बेलिना थापा
जिल्ला समन्वय समिति मनाङको प्रमुखमा घले
जिल्ला समन्वय समिति मनाङको प्रमुखमा नेकपा (एमाले)का चिनबहादुर घले निर्वाचित हुनुभएको छ ।
चिसो क्षेत्रमा धान रोपाइँ सुरु
मकै पाकेर संकलनसँगै उच्चपहाडी क्षेत्रको एक हजार ६ सय मिटर भुभागमा धान रोप्न सुरु गरिएको छ । चिसो ठाउँ र लेक क्षेत्रमा धान रोप्न थालिएको हो ।
राईनासको प्रमुखमा काङ्रेस र उपप्रमुखमा माओवादी केन्द्र निर्वाचित
स्थानीय तह निर्वाचन २०७९ अन्तर्गत लमजुङको राइनास नगरपालिकाको प्रमुखमा नेपाली कांग्रेसका उम्मेदवार खड्गबहादुर गुरुङ निर्वाचित हुनुभएको छ । उहाँले पाँच हजार ८२६ मत ल्याई विजयी हुनुभएको हो ।
नार्पाभूमि गाउँपालिकामा कांग्रेसका लामा निर्वाचित
मनाङको नार्पाभूमि गाउँपालिकामा नेपाली कांग्रेसका कोन्जो तेन्जिङ लामा निर्वाचित हुनुभएको छ । उहाँले ४७ मतले प्रतिस्पर्धी स्वतन्त्र उम्मेदवार कृष्णबहादुर लामालाई हराउदै १५८ मत ल्याएर बिजयी हुनुभएको हो । प्रतिद्वन्दी स्वतन्त्रका कृष्णबहादुर लामाले १११ मत ल्याउनुभएको छ ।
चामे गाउँपालिका अध्यक्षमा एमालेका घले निर्वाचित
हिमाली जिल्ला मनाङको चामे गाउँपालिकाको अध्यक्षमा पुनः लोकेन्द्रबहादुर घले निर्वाचित हुनुभएको छ । यसअघि पनि गाउँपालिका अध्यक्ष रहनुभएका घले शुक्रबार भएको निर्वाचनबाट अध्यक्षमा निर्वाचित हुनुभएको हो ।
लम्जुङमा दुई हजार बढी सुरक्षाकर्मी खटिए
बैशाख ३० गते हुने स्थानीय तह निर्वाचनका लागि लमजुङमा दुई हजार बढी सुरक्षाकर्मी खटिएका छन् ।
मनाङको नार्पाभूमिमा एमालेका लामा निर्विरोध
लम्जुङ, वैशाख १३ गते । मनाङको नार्पाभूमि गाउँपालिकाको उपाध्यक्षमा नेकपा (एमाले) का उम्मेदवार मिङमर फुन्चो लामा निर्विरोध हुनुभएको छ । लामाको एकल उम्मेदवारी परेसँगै निर्विरोध निर्वाचित हुनुभएको हो ।उपाध्यक्षमा कुनै पाटी र स्वतन्त्रले उम्मेदवारी दिएका छैनन् । एमालेका लामाको मात्रै एकल उम्मेदवारी परेको नेकपा एमाले जिल्ला कमिटी अध्यक्ष पोल्देन छोपाङ गुरुङले बताउनुभयो । मुख्य निर्वाचन अधिकृत पुनाराम खनालले नार्पाभूमिमा टेलिफोन सम्पर्क नभएको र निर्वाचन आयोगबाट लिइएको तथ्याङ्क अनुसार उपाध्यक्षमा १ जनाको मात्रै उम्मेदवारी परेको उहाँले बताउनुभयो । निर्विरोध लामा यसअघि वडा नम्बर २ को अध्यक्ष हुनुहुन्थ्यो । एमालेले उहाँलाई अध्यक्षमा उठाउने निर्णय गरे पनि पछि उपाध्यक्षमा मनोनयन दर्ता गराउनुभएको थियो । अध्यक्षमा काँग्रेसबाट हालका अध्यक्ष कोन्जो तेन्जिन लामा र एमाले समर्थक मिङमर सोनाम लामाले उम्मेदवारी दिनुभएको छ । कृष्णबहादुर लामाले काँग्रेसमा बागी उम्मेदवारी दिनुभएको छ । वडा नम्बर १ मा काँग्रेसका फुर्वा ठेले लामा निर्विरोध भएका छन् । नेकपा एमाले समर्थित तर स्वतन्त्रबाट उम्मेदवारी दिएका वडा नम्बर ४ को अध्यक्षमा कर्मा ग्याल्जेन लामा र ५ को अध्यक्षमा सोनम तेजे लामा निर्विरोध भएका छन् । वडा नम्बर २ र ३ मा एमाले र स्वतन्त्र उम्मेदवारले वडाअध्यक्षमा मनोनयन दर्ता गराएका छन् ।
