logo
२०८० चैत्र १६ शुक्रवार



राजकुमार चाल्र्सको परोपकारी संस्थाका अध्यक्षद्वारा राजिनामा

अन्तर्राष्ट्रिय |


राजकुमार चाल्र्सको परोपकारी संस्थाका अध्यक्षद्वारा राजिनामा
तस्विर-द इन्डेपेन्डेन्ट


लन्डन, भदौ ३० गते।
रूसी एक बैंकबाट आर्थिक लाभ स्वीकारेको अभियोगपछि राजकुमार चाल्र्सको परोपकारी संस्थाका अध्यक्षले अनुसन्धानका लागि बुधबार राजीनामा दिनुभएको छ ।
संस्थाका अध्यक्षद्वारा रूसी बैंकरबाट नगदबारे प्रारम्भिक स्वीकृति लिएको विषयमा छानबिन सुरु भएपछि राजकुमार चाल्र्सको परोपकारी संस्थाका अध्यक्ष डगलस कोनेलले बुधबार राजीनामा दिनुभएको हो ।
चाल्र्सले उक्त पैसाको लागि रूसी अधिकारी दिमिट्री लिउसलाई धन्यवाद दिंदै एउटा पत्र लेखेको र महामारीपछि भेट्ने आश्वासन दिएको भन्ने सुझावपछि स्कटल्याण्डको परोपकारी संस्था नियामक निकायले जाँच शुरु गरेको हो ।
अध्यक्ष डगलस कोनेलले भने ‘यदि गम्भीर गलत आचरण भएको जस्तो देखिएमा’ मात्रै आफू दोषी भएको ठहरिने बताउनुभयो । उहाँले भन्नुभयो, “प्रिन्स फाउन्डेशन भित्र र बाहिर विभिन्न प्रकारका दुव्यवहारपूर्ण गतिविधिहरू भएका हुन सक्छन् भन्ने अखबारको रिपोर्ट देखेर म स्तब्ध र निराश भएको छु । “मेरो विचारमा यो समय मेरो लागि सही कदम भनेको जिम्मेवारी स्वीकार गर्नु र भूमिकाबाट अलग हुनु नै हो ।”
सन् २००४ मा रूसमा सम्पत्ती शुद्धिकरण कार्यमा लिउस दोषी भएको पत्ता लागेपछि फाउन्डेसनको आचारसंहिता समितिले अनुदान अस्वीकार गरेको थियो । आफूलाई दोषी ठहराइएकोमा आश्चर्य व्यक्त गर्दै आफू राजनैतिक तवरमा उत्प्रेरित अभियोगको शिकार बनेको दाबी कोनेलले गर्नुभयो ।
आइतबार गरिएको एक इमेलमा लियसले तेस्रो पक्षका फिक्सरमार्फत फाउन्डेसनलाई पाँच लाख पाउण्डस्टर्लिङ दिएको बताइएको छ । तर फाउन्डेसनले भने एक लाख पाउण्ड पाउण्ड मात्रै पठाएको बताएको छ । आचारसंहिता समितिले हस्तक्षेप गर्नुअघि सुरुमा त्यो अनुदान स्वीकार गरिएको थियो ।
यस महिनाको सुरुतिर राजकुमारका भूतपूर्व सहयोगीले राजकुमार फाउन्डेशनको मुख्य कार्यकारी पदबाट अस्थायी रूपमा हटेको जानकारी गराउनुभएको थियो । उहाँले रूसी धनी दाताद्वारा सम्मान र ब्रिटिश नागरिकता दिलाउने शर्तमा सहयोग लिएको आरोपहरूपछि अनुसन्धान थालिएको हो । राजकुमारका अर्का पूर्व सहयोगी फाउसेटलाई साउदी व्यापारी महफूज मारे मुबारक बिन महफूजसँग सम्बन्धित सम्मान समन्वय गर्न सहयोग गरेको पनि आरोप लगाइएको छ ।
महफूजलाई राजकुमार फाउन्डेसनको वेबसाइटमा समर्थकको सूचीमा राखिएको छ । उहाँलाई सन् २०१६ मा रानी एलिजाबेथ द्वितीयबाट राजकीय सम्मान दिइएको थियो । यसको वेबसाइटका अनुसार यस फाउन्डेसनको लक्ष्य ‘आज संसारले सामना गरिरहेको चुनौतीहरूको समग्र समाधान प्रदान गर्नु’ हो ।

यो समाचार पढेर तपाईलाई कस्तो लाग्यो?