सर्वसाधारणका लागि कहिले खुल्लान् रत्नमन्दिर र हिमागृह   

फेवातालको किनारैमा छ, पोखराको राजदरबार । यसलाई रत्नमन्दिर र हिमागृह भनेर चिनिन्छ । राजा महेन्द्रले श्रीमती रत्न राज्यलक्ष्मी शाहको नाममा विसं. २०१३ मा बनाउन शुरू गरिएको रत्नमन्दिर दरबार २०१५ सालमा बनाउन सकिएको थियो ।          राजा महेन्द्रका माइला भाइ हिमालय वीर विक्रम शाहले २०३६ मा हिमागृह बनानुभएको थियो । यी दुई दरबार लेकसाइडमा घुम्ने धेरैले नदेखेको हुनुपर्छ । किनकी, फेवातालको बाराहीघाट गएका जो कोहीले पनि नेपाली...

कोइलाखानीमा पुरिएर दाङमा मजदुरको मृत्यु

कोइलाखानीमा पुरिएर दाङमा मजदुरको मृत्यु भएको छ । जिल्लाको घोराही उपमहानगरपालिका वडानम्वर १९ राम्चेस्थित कोइला खानीमा कोइला निकाल्ने क्रममा पुरिएर सोही वडाको तिरसाङ बस्ने ४५ वर्षीय मोहनलाल बिकको मृत्यु भएको जिल्ला प्रहरी कार्यालय दाङले जनाएको छ ।

आमाद्वारा एक वर्षीया छोरीको हत्या

रुपन्देहीमा आफ्नै आमाले एक वर्षीया छोरीको हत्या गरेकी छन् । छोरीको हत्या गरी आफूले आत्महत्या प्रयास गर्ने आमालाई प्रहरीले नियन्त्रणमा लिएको छ । रुपन्देहीको मायादेवी गाउँपालिका–३ स्थित हरहरवामा आफ्नै कोठाको पंखामा एक वर्षिय बालिकाको घाँटीमा डोरी बांधेर हत्या गर्ने र आफुले समेत डोरीमार्फत आत्महत्या गर्ने प्रयास गरेकी २१ वर्षिया प्रेमा यादवलाई प्रहरीले पक्राउ गरेको हो ।

आजको मौसम: केही स्थानमा हल्का वर्षा र हिमपात

पश्चिमी वायुको आंशिक प्रभावले देशका अधिकांश भू–भागमा आंशिकदेखि सामान्य बदली रही केही स्थानमा हल्का वर्षा र हिमपात हुने भएको छ । प्रदेश नं १, गण्डकी र सुदूरपश्चिम प्रदेशका पहाडी भूभागका एक दुई स्थानमा हल्का वर्षा तथा उच्च पहाडी तथा हिमाली भूभागमा हल्का हिमपातको सम्भावना रहेको मौसमविद् शान्ति कँडेलले जानकारी दिनुभयो ।

हेटौंँडामा सवारी साधन दुर्घटना हुँदा ११ जना घाइते

हेटौंँडा उपमहानगरपालिका वडा नम्बर २ चौकीटोलमा आज बिहानै सवारी साधन दुर्घटना हुँदा ११ जना घाइते भएका छन् । बिहान हेटौंँडाबाट काठमाडाैंतर्फ जाँदै गरेको प्रदेश–३ –०३–००१ ज ००२९ नम्बर र विपरीत दिशाबाट आउँदै गरेको ना १ ज २४६० नम्बरका सुमो ठोक्किएर दुर्घटना भएको थियो ।