logo
२०७८ असोज ८ शुक्रवार

दैनिक अध्यावधिक

image
941

सङ्क्रमित

image
1324

निको भएका

image
13

मृत्यु भएका

मिति:आश्विन ७, २०७८ (१६:०१)
स्राेत:https://covid19.mohp.gov.np/



बजार जान पाएन भुइँकटहर

अर्थ |


बजार जान पाएन भुइँकटहर


कावासोती समाचारदाता

कावासोती, साउन १५ गते । पूर्वी नवलपरासीको देवचुली नगरपालिका–५ का किसानले उत्पादन गरेका भुइँकटहर बजारसम्म ल्याउन समस्या हुँदा किसान चिन्तित छन् । वर्षाका कारण बाटो अवरुद्ध बनेपछि भुइँकटहर बजार ल्याउन सकिएको छैन ।
उत्पादन राम्रो भए पनि बजारसम्म पु¥याउन नपाउँदा समस्या भएको स्थानीय पदम गाहामगरले बताउनुभयो । वडा नं. ५ देवचुली नगरपालिकाको विकट पहाडी क्षेत्र हो । भुइँकटरको पकेट क्षेत्रका रूपमा बन्दीरपुर र कदमपुर परिचित छन् । यहाँका बासिन्दाको मुख्य आम्दानीका रूपमा रहेको भुइँकटर बिक्री गर्न नपाउँदा किसान चिन्तित बनेको गाहाले बताउनुभयो ।
वर्षाका कारण बाटो अवरुद्ध भएपछि ढुवानी समस्या भएपछि भुइँकटहर डोकोमा बोकेर किसान दलदले बजारसम्म आउने गरेका छन् । दलदलेसम्म हिँडेर आइपुग्न करिब साढे दुई घण्टा समय लाग्ने गरेको गाहाले बताउनुभयो ।
किसान चन्द्रबहादुर ख्याउले मगरले बर्सेनि करिब दुई हजारवटा भुइँकटहर बिक्री गर्दै आएकामा यसपालि बजार पठाउन नसकेको बताउनुभयो ।
वडामा पुग्ने बाटोको ठाउँठाउँमा पहिरो गएकाले सो पहिरोलाई सफा गर्न र उत्पादित भुइँकटहरलाई बजारसम्म पु¥याउन पहल भइरहेको देवचुली नगरपालिका–५ का अध्यक्ष शिव सापकोटाले बताउनुभयो । 

यो समाचार पढेर तपाईलाई कस्तो लाग्यो?