काठमाडौं, मङ्सिर १९ गते । राष्ट्रिय प्रजातन्त्र पार्टी (राप्रपा)को नयाँ नेतृत्व चयनका लागि भएको मतदान सकिएको छ ।
शनिबार राति करिब साढे ११ बजे मतदान सकिएको राप्रपा निर्वाचन समितिका अधिकृत राजु बस्नेतले जानकारी दिनुभयो ।
राप्रपामा नयाँ नेतृत्व चयनका लागि शनिबार काठमाडौंको भृकुटीमण्डपमा भएको मतदानमा तीन हजार ८७३ मत खसेको छ ।
बस्नेतका अनुसार आइतबार बिहान २ बजेसम्म मतदानको परिणाम आउने छ ।
राप्रपाको अध्यक्षा पदमा कमल थापा र राजेन्द्र लिङ्देन उम्मेदवार हुनुहुन्छ भने ८ सदस्यीय पदाधिकारीका लागि १६ जनाको उम्मेदवारी परेको छ । त्यस्तै १४१ पदका लागि २७० जना उम्मेदवार हुनुहुन्छ ।
