सिन्धुलीगढी विजयउत्सव मनाइने

समाज |




सिन्धुली, कात्तिक १४ गते । यहाँको ऐतिहासिकस्थल सिन्धुलीगढीमा यसवर्ष तीन दिन विजयउत्सव मनाइने भएको छ । कात्तिक २४ गते कमलामाई नगरपालिकाले विजयउत्सव भव्यरुपमा मनाउने भएको हो ।


विक्रम संवत् १८२४ मा अङ्ग्रेजलाई हराएर ब्रिटिस् साम्राज्यको पञ्जामा पर्नबाट वीर नेपालीले वीरतापूर्वक परास्त गरेको सम्झनामा हरेक वर्ष कात्तिक २४ गते सिन्धुलीवासीले विजयउत्सव मनाउने गरेका छन् । यो परम्परा २०६७ सालदेखि नेपाल पत्रकार महासङ्घ सिन्धुलीले मनाउन शुरु गरेको थियो ।


कमलामाई नगरपालिकाका प्रमुख खड्गबहादुर खत्रीले भव्यरुपमा मनाइने विजय उत्सवमा पृथ्वीनारायण शाहको शालिक शिलान्यास गर्ने, नेपाली सेनाले निर्माण गर्न लागेको युद्ध सङ्ग्राहलयको पनि शिलान्यास गर्ने कार्यक्रम रहेको बताउनुभयो । नगर प्रमुख खत्रीले नेपाल भ्रमण वर्ष सन् २०२० लाई मध्यनजर गरी सिन्धुलीका धार्मिक तथा ऐतिहासिक स्थानको व्यापक प्रचारप्रसार गर्ने जानकारी दिनुभयो ।

यो समाचार पढेर तपाईलाई कस्तो लाग्यो?