आगलागीका घटना बढ्दै
लामो हिउँदे खडेरीका कारण पछिल्लो समय आगलागीका घटना बढेका छन् ।
सार्वजनिक बिदामा पनि गोरखा प्रशासनबाट सेवा प्रवाह
जिल्ला प्रशासन कार्यालय गोरखाले सार्वजनिक बिदाको दिनमा पनि सेवा प्रवाह गर्ने भएको छ ।
आकाशे पानी माग्दै वरुण देवताको पूजा (फोटो फिचर)
म्याग्दीका अधिकांश क्षेत्रमा आकाशे पानीको भरमा खेती गरिन्छ । अहिले आकाशे पानी नपर्दा बारीमा लगाएको हिउँदे बाली सुक्न थालेपछि कृषक चिन्तित छन्, भने वन जङ्गलमा डढेलो लाग्ने क्रम रोकिएको छैन । लामो समयसम्म पानी नपरेपछि म्याग्दीको धवलागिरि गाउँपालिका–७ ताकम पँधेरा चौरमा आकाशे पानी माग्दै वरुण देवताको पूजा गरिएको छ ।
पोखरा महानगरका दुई इन्जिनियरसहित तीन जनालाई मुद्दा
घर निर्माण सम्पन्नताको प्रमाणपत्र दिँदा घूस लिएको अभियोगमा पोखरा महानगरपालिकाका दुई इन्जिनियरसहित तीन जनाविरुद्ध मुद्दा दर्ता भएको छ । अख्तियार दुरुपयोग अनुसन्धान आयोगले बिहीबार महानगरका इन्जिनियर शिवराज बराल र सब इन्जिनियर उषा किरण रोकाया र गोदार इन्जिनियरिङ कन्सल्टेन्सीका कर्मचारी सुरज कुँवरविरुद्ध विशेष अदालतमा आरोप पत्र दायर गरेको हो ।
दम्पती हत्यामा संलग्न दुई अभियुक्त सार्वजनिक
म्याग्दी सदरमुकाम बेनीसँग सिमाना जोडिएको पर्वतको जलजला गाउँपालिका–२,मल्लाजको दहका जिसी दम्पती हत्यामा संलग्न अभियुक्त दुई जनालाई प्रहरीले सार्वजनिक गरेको छ ।
म्याग्दी नदीमा जलयात्रा
म्याग्दी नदीमा साहसिक जलयात्रा (र्याफ्टिङ) सञ्चालन गरिएको छ । जिल्लाको बेनी नगरपालिका–७ स्थित म्याग्दी र कालीगण्डकी नदीको सङ्गमस्थल हुँदै मालढुङ्गासम्म छोटो प्याकेजको जलयात्रा सुरु गरिएको हो । र्याफ्टिङ रनर नामक कम्पनीका सुवास रानामगरले म्याग्दी नदीबाट नियमित जलयात्रा गर्न सकिने बताउनुभयो । गाइड रानामगरले भन्नुभयो, “नदी आसपासमा निर्माणाधीन अवस्थामा रहेको संरचनाले जलयात्रालाई असहज बनाएको छ ।” म्याग्दी नदीबाट कम्पनीले नियमित जलयात्राको तयारीसमेत गरेको बताउनुभयो ।
खरबुजा खेतीबाट आकर्षक आम्दानी गर्दै नवलपुरका मीनबहादुर
करिब तीन बिघा जग्गा भाडामा लिएर तरकारीखेती गर्दै आएकामा उहाँले यसपटक खरबुजा फलाउनुभएको छ । “पहिला तरकारी लगाउने गर्थेँ, बजार नपाएपछि खरबुजा लगाएँ, प्रशस्त आम्दानी भएको छ”, उहाँले भन्नुभयो ।
स्वास्थ्य सेवामा सबैको पहुँच आवश्यक
पोखरा महानगरपालिकाका प्रमुख धनराज आचार्यले स्वास्थ्य सेवामा सबै वर्गको पहुँच स्थापित गर्न महानगरपालिका प्रतिबद्ध रहेको बताउनुभएको छ । पोखरामा किशोरकिशोरीमैत्री स्वास्थ्य सेवा सञ्चालन सम्बन्धमा भएको अन्तर्क्रियामा उहाँले यस्तो बताउनुभएको हो । पोखरा महानगरपालिका स्वास्थ्य महाशाखाको आयोजना तथा स्वास्थ्य क्षेत्रमा क्रियाशील विभिन्न सङ्घ संस्थाको समन्वयमा सम्पन्न उक्त कार्यक्रममा प्रमुख आचार्यले यौन तथा प्रजनन स्वास्थ्यका दृष्टिकोणले किशोरकिशोरीमा उमेर नपुग्दै हुने गरेका विभिन्न क्रियाकलापका कारण उनीहरूको स्वास्थ्य अवस्था जोखिममा पर्दै गएकोप्रति चिन्ता व्यक्त गर्नुभयो । स्वास्थ्यसम्बन्धी सचेतनाको अभावका कारण किशोरकिशोरीमा देखिएको यस प्रकारको स
‘ओ पेङ्दोर्जे’ रङ्गमञ्चमा उत्रिँदा
पूर्वपश्चिम जोड्ने राजमार्ग खन्न थालियो । देशका विभिन्न ठाउँबाट कामको खोजी गर्दै ठेकेदारकोमा पुगे । रामबहादुर तामाङले पनि सडक खन्न पसिना र परिश्रम खर्चिए । एक हजार २८ किमी लामो यो राजमार्गको नाम राखियो, महेन्द्र राजमार्ग । दिनभर काममै जोतिने रामबहादुरलाई त्यो नाम मन परेन । थाकेको जिउ लिएर भट्टी पुगेको रामबहादुरले टेबुल ठोक्दै असन्तुष्टि पोख्न थाल्यो, “यो बाटोको नाम रामबहादुर मार्ग हुनु पर्छ ।”
पर्वतको कुश्माबजारमा खानेपानीको अभाव, लोडसेडिङ सुरु
लामो समयदेखिको खडेरीका कारण मुहान सुकेपछि पर्वत सदरमुकाम कुश्माबजारमा खानेपानीको अभाव भएको छ । नियमित आउने स्रोतमा पानीको मात्रा घट्दै गएपछि मङ्गलबारदेखि खानेपानीको ‘लोडसेडिङ’ सुरु भएको छ ।
सांसद फरार भएपछि प्रहरीले पक्राउ गर्न सकेन
पक्राउ पुर्जी जारी गरेको ४८ घण्टा बितिसक्दा पनि प्रहरीले राष्ट्रिय प्रजातन्त्र पार्टी (राप्रपा) का प्रतिनिधि सभा सदस्य गीता बस्नेतलाई पक्राउ गर्न सकेको छैन ।
नार्पाभूमिका विद्यालय खुले
काठमाडौंमा वार्षिक परीक्षा सकेर नतिजा प्रकाशित भएपछि नार्पाभूमिका बालबालिका गाउँ फर्किएर पठनपाठन गर्न थालेका हुन् ।
कालीगण्डकी पुल मर्मत सुरु
म्याग्दी सदरमुकाम जोड्ने बेनी नगरपालिका ८ कालिपुलस्थित कालीगण्डकी नदीमाथि निर्माण गरिएको मोटरेबल पुलको पिलर जिर्ण भएपछि मर्मत थालिएको छ ।
पोखरा अन्तर्राष्ट्रिय विमानस्थल खुल्यो
विगत चार दिनदेखि रोकिएका उडान आज बिहानदेखि नियमित भएका बुद्ध एयरका सूचना अधिकारी दीपेन्द्रकुमार कर्णले राससलाई जानकारी दिनुभयो ।
पालिकाको लक्ष्य शिक्षा सुधार
बौदीकाली नवलपुर जिल्लाको पहाडी भेगमा अवस्थित गाउँपालिका हो । यस गाउँपालिकाको उत्तरमा तनहुँ, पश्चिममा पाल्पा, दक्षिणमा हुप्सेकोट र पूर्वमा बुलिङटार गाउँपालिका छन् । यहाँ स्थानीय तहको २०७९ को निर्वाचनमा नेकपा (एमाले) बाट अध्यक्षमा प्रकाश ओझा निर्वाचित हुनुभएको हो । युवा उमेरका उहाँ गाउँको विकासमा एकाग्र भएर लाग्ने प्रण गर्दै राजनीतिमा होमिनुभएको हो । अध्यक्ष ओझासँग गोरखापत्रका पत्रकार होमराज रानाभाटले गर्नुभएको कुराकानी :
जिम्मेवार प्रेस आजको आवश्यकता : प्रदेश प्रमुख भट्ट
गण्डकी प्रदेशका प्रदेश प्रमुख डिल्ली राज भट्टले प्रविधिको विकाससँगै पत्रकारिता क्षेत्रमा अवसर र चुनौती दुवै सिर्जना भएको भन्दै डिजिटल मिडियाको सही सदुपयोग गर्नुपर्ने बताउनुभयो ।
उद्योगको विकास नभई अर्थतन्त्र स्वाधीन हुँदैन : मुख्यमन्त्री अधिकारी
गण्डकी प्रदेशका मुख्यमन्त्री खगराज अधिकारीले परनिर्भर र आयातमुखी अर्थतन्त्रलाई नबदली समृद्ध देश बन्न नसक्ने औँल्याउनुभएको छ।
तारेभीरमा ‘रक क्लाइम्बिङ’ परीक्षण
मनाङ चामे गाउँपालिका –५ रहेको अग्लो तारेभीरमा साहसिक खेल रक क्लाइम्बिङको परीक्षण गरिएको छ । गाउँपालिकालाई पर्यटनमार्फत समृद्ध बनाउन यस्तो साहसिक खेलले मद्दत पुग्ने भएकाले सहमतिपत्र दिइएको गाउँपालिकाका अध्यक्ष लोकेन्द्रबहादुर घलेले जानकारी दिनुभयो ।
पोखरामा किसानका लागि आइपिएम पाठशाला
पोखरा महानगरपालिकामा एकीकृत शत्रुजीव व्यवस्थापन (आइपिएम) किसान पाठशाला सञ्चालन गरिएको छ ।
तनहुँ जलविद्युत् आयोजना : प्रसारण लाइनको काम ७३ प्रतिशत सकियो
निर्माणाधीन एक सय ४० मेगावाट क्षमताको तनहुँ जलविद्युत् आयोजनाअन्तर्गत प्रसारण लाइनको काम ७३ प्रतिशत सकिएको छ ।
ग्रामीण सडक स्तरीय बनाउँदै गलकोट नगरपालिका
बागलुङको मध्य भागमा पर्छ गलकोट नगरपालिका । समथर भू-भागदेखि उच्च पहाडसम्म फैलिएको गलकोटको बस्ती-बस्तीमा सडक पुगेका छन् तर ग्रामीण क्षेत्रबाट बसाइसरेर बजार झर्नेको सङ्ख्या घटेको छैन ।
विश्व मजदुर दिवस: घर बन्न छाडेपछि वैकल्पिक पेसामा मजदुर
व्यास नगरपालिका-२ का ३४ वर्षीय राजु सेन्चुरीको मुख्य पेसा घरमा रङ्ग लगाउने (पेन्टिङ) थियो । विगत दुई वर्षदेखि पेन्टिङको काम नपाएपछि उहाँ अहिले तरकारी व्यापारमा लाग्नुभएको छ ।
बेनीमा मजदुर दिवस मनाइयो
एक सय ३५ औं विश्व मजदुर दिवसका अवसरमा बेनीमा मजदुरहरुले र्याली निकालेका छन् । मजदुरहरुले ट्रेड युनियनको झन्डा, बाजागाजा र झाँकीसहित बजारमा र्याली निकालेका हुन् ।
सिक्दै कमाउँदै विद्यार्थी
गोरखाको बारपाक सुलीकोट गाउँपालिका-६ ताकुकोटमा रहेको सुर्यज्योति माध्यमिक विद्यालयका विद्यार्थीहरू सृजनशील शुक्रबारे कार्यक्रम अन्तर्गत दुना टपरी बजाउन सिक्दै कमाउँदै आयआर्जन गर्न थालेका छन् ।