logo
२०७८ असार ७ सोमवार

दैनिक अध्यावधिक

image
1421

सङ्क्रमित

image
3456

निको भएका

image
51

मृत्यु भएका

मिति:असार ६, २०७८ (१७:३२)
स्राेत:https://covid19.mohp.gov.np/



शिक्षकलाई खोप दिन आग्रह

शिक्षा |
खुला |


शिक्षकलाई खोप दिन आग्रह


गोरखापत्र समाचारदाता

काठमाडौँ, जेठ २६ गते । शिक्षा, विज्ञान तथा प्रविधि मन्त्रालयले खोप लगाउन बाँकी रहेका प्राध्यापक, शिक्षक तथा विद्यालय कर्मचारीलाई कोभिड–१९ विरुद्धको खोप लगाउने व्यवस्थाका लागि स्वास्थ्य तथा जनसङ्ख्या मन्त्रालयलाई आग्रह गरेको छ ।
शिक्षामन्त्रीको अध्यक्षतामा बसेको बैठकले खोपको व्यवस्था गरिदिन स्वास्थ्य मन्त्रालयलाई अनुरोध गर्ने निर्णय गरेको शिक्षा मन्त्रालयले जनाएको छ ।
यसैबीच नेपाल शिक्षक महासङ्घले शिक्षकका लागि खोप उपलब्ध गराउन सरकारसँग माग गरेको छ ।
नेपाल शिक्षक महासङ्घका अध्यक्ष बाबुराम थापाले शिक्षकले पनि छुटपुट रूपमा कोरोनाको खोप लगाएको भए पनि शिक्षकलाई मात्रै लक्षित गरेर खोप कार्यक्रम सञ्चालन गर्नुपर्छ भन्ने माग रहेको जानकारी दिनुभयो । यस विषयमा शिक्षा, विज्ञान तथा प्रविधिमन्त्री कृष्णगोपाल श्रेष्ठको ध्यानाकर्षण
गराइएको छ ।
सरकारले आगामी असार १ गतेबाट नयाँ शैक्षिक सत्र सञ्चालन गर्ने निर्णय गरिसकेको छ । जनजीवन सामान्य भएमा कक्षाकोठामा अध्यापन गर्नुपर्ने अवस्था हुने हुँदा शिक्षकलाई खोपको प्राथमिकतामा राख्न माग
गरिएको छ ।

यो समाचार पढेर तपाईलाई कस्तो लाग्यो?