logo
२०७७ जेष्ठ १६ शुक्रवार

विद्युतीय रेलमार्ग निर्माण सुरु हुने

मुख्य समाचार |


2020-05-16-14457


भउचप्रसाद यादव

काठमाडौँ, जेठ ३ गते । सरकारले आर्थिक वर्ष २०७७÷७८ मा सडक, सुरुङमार्ग, रेलमार्ग, जलमार्ग निर्माण तथा अध्ययनको कार्यलाई प्राथमिकता दिने भएको छ । त्यसैगरी तीन सय सडक पुलको निर्माण गर्ने भएको छ ।
राष्ट्रपति विद्यादेवी भण्डारीले शुक्रबार संयुक्त सदनमा आर्थिक वर्ष २०७७÷७८ का लागि सरकारको नीति तथा कार्यक्रम प्रस्तुत गर्नुहुँदै आगामी तीन वर्षभित्र काठमाडौँ÷तराई द्र्ुतमार्गको निर्माण सम्पन्न गर्ने बताउनुभयो ।
त्यसैगरी राजधानी भित्रिने मुख्य नाकाका रूपमा रहेको नागढुङ््गा–नौबीसे सडक खण्डमा निर्माणाधीन २.६८ किलोमिटर सुरुङमध्ये आर्थिक वर्ष २०७७÷७८ मा एक किलोमिटरको निर्माण सम्पन्न गर्ने घोषणा गर्नुभयो । आर्थिक वर्ष २०७७÷७८ मा सिद्धार्थ राजमार्गको बुटबल–पाल्पा खण्डको सिद्धबाबा सुरुङमार्गको निर्माण सुरु गरिने छ भने बेत्रावती–स्याफ्रुबेँसी–टोखा–छहरे, गुर्जे भञ्जाङ, खुटिया दिपायललगायतका सुरुङमार्ग अगाडि बढाउने नीति तथा कार्यक्रममा उल्लेख गरिएको छ ।
मदन भण्डारी राजमार्गलाई पाँच वर्षभित्र सुरु गरिने बताउँदै उहाँले आगामी आर्थिक वर्षभित्र १५५ किलोमिटर सडक कालोपत्रे गर्नुका साथै झापा–धरान खण्डमा पुल तथा सडक निर्माण कार्य सुरु गरिने घोषणा गर्नुभयो । त्यसैगरी पूर्व–पश्चिम राजमार्गलाई द्रुतगतिको राजमार्गका रूपमा विकास गरिने बताउनुभयो । यस कार्यक्रमअन्तर्गतको नारायणघाट–बुटबल खण्ड र कमला–कञ्चनपुर खण्डको विस्तार कार्य अबको तीन वर्षभित्र सम्पन्न हुने बताउनुभयो ।
आगामी आर्थिक वर्षमा मध्यपहाडी (पुष्पलाल) लोकमार्गको ३०१ किलोमिटर, हुलाकी राजमार्गको २५० किलोमिटर र उत्तर–दक्षिण लोकमार्गअन्तर्गतको कालीगण्डकी करिडोरको ९० किलोमिटर सडक कालोपत्रे गरिने नीति तथा कार्यक्रममा उल्लेख गरिएको छ । त्यसैगरी कोसी र कर्णाली करिडोर सडकको ट्रयाक खोल्ने काम सम्पन्न गरी स्तरोन्नति थालिने छ । त्यसैगरी गल्छी–त्रिशुली–मैलुङ–स्याफ्रुबेँसी–रसुवागढी सडक खण्डको स्तरोन्नति कार्य सुरु गरिने छ ।
रेलमार्ग
आर्थिक वर्ष २०७७÷७८ भित्रमा नै भारतको जयनगरदेखि नेपालको बिजुलपुरासम्म रेल सेवा सञ्चालन हुनेगरी काम भइरहेको तथा पूर्व–पश्चिम विद्युतीय रेलमार्ग निर्माणसम्बन्धी विस्तृत आयोजना प्रतिवेदन तयार भएको नीति तथा कार्यक्रममा जनाइएको छ ।
आर्थिक वर्ष २०७७÷७८ मा रसुवागढी–काठमाडौँ रेलमार्ग र वीरगञ्ज–काठमाडौँ रेलमार्गको प्रारम्भिक कार्य सुरु गरिने राष्ट्रपति भण्डारीले घोषणा गर्नुभयो । पूर्व–पश्चिम विद्युतीय रेलमार्गको पूर्वतयारी कार्य सम्पन्न गरी काँकडभिट्टा–इनरुवा खण्डको निर्माण सुरु गरिने छ । काठमाडौँ–पोखरा–लुम्बिनी, काठमाडौँ मेट्रो, भारतीय सिमानाबाट नेपालका महŒवपूर्ण औद्योगिक तथा व्यापारिक क्षेत्र जोड्ने तथा चीन र भारतबाट काठमाडौँ जोड्ने रेलमार्गको प्रारम्भिक अध्ययन सम्पन्न भएको छ ।
पानीजहाज
नेपालको आफ्नै ध्वजावाहक पानीजहाज भारतको आन्तरिक जलमार्गबाट समुद्रसम्म जानसक्ने गरी तयारी गरिएको बताउँदै राष्ट्रपति भण्डारीले आर्थिक वर्ष २०७७÷७८ देखि यस जलमार्गको प्रयोग गरी अन्तर्राष्ट्रिय व्यापारका लागि नेपाली पानीजहाज सञ्चालन गर्न कानुनी व्यवस्था गरिने घोषणा गर्नुभयो ।
 

यो समाचार पढेर तपाईलाई कस्तो लाग्यो?