सिमकोटमा अध्यक्षमा माओवादी र उपाध्यक्षमा काँग्रेस विजयी
सिमकोट गाउँपालिकामा अध्यक्ष पदमा सत्ता गठबन्धन विजयी भएको छ । सो गठबन्धनबाछ नेकपा माओवादी केन्द्र विजय भण्डारी र उपाध्यक्षमा नेपाली काँग्रेसका सुुशिला भाम रोकाया विजयी हुनुु भएको छ ।
-original-thumb.jpg)
बेंसीशहर नगरपालिकामा एमालेका अर्याल र गुरुङ निर्वाचित
बेलिना थापालमजुङ, जेठ ३ गते । लमजुङको बेंसीशहर नगरपालिकाको प्रमुखमा नेकपा (एमाले) का गुमानसिङ अर्याल निर्वाचित हुनुभएको छ । उपप्रमुखमा एमालेकै पदमा गुरुङ निर्वाचित हुनुभएको छ ।प्रमुख पदमा उम्मेदवार अर्यालले ९ हजार ४ सय ७९ मत ल्याएर पुनः ५ बर्षका लागि प्रमुखमा निर्वाचित हुनुभएको हो । उहाँ यसअघि पनि प्रमुख हुनुहुन्थ्यो । उहाँको प्रतिद्वन्दी नेपाली काँग्रेसका श्रीकान्त घिमिरेले ७ हजार ४ सय ७१ मत ल्याउनुभएको छ । प्रतिद्वन्द्वी राप्रपाका अजितबहादुर अधिकारीले १ सय ४६ मत, मङ्गोल नेशनल अर्गनाइजेसनका कुलुकुमारी गुरुङले ५३ र जसपाका बलहादुर रानाले ४३ मत ल्याउनुभएको छ ।यस्तै उपप्रमुखमा एमालेकी पदमा गुरुङले ८ हजार ७ सय १४ मत ल्याएर विजयी हुनुभएको छ । प्रतिद्वन्द्वी नेकपा माओवादी केन्द्रका हरिजङ तामाङले ४ हजार ६ सय ९९ मत ल्याउनुभएको छ । स्वतन्त्र उम्मेदवार जीवनकुमार श्रेष्ठले १ हजार ६ सय १५ मत, राप्रपाका मेनुका कार्कीले १ सय ४८ मत र मङ्गोल नेशनल अर्गनाइजेसनका पदममाया गुरुङ्ले ४८ मत ल्याउनुभएको छ । यसअघि अर्यालले नेपाली काँग्रेसका भेषबहादुर पौडेललाई हराएर प्रमुख जित्नुभएको थियो ।
बेनी नगरपालिकामा मेयरमा एमाले र उपमेयरमा गठबन्धन विजयी
हिमाली जिल्ला म्याग्दीको बेनी नगरपालिकाको मेयर पदमा सत्ता गठबन्धनका तर्फबाट नेपाली कांग्रेसका उम्मेदवार चिरञ्जीवि शर्मालाई पराजित गर्दै नेकपा एमालेका सुरत केसी विजयी हुनुभएको छ । के.सी.ले ७ हजार ६०३ मत ल्याएर विजयी हुनुभएको हो । उहाँका निकटतम प्रतिस्पर्धी नेपाली कांग्रेसका शर्माले ६ हजार २३० मत पाउनुभएको छ ।
त्रिपुरासुन्दरीमा काँग्रेसका भक्तध्वज र गीता विजयी
त्रिपुरासुन्दरी गाउँपालिकामा नेपाली काँगे्रसका भत्तध्वज बोहरा र गीता नेपाल अध्यक्ष र उपाध्यक्षमा विजयी हुनुभएको छ । नवनिर्वाचित बोहराले ४ हजार २२९ मत ल्याउनु भएको छ भने उहाँको निकटतम प्रतिद्वन्द्वी एमालेका मेघनाथ पौडेलले ३ हजार २६७ मत ल्याउनुभयो । एमाओबादी केन्द्रका बिर्खबहादुर श्रेष्ठले १ हजार ८६२ मत ल्याउनु भएको छ ।
अजयमेरुको अध्यक्षमा माओवादी र उपाध्यक्षमा काँग्रेस विजयी
अजयमेरु गाउँपालिकाको अध्यक्षमा नेकपा माओवादी केन्द्र उमेशप्रसाद भट्ट र उपाध्यक्षमा नेपाली काँग्रेसका उम्मेदवार बसन्ती पाल विजयी हुनुभएको छ । नेकपा एमालेका उम्मेदवार पदम पाललाई पराजित गर्दै भट्ट विजयी हुनुभयो भने माओवादी केन्द्रका उम्मेदवार कलावती भाणलाई पछि पार्दै काँग्रेसकी पाल विजयी हुनुभएको हो । अध्यक्ष भट्ट दोस्रो कार्यकाल दोहरिनुभयो भने उपाध्यक्ष भाण भने यस पटक दोहरिन सक्नुभएन ।
हुप्सेकोट गाउँपालिकामा काँग्रेस विजयी
पूर्वी नवलपरासीको हुप्सेकोट गाउँपालिका अध्यक्ष र उपाध्यक्षमा काँग्रेस विजयी भएको छ । ६ वटै वडासहित गाउँपालिका अध्यक्ष र उपाध्यक्ष कांग्रेस विजयी भएको हो । हुप्सेकोट गाउँपालिकाको अध्यक्षमा निर्वाचित लक्ष्मी देवी पाण्डेले ६ हजार ४ सय ५५मत प्राप्त गरि विजयी हुनुभएको छ ।
काठमाडौं महानगरमा बालेन शाह पहिलो स्थानमै
काठमाडौं महानगर प्रमुखमा ९ हजार ३५३ मतसहित स्वतन्त्र उम्मेदवार बालेन शाह पहिलो स्थानमै हुनुहुन्छ । प्रमुखमा नेकपा एमालेका केशव स्थापित ४ हजार ९७६ मतसहित दोस्रो र नेपाली काँग्रेसका सिर्जना सिंह ४ हजार ३४७ मतसहित तेस्रो स्थानमा हुनुहुन्छ । महानगरका निर्वाचन अधिकृतको कार्यालयका अनुसार प्रमुखमा राष्ट्रिय प्रजातन्त्र पार्टीका मदनदास श्रेष्ठले ८४५, स्वतन्त्र उम्मेदवार सुमन सायमीले ६९१ मत ल्याउनुभएको जानकारी दिनुभयो । यसैगरी, प्रमुखमा निर्वाचन चिन्हहरु तराजुमा १०७, मादलमा १७, चक्का पाङ्ग्रोमा सात, कुखुराको भालेमा पाँच, सुगामा चार, खानेपानीको धारामा २१, करुवामा चार, किताबमा दश, बाघमा एक मत प्राप्त भएको छ ।
बाँकेको राप्तीसोनारी गाउँपालिकामा काँग्रेस विजयी
क्षेत्रफलको हिसाबले नेपालको सबैभन्दा ठूलो गाउँपालिकाको रुपमा रहेको बाँकेको राप्तीसोनारी गाउँपालिकाको अध्यक्षमा नेपाली कांग्रेसका तप्तबहादुर पौडेल विजयी हुनुभएको छ ।
सर्लाहीको बलरा नगरपालिकामा माओवादी केन्द्र विजयी
सर्लाहीको बलरा नगरपालिकाको प्रमुखमा नेकपा माओवादी केन्द्रका रामाशङ्कर प्रसाद कुशवाहा विजयी हुनुभएको छ । निकटतम प्रतिस्पर्धी लोकतान्त्रिक समाजवादी पार्टी (लोसपा) का अभय कुमार सिंहलाई एक हजार १२ मतले पछि पार्दै कुशवाहा नगरप्रमुखमा निर्वाचित हुनुभएको हो ।
अमरगढी नगरपालिकामा काँग्रेस विजयी
जिल्ला सदरमुकामको अमरगढी नगरपालिका प्रमुख उपप्रमुखमा नेपाली काँग्रेसका उम्मेदवार विजयी हुनुभएको छ । यसअघि २०७४ सालको निर्वाचनमा एमालेले जितेको अमरगढीमा काँग्रेस अत्यधिक बहुमतका साथ विजयी भएको छ ।
बजेट अधिवेशन आजदेखि
सङ्घीय संसद्को बजेट अधिवेशन मङ्गलबारदेखि प्रारम्भ हुँदैछ । चुनावका कारण यस पटक बजेट अधिवेशन केही ढिला गरी प्रारम्भ हुन लागेको हो । अघिल्ला वर्षहरूमा अधिवेशन वैशाख तेस्रो सातासम्म प्रारम्भ भइसक्थ्यो । मङ्गलबार अपरान्ह ४ बजेबाट संसद्का दुवै सदनको बैठक प्रारम्भ हुनेछ ।
-original-thumb.jpg)
रामारोशन गाउँपालिकाको अध्यक्षमा काँग्रेस र उपाध्यक्षमा माओवादी विजयी
रामारोशन गाउँपालिकाको अध्यक्षमा नेपाली कांग्रेसका मानबहादुर साउँद र उपाध्यक्षमा माओवादी केन्द्रका सिर्जना बुढा विजयी भएका छन् । अध्यक्ष पदमा साउँदले तीनहजार १२७ मतले विजयी भएका हुनुभएको छ ।
भरतपुर महानगरमा दाहाल ३० मतले अगाडि
भरतपुर महानगरपालिकामा जारी मतगणनामा पाँचदलीय गठबन्धनका उम्मेदवार नेकपा (माओवादी केन्द्र)की रेनु दाहाल र नेकपा ९एमालेका उम्मेदवार विजय सुवेदीबीच कडा प्रतिस्पर्धा भएको छ । दुई उम्मेदवारको मत अघि–पछि हुँदै वडा न। ४ को गणना सकिँदा दाहाल ३० मतले अगाडि हुनुहुन्छ ।
सल्यान शारदा नगरपालिकामा प्रमुख र उपप्रमुखमा कांग्रेस विजयी
शारदा नगरपालिकामा प्रमुख तथा उपप्रमुख पदमा कांग्रेस विजयी भएको छ । प्रमुखमा कांग्रेसका प्रकाश भण्डारी र उपप्रमुखमा सुष्मिता सापकोटा विजयी हुनु भएको हो । भण्डारीले ६ हजार २ सय १७ मत ल्याउनु भएको हो ।
पोखरा महानगरमा गठबन्धनका उम्मेदवारले अग्रता बढाउँदै
स्थानीय तह सदस्य निर्वाचन २०७९ अन्तर्गत जारी मतगणनामा पोखरा महानगरपालिकामा सत्ता गठबन्धनका उम्मेदवारले अग्रता बढाएका छन् । जारी मतगणनामा १८ हजार १२० मत गणना हुँदा गठबन्धनबाट प्रमुख पदका उम्मेदवार नेकपा (एकीकृत समाजवादी)का धनराज आचार्यले सात हजार ४१४ मत प्राप्त गर्नुभएको छ । त्यसैगरी नेकपा (एमाले)का प्रमुख पदका उम्मेदवार कृष्णबहादुर थापाले छ हजार ५४५ मत प्राप्त गर्नुभएको छ । गठबन्धनका आचार्यले ८६९ मतले अग्रता हासिल गर्नुभएको हो ।
विकास साझेदारीमा नयाँ आयाम
नेपाल–भारतबीच दुई देशको सम्बन्धलाई अझ घनिष्ठ र फलदायी बनाउन बृहत् साझेदारी र सहकार्यसाथ अघि बढ्ने सहमति भएको छ । प्रधानमन्त्री शेरबहादुर देउवा र भारतका प्रधानमन्त्री नरेन्द्र दामोदरदास मोदीबीच भएको द्विपक्षीय भेटवार्तामा दुई देशका सरकार प्रमुखले विकास साझेदारीको नयाँ आयाम थपेर अघि बढ्ने सहमति गर्नुभएको हो । दुई देशबीचको सम्बन्ध अकाट्य रहेको स्मरण गर्दै नेपालको औपचारिक भ्रमणमा सोमबार लुम्बिनी आउनुभएका भारतका प्रधानमन्त्री मोदीले द्विपक्षीय वार्ता फलदायी भएको स्मरण गर्नुभयो ।
डिजिटल प्रविधि र स्वस्थ बुढ्यौली
आज (मे १७) विश्व दूरसञ्चार तथा सूचना समाज दिवस । यो दिवसको प्रमुख उद्देश्य नै अन्तर्राष्ट्रिय दूरसञ्चार सङ्घ (आईटीयू) स्थापना गर्न पेरिसमा आयोजित सम्मेलनमा संस्थापक सदस्य राष्ट्रका प्रतिनिधिले हस्ताक्षर गरी संस्था स्थापना गरेको दिनको सम्झना गर्नु नै हो ।
सम्बन्ध विस्तारमा सफल
प्रधानमन्त्री शेरबहादुर देउवाको निमन्त्रणमा भारतका प्रधानमन्त्री नरेन्द्र दामोदरदास मोदीले गर्नुभएको नेपाल भ्रमणले दुई मुलुकबीचको सम्बन्ध सुधारमा नयाँ आयाम थपिएको कूटनीतिज्ञहरूले बताउनुभएको छ । २५६६औँ बुद्ध जयन्तीको अवसर पारेर सोमबार लुम्बिनीमा भएको मोदीको भ्रमण पाँचौँ र उहाँ दोस्रो कार्यकालका लागि प्रधानमन्त्री निर्वाचित भएयताको पहिलो रहेको छ । यसरी मोदीबाट पटक पटक नेपा
मोदीको भ्रमणले लुम्बिनीलाई विश्वभर चिनाउन योगदान गर्छ : प्रधानमन्त्री देउवा
प्रधानमन्त्री शेरबहादुर देउवाले भारतीय समकक्षी नरेन्द्र मोदीको भ्रमणले लुम्बिनीलाई विश्वभर परिचित तुल्याउन योगदान पुर्याउने बताउनुभएको छ।
स्थगित भएको मतदान केन्द्रमा शान्तिपूर्ण रुपमा मतदान सम्पन्न
गोरखापत्र अनलाइनकाठमाडौं, जेठ २ गते । गत वैशाख ३० गते विभिन्न कारणले स्थगित निर्वाचन आज देशको विभिन्न ठाउँमा शान्तिपूर्ण रुपमा सम्पन्न भएको छ । निर्वाचन आयोगको नियमित पत्रकार सम्मेलनमा आज आयोगका प्रवक्ता तथा सहसचिव शालिग्राम शर्मा पौडेलले सो कुराको जानकारी गराउनुभयो । उहाँले दिएको जानकारीअनुसार अवरुद्ध भएका मतदान केन्द्रमध्ये आज धनकुटाको शहिदभूमि गाउँपालिका वडा ६ को ठाकुरदेवी मावि, सप्तरीको रुपनी गाउँपालिका वडा ५ को गाविस भवन, रामेछापको खाँडादेवी गाउँपालिका वडा १ को वडा कार्यालय भवन, सुर्खेतको सिम्ता गाउँपालिका वडा ३ को भगवती माविको मतदान केन्द्रमा निर्वाचन भएको छ । सोहीअनुसार बझाङको केदारस्यूँ गाउँपालिका वडा ४ को जगन्नाथ उच्च मावि, बझाङको सुर्मा गाउँपालिका वडा २ को आदारबगर मावि र बझाङकै सुर्मा गाउँपालिका वडा नम्बर ३ कृष्ण प्रावि मतदान केन्द्रमा शान्तिपूर्ण ढङ्गले मतदान सम्पन्न भएको प्रवक्ता पौडेलले जानकारी गराउनुभयो । गत वैशाख ३० गते विभिन्न कारणले निर्वाचन अवरुद्ध भएका २९ केन्द्र, उम्मेदवारको मृत्यु भएका कारणले जेठ ३ गते निर्वाचन हुने दुई र गोरखाको चुम्नुब्री गाउँपालिका बाहेक अन्य सबै पालिकामा मतगणना कार्य जारी रहेको आयोगले जनाएको छ । जसमध्ये आयोगको प्रणालीमा प्रविष्ट भएको आधारमा १३० वटा पालिकाको निर्वाचन परिणाम सार्वजनिक भइसकेको छ ।सोहीअनुसार निर्वाचन आयोगको सोमबार अपरान्ह ३ः३० बजेसम्म प्रणालीमा प्रविष्ट भएअनुसार प्रमुख १३, अध्यक्ष ११७, उपप्रमुख १३, उपाध्यक्ष ११७, वडाअध्यक्ष २ हजार ६७९, वडा सदस्य ५ हजार ३१८, महिला वडा सदस्य २ हजार ६७८, दलित महिला सदस्य २ हजार ६४७ गरी कूल १३ हजार ५८२ जना उम्मेदवार (निर्विरोध समेत) निर्वाचित हुनुभएको छ ।त्यस्तै, प्रवक्ता पौडेलका अनुसार मतदान अवरुद्ध भएका मतदान केन्द्रमध्ये जेठ १ गते सप्तरीको डाक्नेश्वरी नगरपालिका वडा २ को गाविस भवन मतदान केन्द्र, जुम्लाको गुठीचौर गाउँपालिका वडा नम्बर ३ को शंकर मावि मतदान केन्द्र, कालिकोटको रास्कोट गाउँपालिका वडा नम्बर ४ को रमालमस्टो मावि मतदान केन्द्र, कालिकोटको पचालझरना गाउँपालिका वडा नम्बर ३ को जनता मावि मतदान केन्द्र र बझाङको जयपृथ्वी नगरपालिका वडा नम्बर ७ को सुनिपीपल चौर मावि मतदान केन्द्रमा शान्तिपूर्ण ढङ्गबाट पुनः मतदान सम्पन्न भएको छ । अवरुद्ध भएकामध्ये जेठ ३ गते मंगलबार काभ्रेपलाञ्चोकको पाँचखाल नगरपालिका वडा नम्बर १३ को श्रीराम मावि मतदान केन्द्र, कञ्चनपुरको पुनर्वास नगरपालिकाको वडा नम्बर १० को विजय मावि मतदान केन्द्र, बाजुराको बुढीनन्दा नगरपालिकाको वडा नम्बर ८ को पिस क्रियटर एकेडेमी मतदान केन्द्र र अछामको पञ्चदेवल विनायक नगरपालिकाको वडा नम्बर ५ को नवज्योति मावि मतदान केन्द्रमा मतदान हुँदैछ ।यसैगरी, जेठ ४ गते तनहुँको व्यास नगरपालिकाको वडा नम्बर ८ को गाविस भवन फेदी मतदान केन्द्रमा पुनः मतदान हुँदैछ । पुनः मतदान गर्नुपर्ने अन्य मतदान केन्द्रमा पनि केही दिन भित्रमा मतदान गर्नेगरी सूचना प्रकाशन हुने प्रवक्ता पौडेलले बताउनुभयो । मतगणनाको परिणाम आयोगको बेवसाइट रिजल्ट डट इलेक्सन डट जिओभी डट एनपीमा हेर्न सकिने आयोगले जनाएको छ ।
धार्मिक र सांस्कृतिक अनुभूति लिन नेपाल आउने गर्छु : मोदी
भारतका प्रधानमन्त्री नरेन्द्र दामोदरदास मोदीले नेपालको धार्मिक, सांस्कृतिक सम्पदाकै कारण बेग्लै अनुभूति लिन नेपाल आउने गरेको बताउनुभएको छ।
५९ स्थानीय तह प्रमुखमा विजयी हुँदै काँग्रेस पहिलो पार्टी बन्याे : एमाले दोस्रो, माओवादी तेस्रो
सोमबार दिउँसो ४ बजेसम्म स्थानीय तहको निर्वाचनमा नेपाली कांग्रेसले ५९ स्थान जितेको छ।
नेपाल र भारतबीच पाँच समझदारीपत्रमा हस्ताक्षर
नेपाल र भारतका प्रधानमन्त्रीद्वय शेरबहादुर देउवा र नरेन्द्र दामोदार दास मोदीको उपस्थितिमा दुई देशबीच विभिन्न पाँचवटा समझदारीपत्रमा हस्ताक्षर भएको छ । प्रधानमन्त्री मोदीको लुम्बिनी भ्रमणका क्रममा सोमबार शैक्षिक, साँस्कृतिक एवम् प्राविधिक विषयमा सहकार्य गर्नेसम्बन्धी बेग्लाबेग्लै समझदारीपत्रमा हस्ताक्षर भएको हो ।
भारतका प्रधानमन्त्री मोदी लुम्बिनीका विभिन्न कार्यक्रममा सहभागी हुनुहुँदै (फोटो फिचर)
भारतका प्रधानमन्त्री नरेन्द्र दामोदरदास मोदी नेपालको एक दिवसीय भ्रमणका क्रममा अहिले सिद्धार्थगौतम बुद्धको जन्मस्थल लुम्बिनीमा हुनुहुन्छ ।
भारतका प्रधानमन्त्री मोदी लुम्बिनीमा
भारतका प्रधानमन्त्री नरेन्द्र दामोदरदास मोदी नेपालको एक दिवसीय भ्रमणका क्रममा अहिले सिद्धार्थ गौतम बुद्धको जन्मस्थल लुम्बिनी आइपुग्नु भएको छ । प्रधानमन्त्री मोदी हेलिकप्टरबाट भर्खरै लुम्बिनी आइपुग्नु भएको हो । प्रधानमन्त्री शेरबहादुर देउवाको मैत्रीपूर्ण निमन्त्रणामा उहाँ लुम्बिनी आइपुग्नु भएको हो ।
