logo
२०७७ माघ ३ शनिवार

मुलुकलाई संकटबाट निकास दिन प्रतिनिधिसभा विघटनः मन्त्री गुरुङ

राष्ट्रिय |


2021-01-14-30145


गोरखापत्र अनलाइन

काठमाडौं, माघ १ गते । सरकारका प्रवक्ता एवम् सञ्चार तथा सूचना प्रविधिमन्त्री पार्वत गुरुङले मुलुकलाई संकटबाट निकास दिन प्रतिनिधिसभा विघटन गरी निर्वाचनमा जाने निर्णय गर्नुपरेको बताउनु भएको छ । नमस्ते ख्वप टेलिभिजनले बिहीबार भक्तपुरमा आयोजना गरेको एक कार्यक्रममा बोल्दै उहाँले भन्नुभयो,“जनताको ताजा जनादेश लिएर मुलुकलाई निकास दिन  प्रधानमन्त्रीज्यूले चाल्नुभएको यस कदम प्रतिगामी नभई अग्रगामी हो ।” मन्त्री गुरुङले ताजा जनादेश लिएर मुलुकलाई सही निकास दिन घोषणा गरिएको निर्वाचन प्रतिगामी नभई अग्रगामी भएको स्पष्ट पार्नुभयो ।

“मुलुकलाई संकटबाट निकास दिन ताजा जनादेश लिनका लागि प्रतिनिधिसभा विघटन गरी निर्वाचनमा जाने निर्णय गरिएको हो,” उहाँले भन्नुभयो । मन्त्री गुरुङले ताजा जनादेशमा जाने सरकारको निर्णय सही भएनभएको छुुट्याउने काम जनताले निर्वाचनबाटै गर्ने पनि बताउनु भयो । लोकतान्त्रिक गणतन्त्रमा ताजा जनादेशमा जाने कुरा असंवैधानिक, प्रतिगामी हुनै नसक्ने मन्त्री गुरुङको तर्क थियो । उहाँले जनतालाई सही सूचना दिने गरी सञ्चार प्रवाह गर्न सञ्चार माध्यामहरुलाई आग्रह गर्नुभयो ।

मन्त्री गुरुङले सञ्चारमैंत्री नीति निर्माणमा आफूू केन्द्रित भएको पनि दोहो¥याउनुभयो । त्यसका लागि आफूले सरोकारवाला निकायहरुसँगको सहकार्यमा जोड दिएको उहाँले बताउनुभयो । मन्त्री गुरुङले मुलुकको पछिल्लो राजनीतिक परिस्थितिका कारण सञ्चार क्षेत्रलगायतका कुनै पनि व्यवसायमा नकारात्मक असर नपर्ने दावी पनि गर्नुभएको उहाँको प्रेस संयोजक सन्तोष खड्काले जानकारी दिनुभयो । 

यो समाचार पढेर तपाईलाई कस्तो लाग्यो?