logo
२०७८ मंसिर २१ मंगलवार



सबैको साझा प्रतिबद्धता आवश्यक : पोखरेल

मुख्य समाचार |


सबैको साझा प्रतिबद्धता आवश्यक : पोखरेल


देवबहादुर कुँवर

काठमाडौंँ, चैत २२ गते । उपप्रधान तथा रक्षामन्त्री ईश्वर पोखरेलले कोरोना भाइरस महामारी रोकथाम, नियन्त्रण र प्रतिकार्यका लागि स्थापना गरिएको छाउनीस्थित कोभिड–१९ क्राइसिस म्यानेजमेन्ट सेन्टर (सीसीएमसी) कार्यालयको शुक्रबार निरीक्षण गर्नुभएको छ ।
सीसीएमसीका संयोजकसमेत रहनुभएका पोखरेलले सीसीएमसीको कार्यालय स्थापनासँगै हालसम्म भए गरेका काम कारबाहीका बारेमा जानकारी लिनुभएको सेनाले जनाएको छ । निरीक्षणका क्रममा रक्षामन्त्री पोखरेलले कोरोना रोकथाम, नियन्त्रण र उपचार, सङ्क्रमितलाई सुरक्षित ढङ्गले अस्पतालसम्म पु¥याई उचित उपचार व्यवस्था, अत्यावश्यक औषधि, उपकरण तथा स्वास्थ्य सामग्रीका बारेमा जानकारी लिनुभयो ।
त्यस अवसरमा विज्ञ चिकित्सक, स्वास्थ्य सेवा विभाग र सैनिक चिकित्सकहरूले कोरोना नियन्त्रण गर्न आवश्यकताको पहिचान र खरिद प्रक्रियाको सम्बन्धमा प्रस्तुतीकरणमार्फत रक्षामन्त्रीलाई जानकारी गराइएको सैनिक प्रवक्ता विज्ञानदेव पाण्डेले जानकारी दिनुभयो । लकडाउनको समयमा सुरक्षा व्यवस्थालाई थप प्रभावकारी बनाउने, अत्यावश्यक उपभोग्य सामानहरूको आपूर्ति र राहत वितरणलाई प्रभावकारी बनाउने विषयमा समेत जानकारी गराइएको थियो । पोखरेलले कोरोना महामारी रोकथाम, नियन्त्रण र प्रतिकार्यलाई थप प्रभावकारी बनाउन निर्देशन दिनुभयो । उहाँले वर्तमान परिस्थितिलाई सहज तथा सन्तुलित बनाउन सम्बद्ध सरोकारवाला निकाय सबैकोे साझा प्रतिबद्धता, मिहिनेत र इम(ानदारी आवश्यक भएको बताउनुभयो ।

 

यो समाचार पढेर तपाईलाई कस्तो लाग्यो?