि सभा निर्वाचनमा सदस्यको उम्मेदवारका लागि प्रत्यक्षतर्फ सिफारिस हुनुभएको हो ।
सञ्चारमन्त्री कार्की सुनसरी क्षेत्र नं ४ बाट एकल सिफारिस
नेपाली कांग्रेसका केन्द्रीय सदस्य ज्ञानेन्द्रबहादुर कार्की सुनसरी क्षेत्र नम्बर ४ बाट प्रतिनिधिसभा सदस्यका लागि सिफारिस हुनुभएको छ । सोही क्षेत्रबाट प्रतिनिधिसभाका सांसद उहाँ सञ्चार तथा सूचना प्रविधिमन्त्री एवं नेपाल सरकारका प्रवक्ता समेत हुनुहुन्छ ।
गठबन्धनलाई सकस सिन्धुपाल्चोक एक, टिकट पाउने बस्नेत र सापकोटा ?
मङ्सिर ४ मा हुने सङ्घ र प्रदेश निर्वाचनका लागि देशभरबाट धमाधम उम्मेदवारको नामावली सिफारिस हुने क्रम बढ्दो छ । सिन्धुपाल्चोकका तीन ठुला दलले पनि आइतबार उम्मेदवार सिफारिस गरेर प्रदेश र केन्द्रमा पठाएको छ ।
रञ्जन कोइरालाको मुद्दामा राणाद्वारा गल्ती स्वीकार
निलम्बित प्रधानन्यायाधीश चोलेन्द्रशमशेर जबराले सशस्त्र प्रहरीका पूर्वडीआईजी रञ्जन कोइरालाको कैद छुट दिने फैसलाप्रति आफूलाई ‘गिल्टी फिल’ भएको बताउनुभएको छ। फैसला पुनरवलोकन भई कोइराला पुनः थुनामै गइसकेको अवस्थामा कैद घटाउने राय त्रुटिपूर्ण रहेको स्वीकार जबराले गर्नुभएको हो। आफूविरुद्धको महाभियोग प्रस्तावमा महाभियोग सिफारिस समितिसमक्ष बयानका क्रममा उहाँले रायकै आधारमा महाभियोग लगाइए कुनै आपत्ति नभएको समेत बताउनुभयो।
-original-thumb.jpg)
न्यायोचित र सम्मानजनक सिट बाँडफाँट हुन्छ : सञ्चारमन्त्री कार्की
सत्ता गठबन्धनको सिट बाँडफाँट कार्यदलको बैठक सोमबार दिउँसो १ बजे बस्ने गरी आइतबारको बैठक सकिएको छ।
गणतन्त्र स्थापनामा नेतृत्वदायी भूमिका खेलेको अध्यक्ष नेपालको दाबी
नेकपा (एकीकृत समाजवादी) का अध्यक्ष माधवकुमार नेपालले मुलुकमा संघीय लोकतान्त्रिक गणतन्त्र स्थापना गर्ने कामको नेतृत्व आफूले गरेको दाबी गर्नुभएको छ।
पाँचथरबाट एमाले प्रतिनिधिसभा सदस्यमा नेम्वाङ सिफारिस
नेकपा (एमाले) ले पाँचथरबाट प्रतिनिधिसभा सदस्यका लागि पार्टी केन्द्रीय सदस्य तथा जिल्ला इन्चार्ज बसन्तकुमार नेम्वाङको नाम सिफारिस गरेको छ।
लमजुङबाट प्रतिनिधिसभामा माओवादी महासचिव गुरुङको नाम सिफारिस
नेकपा (माओवादी केन्द्र)का महासचिव देवप्रसाद गुरुङ प्रतिनिधि सभा सदस्यको उमेदवारका लागि सिफारिस हुनुभएको छ।
नेता पौडेल तनहुँ क्षेत्र १ बाट सिफारिस
नेपाली कांग्रेसका वरिष्ठ नेता रामचन्द्र पौडेल सङ्घतर्फ तनहुँ क्षेत्र नम्बर १ बाट सिफारिस हुनुभएको छ । कांग्रेस तनहुँले उहाँलाई आइतबार सिफारिस गरेको प्रवक्ता हरि वाग्लेले जानकारी दिनुभयो ।
काठमाडौं ७ मा मुक्ति प्रधान सिफारिस
नेकपा (माओवादी केन्द्र) को काठमाडौंको संघीय निर्वाचन क्षेत्र नम्बर ७ मा मुक्ति प्रधानको नाम सिफारिस भएको छ । माओवादीको काठमाडौं क्षेत्र नम्बर ७ का इन्चार्ज दीपक सिलवाल (रुपेश) ले आइतबार एक भेलागरी प्रत्यक्षतर्फ प्रधान र संघीय समानुपातिकमा धनलाल महर्जनको नाम सिफारिस भएको जानकारी दिनुभयो ।
दार्चुला एमालेबाट ठगुन्ना सर्वसम्मत सिफारिस
नेकपा (एमाले) दार्चुलाबाट प्रतिनिधिसभा उम्मेदवारमा गणेशसिंह ठगुन्नाको नाम सर्वसम्मत सिफारिस भएको छ । आगामी मङ्सिर ४ गते हुने निर्वाचनको लागि प्रतिनिधिसभामा प्रत्यक्षतर्फ ठगुन्नाको नाम एकल सिफारिस गरिएको एमाले दार्चुलाका उपसचिव एबम् प्रचार विभाग प्रमुख खडक वडालले जानकारी दिनुभयो ।
गृहमन्त्री खाणकाे नाम रुपन्देहीका दुईवटा क्षेत्रबाट सिफारिस
नेपाली कांग्रेसका प्रभावशाली नेता एवं गृहमन्त्री बालकृष्ण खाण रुपन्देहीका दुईवटा निर्वाचन क्षेत्रबाट प्रतिनिधि सभा निर्वाचनका लागि सिफारिस हुनु भएको छ।
-original-thumb.jpg)
सञ्चार मन्त्री कार्कीको नाम सुनसरी ४ बाट सर्वसम्मत सिफारिस
सञ्चार तथा सूचना प्रविधिमन्त्री ज्ञानेन्द्रबहादुर कार्की मंसिर ४ गते हुने प्रतिनिधि सभा निर्वाचनका लागि सुनसरी क्षेत्र नम्बर ४ बाट नेपाली कांग्रेसको उम्मेदवारमा सर्वसम्मत सिफारिस हुनुभएको छ।
भारतीय सेनाध्यक्ष पांडे नेपालमा
काठमाडौं, भदौ १९ गते । भारतीय सेनाध्यक्ष जनरल मनोज पांडे आइतबार नेपालमा आइपुग्नु भएको छ। प्रधानसेनापति प्रभुराम शर्माको निमन्त्रणामा भारतीय सेनाध्यक्ष पांडे आइतबार दिउँसो पाँच दिने नेपाल भ्रमणका लागि काठमाडौं आइपुग्नु भएको हो। पाँच दिने नेपाल भ्रमणका क्रममा उहाँले राष्ट्रपति विद्यादेवी भण्डारी, प्रधानमन्त्री शेरबहादुर देउवासँग भेट गर्नुहुने कार्यक्रम रहेको छ। उहाँले प्रधानसेनापति शर्मासँग भेटवार्ता एवम् छलफल गरेपछि भारतीय सेनाको तर्फबाट नेपाली सेनालाई सहयोग स्वरूप प्रदान गरिने विविध सामग्रीको हस्तान्तरण गर्नुहुने कार्यक्रम छ। राष्ट्रपति भण्डारीले भारतीय सेनाध्यक्ष पांडेलाई एक विशेष समारोहका बीच नेपाली सेनाको मानार्थ महारथीको दर्जा प्रदान गर्ने कार्यक्रम रहेको छ। नेपाली सेना र भारतीय सेनाबीच यस्तो परम्परा रही आएको छ।
माओवादी र एकीकृत समाजवादीको साझा चुनावी घोषणापत्र बन्दै
सत्ता साझेदार दलहरु नेकपा (माओवादी केन्द्र) र नेकपा (एकीकृत समाजवादी) बीच आगामी निर्वाचनका लागि साझा घोषणापत्र निर्माण गर्ने छलफल चलेको छ । मंसिर ४ गतेको प्रतिनिधिसभा र प्रदेशसभा सदस्य निर्वाचनका लागि प्रमुख राजनीतिक दलका नेता एवम् अन्य उम्मेदवार सिफारिस गर्नेक्रम जारी छ । पछिल्लो समय नेताहरुले निर्वाचन तयारीमा सक्रियता बढाएका छन् ।
चुनावपछि परिवर्तनका लागि सडकमा जान्छु : अध्यक्ष दाहाल
काठमाडौं, भदौ १९ गते । सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहालले आगामी निर्वाचनपछि परिवर्तनका लागि सडकमा जाने बताउनुभएको छ। उहाँले आइतबार राजधानीमा आयोजित एक कार्यक्रममा सम्बोधन गर्नुहुँदै गणतन्त्र, धर्मनिरपेक्षता, सङ्घीयता जस्ता परिवर्तनलाई उल्ट्याउन खोजिएको भन्नुहुँदै सो कुरा बताउनुभएको हो। यो विषयले आफूलाई सबैभन्दा बढी चिन्तित तुल्याएको भनाइ पनि उहाँले जोड्नुभयो।अध्यक्ष दाहालले भन्नुभयो, “प्रदेश र सङ्घको निर्वाचनको संघारमा छौँ। अहिले जे प्रहार भइरहेको छ, विभिन्न कोणबाट यो परिवर्तन उल्ट्याउन। पार्टी र नेतृत्वलाई निस्तेज गर्ने जो चलिरहेको छ, चुनावपछि यो परिवर्तन बदल्न म सडकमा जान्छु।”अब छिट्टै आन्दोलन समेत हुने भन्नुहुँदै उहाँले पार्टी सत्तामा हुँदा कमजोर सडकमा हुँदा सधैँ बलियो भएको तर्क राख्नुभयो। आन्दोलनको नेतृत्व पनि अरूले गर्नुभन्दा पहिले माओवादीले नै गरेर निरन्तरतालाई क्रम भङ्ग गर्नुपर्नेमा उहाँले जोड दिनुभयो।अध्यक्ष दाहालले विगतमा कम्युनिष्टलाई एक ठाउँमा राख्ने, बलियो शक्ति निर्माण गर्ने, समाजवादको ठोस भिजन एवम् श्रम र सांस्कृतिक रूपान्तरणमा नयाँ आन्दोलन सिर्जना गर्ने उद्देश्यका साथ एमालेसँग वाम एकता गरिएको उल्लेख गर्नुभयो। उहाँले भन्नुभयो, “देशमा राजनीतिक स्थायित्व र समाजवादको लामो यात्रामा जान सकिन्छ। हाम्रा आग्रह, पूर्वाग्रह छोडिदिऊँ, त्यो मैले नै भनेको हो। तपाईंहरुलाई ठिक लाग्छ, लाग्दै त्यो सोध्ने अधिकार हो। तर, सचेत रूपले गरिएको हो।” विगतमा तत्कालीन ओली सरकारले गरेको संसद् विघटन लगायतका सबै घेराबन्दीको नेतृत्व गरेको दाबी उहाँले गर्नुभयो। उहाँले अहिले विश्वमा समेत राजनीतिक ध्रुवीकरण देखा परेको भन्नुहुँदै आत्मनिर्भर अर्थतन्त्रका निम्ति उत्पादन वृद्धिको हुनुपर्ने भनाइ राख्नुभयो।
-original-thumb.jpg)
रुपन्देही २ बाट एमाले उपाध्यक्ष पौडेलको नाम सिफारिस
नेकपा (एमाले) का उपाध्यक्ष तथा पूर्व अर्थमन्त्री विष्णु पौडेल रुपन्देही निर्वाचन क्षेत्र नम्बर २ बाट प्रतिनिधिसभा सदस्यको उम्मेदवारका लागि सर्वसम्मत सिफारिस हुनुभएको छ ।
एमाले महासचिव पोखरेलको एकल नाम सिफारिस
प्रतिनिधि सभा निर्वाचनका लागि नेकपा (एमाले) का महासचिव शंकर पोखरेलको नाम एकल सिफारिस गरिएको छ । एमाले क्षेत्रीय समन्वय कमिटीको आइतबार घोराहीमा बसेको बैठकले महासचिव पोखरेललाई प्रतिनिधि सभा सदस्य निर्वाचनका लागि एकल उम्मेद्वार छनोट गरेर पठाएको हो ।
एमाले अछामबाट रावल र बोगटीको नाम सिफारिस
नेपाल कम्यूनिष्ट पार्टी (एमाले) अछामले प्रतिनिधिसभाका दुई निर्वाचन क्षेत्र रहेको अछाममा दुवै क्षेत्रबाट आगामी निर्वाचनको उम्मेदवार सर्वसम्मत रुपमा एकल नाम सिफारिस गरेको छ । दलको सम्बन्धित क्षेत्र समन्वय समितिले प्रतिनिधिसभाको अछाम –१ मा डा. भीमबहादुर रावल र क्षेत्र नं. २ मा यज्ञबहादुर बोगटीको नाममा एकल रुपमा सिफारिस गरेको हो । रावल र बोगटी सोही क्षेत्रका वर्तमान प्रतिनिधिसभा सदस्य हुनुहुन्छ ।
निजामती ऐन रूपान्तरण गरेर ल्याउन सरकार गम्भीर छ : प्रधानमन्त्री देउवा
प्रधानमन्त्री देउवाले सरकारी कार्यलयहरुमा अझै पनि नागरिक मैत्री काम हुन नसकेको भन्दै यसलाई तत्काल सुधार गरी जनतालाई बिना कुनै झन्झट चुस्त सार्वजनिक सेवा प्रवाह गर्न निर्देशन दिनुभयो ।
प्रधानमन्त्री देउवा र माओवादी अध्यक्ष दाहालबीच भेटवार्ता
नेपाली कांग्रेसका सभापति एवम् प्रधानमन्त्री शेरबहादर देउवा र नेकपा (माओवादी केन्द्र) का अध्यक्ष पुष्पकमल दाहालबीच आइतबार बिहान प्रधानमन्त्री निवास बालुवाटारमा भेटवार्ता भएको छ ।
