काठमाडौं, असोज १७ गते । मन्त्रिपरिषद् बिस्तार लगायतका विषयमा छलफल गर्न सत्तारूढ दलहरू कार्यदलकाे बैठक बालुवाटरमा बसेकाे छ । बिहान ९ बजेदेखि प्रधानमन्त्रीको सरकारी निवास बालुवाटारमा सत्तारुढ गठबन्धन कार्यदलको बैठकमा नेपाली काँग्रेस, माओवादी केन्द्र, नेकपा एकीकृत समाजवादी र जनता समाजवादी पार्टीका प्रतिनिधि सहभागी छन् ।
माओवादी केन्द्रका कार्यालय सचिव श्रीराम ढकालका अनुसार ‘अहिले पाँच दलको बैठक जारी छ । बैठकमा केही निर्णय भयो भने लगत्तै माओवादी केन्द्रकाे स्थायी समिति बैठक बस्छ,’ सचिव ढकालले भन्नुभयो, ‘आज बस्ने बैठकमा मन्त्रिमण्डल विस्तारका लागि नेताहरुको नाम टुङ्गो लगाउँछ ।’ जानकारी दिनुभयो ।
आइतबार बस्ने स्थायी समिति बैठकले पार्टीबाट सरकारमा सहभागी हुने मन्त्रीहरुको नाम छनोट गर्ने बताइएको छ । शनिबार पार्टी केन्द्रीय कार्यालय पेरिसडाँडामा बसेको स्थायी समितिको बैठकपछि सञ्चारकर्मीसँग कुरा गर्दै माओवादी केन्द्रका प्रवक्ता कृष्णबहादुर महराले आइतबार बस्ने बैठकले मन्त्री बन्ने नेताको नाममा छलफल गरेर टुङ्ग्याउने बताउनुभएको थियो ।
