अमरराज नहर्की
तनहुँ, असार ९ गते। डुम्रे–वेशीसहर सडक खण्डमा पर्ने भानु नगरपालिका–९ बडहरेमा बस र कार शनिबार दिउँसको ठक्कर खाँदा पाँच यात्रु घाइते भएका छन्। घाइते हुनेमा कारमा सवार रहेका छन्।
बेसीसहरबाट डुम्रे जाँदै गरेको प्र ३–१०२४ च ९८३७ नम्बरको कार र ग १ ख४३७५ नम्बरको बस ठोक्किएर दुर्घटना भएको हो।
जिल्ला प्रहरी कार्यालय तनहुँका प्रहरी नायव उपरीक्षक मोहनबहादुर खाणका अनुसार कारका चालक ३९ वर्षीय ललितमान रुम्बासहित पाँच जना घाइते भएका छन्।
घाइतेको एलाईभ अस्पताल भरतपुर चितवनमा उपचार भइरहेको र घटना सम्बन्धमा थप अनुसन्धान भइरहेको प्रहरीले जनाएको छ।
