प्रकाशविक्रम शाह
धनगढी, चैत २० गते । सुदूरपश्चिमको अस्थायी राजधानी धनगढीस्थित सेती प्रादेशिक अस्पतालमा बिहीबार साँझदेखि कोरोना भाइरल (कोभिड १९) को स्वाब नमूना परीक्षण शुरु भएको छ ।
संक्रमणको आशंका गरिएका एक विमारीको नमूना आज परीक्षण गरिने भएको अस्पतालले जनाएको छ । नेपाल सरकारले मंगलबार पठाएको ‘रियल टाइम पीसीआर’ उपकरणबाट नमूना परीक्षण गर्न थालिएको हो ।
संघीय मन्त्रालयबाट खटिएका मोलेकुलर माइक्रो बायोलोजिस्ट सुनिलप्रसाद लेखक र सेती अस्पतालका प्रयोगशाला इन्चार्ज रमेश शाही सहितको टोलीले सो परीक्षणमा संलग्न हुनुहुन्छ ।
