आरोप प्रत्यारोपबीच एन्फा निर्वाचन सोमबार
एन्फामा चार वर्षे नयाँ कार्यकालको लागि सोमबार (भोलि) हुन लागेको निर्वाचनमा वर्तमान अध्यक्ष कर्माछिरिङ शेर्पा र वरिष्ठ उपाध्यक्ष पंकजविक्रम नेम्वाङले छुट्टाछुट्टै प्यानलसहित उम्मेदवारी दिनुभएको छ। अध्यक्ष पदका लागि शेर्पा र नेम्वाङ समूहसहित फ्रेन्ड्स क्लबका पूर्वअध्यक्ष राजिव पौडेलसमेत चुनावी मैदानमा हुनुहुन्छ। स्वतन्त्र उम्मेदवारको रुपमा प्रस्तुत पौडेलको प्यानल छैन।
दक्षिण एशियन कुमुतेमा नेपाल च्याम्पियन
भारतको जयपुरमा आयोजना भएको आईएमएएस दक्षिण एशियन कुमुते च्याम्पियनसिपमा नेपाल टिम च्याम्पियन बनेको छ ।
पूर्व राष्ट्रिय च्याम्पियनको नाममा जुनियर टेबल टेनिस हुने
अखिल नेपाल टेबल टेनिस संघले टेबल टेनिसका पूर्व राष्ट्रिय च्याम्पियन कल्याणराज पाण्डेले नाममा राष्ट्रिय जुनियर टेबल टेनिस प्रतियोगिता आयोजना गर्ने भएको छ ।
कप्तान कृतिका र आश्मा बुटवलमा सम्मानित
नेपाली यू–१९ राष्ट्रिय टोलीका दुई जना महिला क्रिकेटर बुटवलमा सम्मानित हुनुभएको छ । बुटवल क्रिकेट विकास समितिले बुटवलबाट राष्ट्रिय युवा टोलीमा स्थान बनाएर उत्कृष्ट प्रदर्शन गर्न सफल यू–१९ राष्ट्रिय टोलीकी कप्तान कृतिका मरासिनी र आश्मा पुलामीलाई जनही १० हजार ५ सय रुपियाँ सहित सम्मानपत्रबाट सम्मान गरेको हो ।
नेपालको लगातार दोस्रो जित
नेपालले मलेसियामा जारी एसीसी महिला टी–२० क्रिकेट च्याम्पियनसिपमा लगातार दोस्रो जित निकालेको छ । किनरारा ओभल मैदानमा शनिबार भएको खेलमा नेपालले कुवेतलाई २५ रनले हरायो ।
गुरुङद्वारा उम्मेदवारी फिर्ता
अखिल नेपाल फुटबल सङ्घ (एन्फा) को केन्द्रीय निर्वाचनमा सदस्य पदका लागि उम्मेदवारी दिनुभएका कृष्णमुरारी गुरुङले आफ्नो उम्मेदवारी फिर्ता लिनुभएको छ ।
पालिकास्तरीय फुटबलको उपाधि मुसीकोटलाई
रूकुम पश्चिमको चौरजहारीमा आयोजित प्रथम पालिकास्तरीय फुटबल प्रतियोगिताको उपाधि मुसीकोट नगरपालिकाले जितेको छ । चौरजहारी नगरपालिका २ स्थित रंगशालामा शनिबार भएको फाइनल खेलमा चौरजहारी नगरपालिकालाई ३–२ पराजित गर्दै मुसीकोटले उपाधि जितेको हो ।
'गुरिल्ला म्याराथन'को उपाधि दलबहादुर र मन्जुले लियो
रुकुम पूर्वमा भएको चौथो गुरिल्ला म्याराथन प्रतियोगिता उपाधि दलबहादुर कुँवरले हात पारेको छ । शुक्रबार सम्पन्न म्याराथनमा ६२ किलोमिटर तर्फ प्रथम हुँदै कुँवरले उपाधि हात पारेको हो ।
पराजयमा पनि छैन आलोचना
एसिया कपमा छनोट हुन नेपालको राष्ट्रिय फुटबल टिमले तय गरेको सबभन्दा लामो यात्रा हो– एएफपी एसियन कप–२०२३ को छनोटको तेस्रो चरण । एसिया कपमा खेल्न यो प्रतियोगिता अन्तिम बाधकका रूपमा रह्यो तर सो छनोट प्रतियोगिता खेल्न नेपालको पहिलो रोजाइको टिम कुवेतमा उपस्थित थिएन । कारण थियो, प्रशिक्षक अब्दुल्ला अल्मुताइरीसँग दस राष्ट्रिय खेलाडीको मनमुटाव ।
यू–१२ टिम टेनिसमा भारत पहिलो
भारत नेपाल आईटीएफ एसिया यू–१२ टिम टेनिस प्रतियोगिता (रिजनल क्वालिफाइङ इभेन्ट साउथ एसिया) मा शुक्रबार पहिलो भएको छ । भारत छात्र/छात्रा दुवैमा पहिलो भएको हो ।
झापा फुटबल क्लब गृह जिल्लामा सम्मानित
‘सी’ डिभिजन च्याम्पियन बन्दै ‘बी’ डिभिननमा बढुवा भएको झापा फुटबल क्लबलाई गृह जिल्लामा सम्मान गरिएको छ । झापा गोल्डकप आयोजक समितिले झापा फुटबल क्लबका खेलाडी तथा अफिसियललाई शुक्रबार नगद सहित सम्मान गरेको हो ।
ओलम्पियनहरुको पुनर्मिलन हुने
नेपाल ओलम्पियन सङ्घले ओलम्पिक डेका अवसरमा ओलम्पियनहरुलाई पुनर्मिलन गराउने भएको छ ।
मन्त्री अथकको रुस भ्रमण उपलब्धिमूलक
युवा तथा खेलकुदमन्त्री महेश्वर गहतराज (अथक) पाँचदिने रुस भ्रमण सकेर स्वदेश फर्कनुभएको छ । रुस सरकारको औपचारिक निमन्त्रणामा रुसको भ्रमणमा जानुभएका मन्त्री अथक शुक्रबार बिहान स्वदेश फर्कनुभएको हो ।
नेपालको सुखद सुरुवात
नेपालले एसीसी महिला टी–२० च्याम्पियनसिप क्रिकेटमा सुखद सुरुवात गरेको छ । मलेसिया स्थित युकेएम एसडी क्रिकेट ओभल बांगीमा शुक्रबार देखि सुरु भएको च्याम्पियनसिपको पहिलो खेलमा नेपालले भुटानलाई ५० रनले हरायो ।
ओलम्पिक डे स्क्वास प्रतियोगिता : चार खेलाडी सेमिफाइनलमा
अरहन्त सिंह, अमृत थापा मगर, दीपक थापा र अमिर ब्लोन ओलम्पिक डे स्क्वास प्रतियोगिताअन्तर्गत पुरुष एकलको सेमिफाइनलमा पुगेका छन् ।
खेलकुदमन्त्री गहतराज र एनआरएन रुसका पदाधिकारीबीच छलफल
मस्को, असार २ गते। युवा तथा खेलकुदमन्त्री महेश्वरजंग गहतराजले नेपालमा लगानी भित्र्याउन रुसका गैरआवासीय नेपाली संघ (एनआरएन) का पदाधिकारीलाई आग्रह गर्नुभएको छ। रसियन सरकारको औपचारिक निमन्त्रणामा रुसको भ्रमणमा रहनुभएका मन्त्री गहतराजले एनआरएनका पदाधिकारीसँगको छलफलका क्रममा नेपालमा लगानी भित्र्याउन आग्रह गर्नुभएको हो। रुस भ्रमणको अन्तिम दिन बिहीबार एनआरएन र नेपाली दूतावासले आयोजना गरेको विशेष भेटभाट कार्यक्रममा बोल्नुहुँदै मन्त्री गहतराजले आफूले सिकेको सीप तथा लगानी नेपालमा सदुपयोग गर्न अनुरोध गर्नुभएको हो। नेपालमा लगानीको वातावरण बन्दै गइरहेकाले देशको आर्थिक विकासका लागि सरकारको साझेदार बन्न मन्त्री गहतराजले आग्रह गर्नुभयो। विगतका असहजता र समस्यालाई हल गर्दै नेपाल अहिले नयाँ ठाउँमा पुग्न सफल भएकाले पछिल्लो समय सबैमा देशभित्रै केही गर्नुपर्छ भन्ने भावनाको विकास हुँदै गएको उहाँले बताउनुभयो। विदेशमा आर्जन गरेको सीप र स्वीप्mट मनीले नेपालमै केही गर्नुपर्छ भन्ने संकल्पको भावनालाई कसरी व्यवस्थित गर्ने भन्ने बारे सरकारी तहबाट छलफल भइरहेको बताउँदै मन्त्री गहतराजले नेपालमा लगानी भित्र्याउन रुसमा रहेका नेपालीलाई आग्रह गर्नुभएको हो। अवसर र सम्भावनाको हिसाबले नेपाल नयाँ ठाउँमा पुगेकाले आगामी दिनमा नेपालको भविष्य सुखद रहेको मन्त्री गहतरालको विश्वास छ। कार्यक्रममा मन्त्रालयका सचिव डा. दामोदर रेग्मी, रसियास्थित नेपाली दूतावासका कर्मचारी तथा एनआरएनका पदाधिकारीको उपस्थिति थियो। नेपाली प्रतिनिधिमण्डलको नेतृत्व गर्दै पाँच दिने औपचारिक भ्रमणका लागि मन्त्री गहतराज सोमबार रुस प्रस्थान गर्नुभएको हो। उहाँ शुक्रबार स्वदेश फर्किने कार्यक्रम रहेको छ।
नेपाल र रसियाका खेलकुद मन्त्रीबिच भेटवार्ता
युवा तथा खेलकुद मन्त्री महेश्वर गहतराजले रसिया–नेपाल खेलकुद सहयोग कार्ययोजनामा हस्ताक्षर गर्नुभएको छ । रसियन सरकारको औपचारीक निमन्त्रणामा रसियाको भ्रमणमा रहनुभएका मन्त्री अथक र रसियाका खेलकुद मन्त्री आलेग भासिलिभिचले दुईपक्षिय कार्ययोजनामामा संयुक्त रुपमा हस्ताक्षर गर्नुभएको हो ।
आइसिसी विश्वकप लिग–२ : नेपाल अमेरिकासँग पराजित
आइसिसी विश्वकप लिग–२ मा नेपाल घरेलु टोली अमेरिकासँग पराजित भएको छ । अमेरिकाको ह्युस्टनस्थित मोसा क्रिकेट मैदानमा केहीबेर अघि सम्पन्न खेलमा नेपाल अमेरिकासँग ३९ रनले स्तब्ध भएको हो ।
ओलम्पिक डे स्क्वास प्रतियोगिता ः अमृतको विजयी सुरुवात
ओलम्पिक डे स्क्वास प्रतियोगिताको बुधबार पुरुष एकलमा राष्ट्रिय च्याम्पियन अमृत थापा मगरले सुर्जन श्रेष्ठलाई सजलै ११–१, ११–२, ११–३ ले हराएर विजयी सुरुआत गर्नुभएको छ ।
दुुई गाउँपालिकामा राष्ट्रपति रनिङ शिल्ड प्रतियोगिता सुुरु
सिमकोट र खार्पुनाथ गाउँपालिकामा माध्यामिक विद्यालयस्तरीय राष्ट्रपति रनिङ शिल्ड प्रतियोगिता सुुरु भएको छ । जिल्लास्तरीय प्रतियोगिताका लागि खेलाडी छनौट गर्न सो प्रतियोगिता गाउँपालिकाले सञ्चालन गरेको हो ।
कोस्टारिका विश्वकपमा छनोट
कोस्टारिका कतारमा आयोजना हुने फिफा विश्वकप फुटबल-२०२२ मा छनोट भएको छ । अन्तर महादेशीय छनोटको प्ले अफ फाइनलमा मंगलबार राति कोस्टारिकाले न्युजिल्यान्डलाई १-० गोलले हरायो । कतारको दोहास्थित ऐमद बिन अली रंगशालामा भएको प्रतिस्पर्धात्मक खेलमा कोस्टारिकालाई जिताउन जोएल क्याम्पबेलले निर्णायक गोल गर्नुभयो ।
एसियन कप छनोट : इन्डोनेसियासँग नेपालको लज्जास्पद हार
एएफसी एसियन कप छनोटको तेस्रो चरणको अन्तिम खेलमा नेपालले इन्डोनेसियासँग लज्जास्पद हार खेपेको छ । कुवेतको जाबिर अल अहमद स्टेडियममा मंगलबार राति भएको खेलमा नेपाल इन्डोनेसियासँग ७-० गोलले पराजित भयो ।
आईसीसी विश्वकप लिग–२ : ओमानविरुद्ध नेपालको सानदार जित
आईसीसी विश्वकप लिग–२ अन्तर्गत त्रिदेशीय सिरिजको तेस्रो खेलमा नेपालले ओमानमाथि सानदार जित निकालेको छ । अमेरिकाको ह्युस्टनस्थित मुसा क्रिकेट स्टेडियममा मंगलबार राति भएको खेलमा नेपालले ओमानलाई सात विकेटले हरायो ।
एक स्थानीय तह एक खेल पूर्वाधार : मन्त्री पौडेल
युवा तथा खेलकुद मन्त्रीको तर्फबाट शिक्षा, विज्ञान तथा प्रविधि मन्त्री देवेन्द्र पौडेलले संसदमा जवाफ दिनुभएको छ ।
टेनिसमा नेपालको अर्को पराजय
नेपालले आईटीएफ एसिया यु–१२ टिम टेनिस प्रतियोगिता (रिजनल क्वालिफाइङ इभेन्ट साउथ एसिया) मा मंगलबार अर्को पराजय भोगेको छ । नेपालको छात्र/छात्रा दुवै टोलीले अर्को पराजय भोगेको हो ।
