logo
२०७८ असोज २ शनिवार

दैनिक अध्यावधिक

image
835

सङ्क्रमित

image
1234

निको भएका

image
16

मृत्यु भएका

मिति:आश्विन २, २०७८ (१७:०३)
स्राेत:https://covid19.mohp.gov.np/



सत्ता समीकरणमा काँग्रेसको प्रस्ताव प्रष्ट छैन :महन्थ ठाकुर

राष्ट्रिय |


सत्ता समीकरणमा काँग्रेसको प्रस्ताव प्रष्ट छैन :महन्थ ठाकुर


सपना थामी ।
काठमाडौं, चैत २९ गते । जनता समाजवादी पार्टीका अध्यक्ष महन्थ ठाकुरले प्रमुख प्रतिपक्षी दल नेपाली काँग्रेसले राखेको नयाँ सरकार निर्माणबारेको प्रस्ताव प्रष्ट नभएको बताउनुभएको छ । आइतबार गोरखापत्र अनलाइनसँग कुरा गर्दै अध्यक्ष ठाकुरले काँग्रेसले नयाँ सरकार निर्माणको पहल गरे पनि स्पष्टसँग छलफल नभएको बताउनुभएको हो ।
पछिल्लो समय चैत २७ गते काँग्रेसले सत्ता समीकरणको विषयमा नेकपा माओवादी केन्द्र र जसपासँग बैठक बसेको थियो । तर, जसपा अध्यक्ष ठाकुरले भने गठबन्धको सरकार निर्माणबारे आफूहरुको पार्टीमा कुनै तयारी नभएको गोरखापत्र अनलाइनलाई जानकारी दिनुभयो ।
त्यसो त, प्रधानमन्त्री एवम् नेकपा एमाले अध्यक्ष केपी शर्मा ओली नेतृत्वको सरकारलाई समर्थन गरिहाल्न पनि आफूहरुको हातखुट्टा बाँधिएको छ, अध्यक्ष ठाकुर बताउनुहुन्छ । प्रधानमन्त्री ओलीले पहिलेदेखि नै सरकारमा आउन आव्हान गर्दै आउनुभएको बताउदै ठाकुरले आफूहरुको माग पूरा भए यसबारे पार्टीमा छलफल गर्न सकिने बताउनुभएको छ ।
अहिलेको अवस्थामा भने जसपा न्युट्रल रहने उहाँले बताउनुभयो । अहिले संसदमा सत्तारुढ नेकपा एमालेको कोही पनि सांसदले एमाले नछोडेको पनि उहाँले थप बताउनुभयो । प्रधानमन्त्री ओली र गठबन्धनको सरकार दुवै बन्न नसके चुनाव पनि अन्तिम विकल्प हुने उहाँले गोरखापत्र अनलाईनसँग बताउनुभएको छ

यो समाचार पढेर तपाईलाई कस्तो लाग्यो?

लेखक बाट थप