logo
२०८० चैत्र १६ शुक्रवार



पार्टीमा विग्रह निम्त्याउने प्रस्ताव खारेज गरौंः प्रधानमन्त्री ओली

मुख्य समाचार |


पार्टीमा विग्रह निम्त्याउने प्रस्ताव खारेज गरौंः प्रधानमन्त्री ओली


लक्की चौधरी
काठमाडौं, मंसिर १३ गते । प्रधानमन्त्री तथा नेपाल कम्युनिष्ट पार्टी ९नेकपा० का अध्यक्ष केपी शर्मा ओलीले पार्टीमा विग्रह निम्त्याउने गरी ल्याइएको अध्यक्ष पुष्पकमल दाहाल ‘प्रचण्ड’को प्रस्तावलाई सचिवालय बैठकबाट खारेज गर्न आग्रह गर्नुभएको छ ।

पार्टी सचिवालयको शनिबारको बैठकमा आफ्नो ३८ पृष्ठको ५३ बुँदे राजनीतिक प्रस्ताव पेश गर्नुहुँदै अध्यक्ष ओलीले सो आग्रह गर्नुभएको हो । उहाँले प्रस्तावमा भन्नुभएको छ, “मैले मेराविरुद्ध ‘प्रचण्ड’ ले लगाउनु भएका आरोपहरुको खण्डन गरेको छु, अस्वीकार गरेको छु । म कमरेडहरुलाई आग्रह गर्न चाहन्छु, पार्टीमा विग्रह निम्त्याउने प्रस्ताव सचिवालय बैठकबाट खारेज गरौँ ।”

पार्टीलाई पुनः भदौ २६ गते स्थायी कमिटीले निर्माण गरेको सहज अवस्थामा फर्काउन अध्यक्ष ओलीले आग्रह गर्नुभएको छ । स्थायी कमिटीले गरेको निर्णय कार्यान्वयनमा आफू प्रतिवद्ध रहेको भन्नुहुँदै उहाँले थप्नुभएको छ, “पार्टीलाई २०७७ भदौ २६ गते स्थायी कमिटीले निर्माण गरेको अवस्थामा फर्काऔँ । म आश्वस्त पार्न चाहन्छु– म विचारमा, सङ्गठनमा, आचरणमा र आदर्शमा कुनै विचलन आउन दिन्नँ ।” पार्टीका सबै नेतालाई साथमा लिएर, आन्दोलनको रक्षा र विकास गर्दै अगाडि बढ्ने प्रतिवद्धता उहाँले जनाउनुभएको छ ।

आफूलाई साथ दिए सबै नेताको जिम्मा आफू लिन तयार रहेको स्पष्ट पार्नुहुँदै प्रधानमन्त्री ओलीले साथ नदिए नयाँ पुस्तामा नेतृत्व हस्तान्तरण गर्ने प्रस्ताव गर्नुभएको छ । उहाँले भन्नुभएको छ, “नयाँ पुस्तालाई एकीकृत, सग्लो, जीवन्त, वैचारिक रुपले स्पष्ट र देश तथा जनतालाई नेतृत्व गर्ने सामथ्र्य सहितको पार्टी हस्तान्तरण गरेर अवकास लिने मेरो इच्छा छ ।”

सङ्घीय लोकतान्त्रिक गणतन्त्रलाई कसैले उल्ट्याउन नसक्ने प्रधानमन्त्री ओलीले स्पष्ट पार्नुभएको छ । अध्यक्ष प्रचण्डले मंसिर ३ गते पेश गर्नुभएको आफ्नो प्रस्तावमा अध्यक्ष ओलीलाई संघीयता विरोधी र परिवर्तन विरोधी आरोप लगाउनुभएको थियो । अध्यक्ष ओलीले प्रस्तावमा भन्नुभएको छ, “मुलुकलाई सुदृढ गरेर समृद्धिको बाटोमा अगाडि बढेको मुलुक नयाँ जनप्रतिनिधिहरुलाई हस्तान्तरण गरेर विदा हुने मेरो इच्छा छ । सबैलाई कम्युनिष्ट हुनुको गौरववोध गर्ने, ठाडो शिर लगाएर रातो झण्डा बोकेर हिँड्ने अवस्था सिर्जना गर्ने इच्छा छ ।”

आफ्नो लागि नेपाल राष्ट्र, नेपाली जनता, नेपालको विकास, नेपालीको सुखभन्दा माथि केही नभएको प्रधानमन्त्री ओलीले प्रष्ट पार्नुभएको छ । पार्टी एकतामा आफू सदैव रहेको र रहने प्रतिवद्धता पनि उहाँले व्यक्त गर्नुभएको छ । मुलुकको परिवर्तनका लागि आफूले ठूलो त्याग गरेको प्रष्ट पार्नुहुँदै आफू ‘परिवर्तनको वाहक भएको विरोधी होइन’ भन्नुभएको छ ।

प्रस्तावमा अध्यक्ष ओलीले भन्नुभएको छ, “परिवर्तनका लागि खेलेको भूमिकाबापत आज हामीलाई मुलुकको नेतृत्व गर्ने अभूतपूर्व अवसर प्राप्त भएको छ । तर यो हाम्रो सर्वोच्च उपलव्धि होइन । यो त निरन्तर उपलव्धिको शृङ्खला मात्रै हो ।” ठीक ढङ्गले काम गर्दैै जाने हो भने अगाडि पनि निरन्तर सफलता हात लाग्ने उहाँले विश्वास व्यक्त गर्नुभएको छ ।

“म एकदमै आशावादी छुँ । तर यसका लागि हामीले आज आफूलाई यस भूमिकामा अब्बल साबित गर्नु पर्ने छ, समृद्धि र विकासको च्याम्पियनका रुपमा स्थापित गर्नुपर्नेछ” प्रधानमन्त्री ओलीले भन्नुभएको छ, “कोरा बहसमा होइन, जनताको जीवन बदल्नमा अब्बल साबित हुनु पर्नेछ । हामीलाई जनताले गरेको विश्वासलाई सही प्रमाणित गर्नुपर्ने छ । अनि सफलता हात लाग्छ ।”

बितेका दुई वर्षमा सरकारले गरेका काम उपलब्धीपूर्ण रहेको प्रधानमन्त्री ओलीले दावी गर्नुभएको छ । सरकारको कामले जनतामा हौसला बढेको उहाँले प्रष्ट पार्नुभएको छ । तर त्यसको सही ढङ्गले पार्टी पङ्तिबाट प्रचार गर्न नसकिएको उहाँको भनाई छ ।

छुवाछुत र जातीय विभेदका, महिलामाथि यौनहिंसा र श्रमिकमाथि उत्पीडिन हुँदा हाम्रा कार्यकर्ताहरुलाई अग्रपङ्क्तिमा उभिएर जनताको बीचमा पुग्नेगरी परिचालित गर्न के विषयले छेकेको छ र र ? प्रधानमन्त्री ओलीले नेताहरुमाथि जिज्ञासा राख्नुभएको छ । जनताका समस्यामा गम्भीर हुन उहाँले सचिवालयका अन्य नेताहरुलाई सचेत गराउनुभएको छ ।

यो समाचार पढेर तपाईलाई कस्तो लाग्यो?