logo
२०७७ माघ १४ बुधवार

भारतीय प्रधानमन्त्री मोदी सामाजिक सञ्जालबाट अलग्गिने निर्णयलाई धेरैले रूचाएनन्

अन्तर्राष्ट्रिय |
फिचर |


2020-03-03-9592


इश्वरचन्द्र झा
काठमाडौं, फागुन २० गते । भारतीय प्रधानमन्त्री नरेन्द्र मोदीले आगामी आइतबारबाट सामाजिक सञ्जालबाट अलग्गिने सोच बनाएको बताउनुभएको छ । आकस्मिकरुपमा उहाँले आफ्नो आधिकारिक फेसबुक एकाउण्टबाट उक्त घोषणा गर्नुभएको हो ।
सोमबार राती १०ं.०० उहाँले आफ्नो सामाजिक सञ्जाल ‘नरेन्द्र मोदी’बाट आफू फेसबुक, ट्वीटर, यूट्युब र इन्स्टाग्रामबाट अलग्गिने जानकारी साझा गर्नुभएको हो । उहाँको उक्त जानकारीमा मंगलबार अपरान्हसम्म करिब ६६ हजार व्यक्तिले प्रतिक्रिया दिनुभएको छ । त्यसैगरी, १३ हजारले उक्त पोष्टलाई शेयर गरेका छन् । भारतीय प्रधानमन्त्री नरेन्द्र मोदी सामाजिक सञ्जालमा अत्यन्तै सक्रिय हुनुहुन्छ । उहाँले अाफू समाजिक सञ्जालबाट अलग भए पिन अरूलार्इ भने पाेष्टिड जारी राख्न अाग्रह गर्नु भएकाे छ । 
तात्कालीन प्रधानमन्त्री सुशील कोइरालाले भारतीय प्रधानमन्त्री मोदीकै ट्वीटबाट नेपालमा विनाशकारी भूकम्प गएको जानकारी पाउनुभएको थियो । मोदीले भूकम्प गए लगत्तै २५ अप्रिल, २०१५ मा १२ बजेर ३८ मिनेट जाँदा आफ्नो ट्वीटर हयाण्डलबाट नेपालमा गएको भूकम्पबारे ट्वीट गर्नुभएको थियो । प्रधानमन्त्री कोइराला इन्डोनेसियामा आयोजित एशियन–अफ्रिकन सम्मेलनमा सहभागी भई थाइल्याण्डको बैङ्कक प्रस्थान गर्दैगर्दा उक्त जानकारी पाउनुभएको थियो ।


प्रधानमन्त्री केपी शर्मा ओली मृगौला प्रत्यारोपणका लागि अस्पताल भर्ना हुन लाग्नुअघि भारतीय प्रधानमन्त्री मोदीले ट्वीटरबाट उहाँलाई शिघ्र स्वास्थ्य लाभको कामना गर्नुभएको छ । जवाबमा प्रधानमन्त्री ओलीले उहाँलाई धन्यवाद दिनुहुँदै रिट्वीट गर्नुभएको थियो ।
फेसबुकमा अलग्गिने निर्णय साझा गर्नुअघि उहाँलाई ट्वीटरमा प्रधानमन्त्री ओलीलाई स्वास्थ्य लाभको कामना गर्नुभएको थियो । भारतीय प्रधानमन्त्री मोदीको ट्वीटरमा करिब पाँच करोड ३३ लाखले पछ्याएका छन् । फेसबुकमा करिब ४ करोड ४५ लाख र इन्स्टाग्राम उहाँलाई पछ्याउनेको संख्या करिब तीन करोड छन् ।
प्रधानमन्त्रीको उक्त जानकारीमाथि सकारात्मक र नकारात्मक दुबैथरिका टिप्पणी गर्नेहरु छन् । अश्विन एमसी नामको फेसबुक प्रयोगकत्र्ताले लेखेका छन्, “कारोना भाइरस सामाजिक सञ्जालबाट फैलिन्न, घृणामात्र फैलिने हो, तपाई यी माध्यमहरुलाई निरन्तरता दिनसक्नुहुन्छ ।”
विष्णु वद्र्धन प्रयोकत्र्ताले लेख्नुभएको छ, “भारतमा बजार गर्ने फेसबुक, ट्वीटर जस्ता माध्यमको साटो मोदी सरकारले सामाजिक सञ्जालमा जोडिने एउटा अलग्गै माध्यमको विकास गर्नुपर्छ ....”
मोदीले आइतबारदेखि आफू सामाजिक सञ्जालबाट अलग्गिने सोच बनाएको बताइरहँदा कतिपयले उहाँले आफ्नो निर्णयमा पुनर्विचार गर्नुहुने धारणा राखेका छन् ।

 

यो समाचार पढेर तपाईलाई कस्तो लाग्यो?