logo
२०७७ असोज ४ आईतवार

ललित निवास प्रकरणमा सर्वोच्चले अख्तियारसँग माग्यो लिखित जवाफ

मुख्य समाचार |
पढ्नै पर्ने |


2020-02-14-8684


गोरखापत्र अनलाइन
काठमाडौं, फागुन २ गते । सर्वाेच्च अदालतले ललिता निवास जग्गा प्रकरणमा अख्तियार दुरुपयोग अनुसन्धान आयोगसँग लिखित जवाफ माग गर्ने आदेश गरेको छ ।
प्रधान न्यायाधीश चोलेन्द्रशम्शेर जबराको एकल इजलासले १५ दिनभित्र कारणसहित लिखित जवाफ पेश गर्न आदेश गरेको हो ।
अख्तियार दुरुपयोग अनुसन्धान आयोगले ललिता निवास जग्गा प्रकरणमा तत्कालीन मन्त्री विजयकुमार गच्छदारसहित एक सय ७५जनाविरुद्ध भ्रष्टाचार मुद्दा दायर गरेको थियो ।
वरिष्ठ अधिवक्ता बालकृष्ण न्यौपानेले ललिता निवासको जग्गा व्यक्तिको नाममा लैजाने मन्त्रिपरिषदका सबै सदस्यविरुद्ध मुद्दा चलाउनुपर्ने माग गर्दै सर्वोच्चमा रिट दायर गर्नु भएको थियो । शुक्रबार प्रधानन्यायाधीश चोलेन्द्रशम्शेर जबराको एकल इजलासले १५ दिनभित्र कारणसहित लिखित जवाफ पेश गर्न र मुद्दाको गाम्भीर्यता हेर्दा छिटो निर्णय गर्नु पर्ने भएकाले रिटलाई अग्राधिकार दिन पनि भनेको छ ।

यो समाचार पढेर तपाईलाई कस्तो लाग्यो?