सडक नबन्दा थुप्रियो फोहोर

पासाङ ल्हामुु राजमार्गको बालाजु–त्रिशूली–छहरे विदुर सडकखण्ड निर्माण सुरु भएको आठ वर्ष बित्दासमेत अलपत्र छ । सम्बन्धित निकायको बेवास्ता र निर्माण कम्पनीको चरम लापरबाहीका कारण सडक निर्माण अलपत्र परेको हो । सडक नबन्दा राजधानीबाट फोहोर बोकेका गाडी त्यसतर्फ जान नपाउँदा सङ्घीय राजधानी काठमाडौँमा फोहोरको थुप्रो बढ्दै गएको छ ।

तीन चरणमा सम्भाव्यता अध्ययन

नेपाल र चीनबीचको मित्रताको ‘प्रतीक’का रूपमा लिइएको प्रस्तावित केरुङ–काठमाडौँ अन्तरदेशीय रेलमार्गको विस्तृत सम्भाव्यता अध्ययन तीन चरणमा हुने भएको छ । चीनका विदेशमन्त्री वाङ यीको नेपाल भ्रमणमा प्रस्तावित सो रेलमार्ग परियोजनाको तीन चरणमा अध्ययन गर्न नेपाल र चीनबीच प्राविधिक कार्ययोजनामा सहमति भएको छ । विदेशमन्त्री वाङको भ्रमणका क्रममा नेपालले चीनसमक्ष सो रेलमार्गको सम्भाव्यता अध्ययन गर्न प्रस्ताव गरेको...

केरुङ–काठमाडौँ रेलमार्ग प्रस्ताव

नेपाल सरकारले प्रस्तावित केरुङ–काठमाडौँ रेलमार्गको सम्भाव्यता अध्ययन (फिजिबिलिटी स्टडी) गरिदिनका लागि जनवादी गणतन्त्र चीनसँग प्रस्ताव गर्ने भएको छ । नेपाल भ्रमणमा रहनुभएका चीनका विदेशमन्त्री वाङ यीसँग भौतिक पूर्वाधार तथा यातायात मन्त्रालयका तर्फबाट यो प्रस्ताव गरिने मन्त्रालयका सहसचिव तथा विकास सहायता समन्वय महाशाखाका प्रमुख केशवकुमार शर्माले जानकारी दिनुभयो ।

नौवटा सुरुङमार्गको सम्भाव्यता अध्ययन

अप्ठ्यारो र घुम्ती सडकको दूरी छोट्याई सवारी आवागमन सहज बनाउने उद्देश्यसहित सडक विभागले विभिन्न स्थानमा प्रस्तावित नौवटा सुरुङमार्गको सम्भाव्यता अध्ययन गर्न प्रक्रिया अगाडि बढाएको छ । त्यसका लागि विभागले कम्पनी छनोटको प्रक्रिया सुरु गरेको हो ।

गणतन्त्र स्तम्भ निर्माणमा अझै अन्योल

गणतन्त्र घोषणा भएको १३ वर्ष बित्न लाग्दा पनि गणतन्त्र स्तम्भको निर्माण भने अझै अन्योलमा छ । २०६५ जेठ १५ गते नेपाल सङ्घीय लोकतान्त्रिक गणतन्त्र घोषणा भएकोमा सरकारले गणतन्त्रको प्रतीकस्वरूप स्तम्भ निर्माण गर्ने निर्णय गरेको थियो ।

फोहोर पानी प्रशोधन केन्द्र निर्माण तीव्र

उपत्यकाका नदी र खोलाहरूलाई सफा बनाउने उद्देश्यले फोहोर पानी प्रशोधन केन्द्र निर्माण तीव्र पारिएको छ । गुह्येश्वरी फोहोर पानी प्रशोधन केन्द्रको निर्माण सम्पन्न भई सञ्चालनमा आइसकेको छ । थप पाँच ठाउँमा प्रशोधन केन्द्र निर्माण हुँदैछ । अहिले सञ्चालनमा रहेका र निर्माणाधीन प्रशोधन केन्द्रहरूको प्रतिदिन १० करोड ५० लाख लिटर फोहोर पानी प्रशोधन गर्ने क्षमता छ ।

अर्को वर्ष ४३ दिन सार्वजनिक बिदा

संवत् २०७९ मा सार्वजनिक र शनिबार गरी ९५ दिन बिदा हुनेभएको छ । संवत् २०७९ मा नेपाल सरकारले शनिबार बाहेक ४३ दिन सार्वजनिक बिदा दिने निर्णय गरेको छ । आगामी वर्ष सार्वजनिक बिदाबाहेक ५२ वटा शनिबार परेका छन् । गृह मन्त्रालयका सहसचिव शिवराम पोखरेलले आगामी वर्ष वैशाख १ गतेदेखि चैत मसान्तसम्म एक वर्षभरिमा सबै सरकारी कार्यालय तथा सार्वजनिक निकायका लागि शनिबारबाहेक ४३ दिन सार्वजनिक बिदा दिने निर्णय गरिएको जानकारी दिनुभयो...

बङ्करबाट ब्यारेक कार्यक्रम प्रभावकारी

नेपाली सेनालाई न्यूनतम मानवीय सेवा उपलब्ध गराउन तथा बसोबासलाई व्यवस्थित तुल्याउन अगाडि सारिएको ‘बङ्करबाट ब्यारेक’ कार्यक्रम प्रभावकारी बनेको छ । यस कार्यक्रमअन्तर्गत ६० प्रतिशत संरचना निर्माण सम्पन्न भइसकेको छ भने बाँकी काम भइरहेको नेपाली सेनाले जनाएको छ ।

सुरूङ्ग निर्माणकाे काम दुई सिफ्टमा गर्न निर्देशन

नेपाली सेनाका प्रधान सेनापति प्रभुराम शर्मा र रक्षा सचिव किरणराज शर्माले काठमाण्डौं–तराई/मधेश द्रुतमार्गको ठेक्का सम्झौता अनुसार समय सीमाभित्र रही गुणस्तरीय रुपमा तोकिएको समयमा नै निर्माण कार्य सम्पन्न गर्न सम्बन्धित निकाय र निर्माण कम्पनीलाई निर्देशन दिनुभएको छ ।

उपत्यकामा पाँच सय ‘फायर हाइड्रेन्ट’

राजधानीमा बढ्दै गएको आगलागी जोखिमलाई दृष्टिगत गर्दै उपत्यकाको चक्रपथभित्र पाँच सय स्थानमा ‘फायर हाइड्रेन्ट’ स्थापना गरिने भएको छ । दमकलले पानी भर्न मिल्नेगरी प्रविधि जडान गरिनुलाई ‘फायर हाइड्रेन्ट’ भनिन्छ । मेलम्ची आयोजनाले पानी वितरणका लागि पाइप जडान भइसकेका क्षेत्रमा अहिलेसम्म २५० स्थानमा ‘फायर हाइड्रेन्ट’ जडान गरिसकेको छ ।