logo
२०८० चैत्र १५ बिहीवार



पश्चिम अफगानिस्तानमा सैनिक कारबाही, आठ लडाकु मारिए

अन्तर्राष्ट्रिय |


पश्चिम अफगानिस्तानमा सैनिक कारबाही, आठ लडाकु मारिए
तस्विर–न्युर्योक टाइम्स


फिरोजकोहा, अफगानिस्तान, साउन ११ गते । अफगानिस्तानको घोर प्रान्तको शाहराक जिल्लामा सरकारी सेनासँग भएको भिडन्तमा एक जना मुख्य तालिबान कमान्डरसहित आठ जना तालिबान लडाकु मारिएको सेनाले जनाएको छ ।

अफगान सेनाद्वारा जारी वक्तव्यमा आइतबार भएको उक्त भिडन्तमा तालिबान कमान्डर मुल्लाह खक्सारको मृत्यु भएको उल्लेख छ ।

तालिबान कमान्डर मुल्लाह खक्सारको नेतृत्वमा आएको तालिबान समूहको एक टोलीले खारिस्तान क्षेत्रको एउटा सुरक्षा जाँच चौकीमा आक्रमण गरेपछि भिडन्त भएको थियो । सरकारी सेनाको जवाफी कारबाहीमा कमान्डर खक्सारसहित आठ जनाको घटनास्थलमै मृत्यु भएको र अरु लडाकु त्यहाँबाट भागेको सेनाले जनाएको छ ।

घोर प्रान्तका तालिबानमाथि कमान्डर खक्सारको मृत्युले ठूलो क्षति पुगेको सेनाले जारी गरेको विज्ञप्तिमा उल्लेख छ । फिरोज कोह राजधानी रहेको घोर प्रान्तमा तालिबानको प्रभावशाली उपस्थिति रहेको छ ।

 

यो समाचार पढेर तपाईलाई कस्तो लाग्यो?