गाेरखापत्र अनलाइन
काठमाडौँ, भदाै २ गते । राष्ट्रकवि माधवप्रसाद घिमिरेको स्वास्थ्यमा समस्या देखिएको छ । राष्ट्रकवि घिमिरेको छोरी डा. किरण रेग्मीले उहाँको श्वासपश्वासमा समस्या देखिएपछि विगत चार महिनादेखि अक्सिजन दिएर घरमै उपचार गरेको जानकारी दिनुभयो ।
केही समय अस्पतालको उपचारपछि अहिले उहाँको इच्छाअनुसार घरमै निगरानीमा राखेर उपचार गरेको डा. रेग्मीले बताउनुभयो ।
राष्ट्रकवि घिमिरेको मुटु र नारीको धड्कनमा पनि समस्या देखिएको डा. रेग्मीले गोरखापत्र अनलाइनलाई जानकारी दिनुभयो । घिमिरे अब आउने असोज महिनामा १०२ वर्ष टेक्दै हुनुहुन्छ ।
