logo
२०७७ फाल्गुन १८ मंगलवार

जति खन्यो उति गहिरो (कविता)

शनिवार |


2021-02-13-31928


एस्पी कोइराला


जति खन्यो उति गहिरो, रहस्य हो जीवन
एउटा रङ्गीन सपनाको, भविष्य हो जीवन ।।१।।

घाम छायाँको तराजुले, गर्छ सधैँ ढलपल
आश र त्रासको उपहार, बाँड्दै हिँड्छ पलपल ।
आफ्नो–आफ्नो भोगाइ बोक्ने, मन्तव्य हो जीवन
पुग्न कहिल्यै नसकिने, गन्तव्य हो जीवन ।।२।।

आफ्नै लागि अनौठो एक, आश्चर्य यो कस्तो
एकै छिनको खुसीबाहेक, विष्मय हो जस्तो ।
कहिले कृष्णपक्ष कहिले, शुक्लपक्ष जीवन
भेट्न कहिल्यै नसकिने, एउटा लक्ष्य जीवन ।।३।।

जति खन्यो उति गहिरो, रहस्य हो जीवन
एउटा रङ्गीन सपनाको, भविष्य हो जीवन ।।४।। 

 

यो समाचार पढेर तपाईलाई कस्तो लाग्यो?

national-life-insurance