logo
२०७८ असोज ९ शनिवार

दैनिक अध्यावधिक

image
1103

सङ्क्रमित

image
1550

निको भएका

image
9

मृत्यु भएका

मिति:आश्विन ८, २०७८ (१६:४१)
स्राेत:https://covid19.mohp.gov.np/



ताप्लेजुङको १०१ फोटो पुस्तक सार्वजनिक

कला |


ताप्लेजुङको १०१ फोटो पुस्तक सार्वजनिक


काठमाडौं, साउन १६ गते । ताप्लेजुङ जिल्ला भित्र रहेका मुख्य पर्यटकीय क्षेत्रका १०१ वटा फोटोहरु समावेश गरिएको फोटो पुस्तक सार्वजनिक भएको छ । पूर्वी नेपालको हिमाली जिल्ला ताप्लेजुङमा पर्ने विश्वको तेस्रो अग्लो हिमाल कञ्चनजंगादेखि ओझेलमा परेका महत्वपूर्ण पर्यटकीय क्षेत्रहरु समेटिएको पुस्तक शुक्रबार सार्वजनिक भएको हो ।
आन्तरिक तथा वाह्य पर्यटन प्रवर्धनमा टेवा पु¥याउने लक्षले पुस्तक सार्वजनिक गरिएको ताप्लेजुङका प्रतिनिधिसभा सदस्य एवं निर्वतमान संस्कृति पर्यटन तथा नागरिक उडड्यन मन्त्री योगेश भट्टराईले बताउनुभयो । भर्जिन पर्यटकीय गन्तव्यहरु प्रसस्तै भए पनि प्रचारप्रसारको अभावमा ताप्लेजुङ पछि परेको भन्दै यो पुस्तकले प्रवर्धनमा टेवा पुग्ने भटट्राईले बताउनुभयो ।

पुस्तक प्रकाशनमा नेपाल पर्यटन बोर्डले सहयोग गरेको थियो । नेपालको पर्यटन केही खास क्षेत्रहरुमा मात्र सिमित रहेको अवस्थामा पर्यटनलाई विकेन्द्रीकरण गर्न आवश्यक रहेको बताउनुहुँदै अन्य क्षेत्रको पनि प्रचारप्रसारका लागि बोर्डले प्रभावकारी काम शुरु गर्नु पर्ने सुझाव दिनुभयो ।

‘नेपालका धेरै जिल्लामा पर्यटनको प्रचुर सम्भावना छ । त्यसमा ताप्लेजुङ पनि एक हो तर हामीले पोखरा चितवन, पोखरा लुम्बिनी बाहेक अन्यत्र खासै पर्यटक लैजान सकेका छैनौं । यो अवस्थामा यस्ता क्रियाकलापले ती क्षेत्रको पर्यटन प्रवद्र्धन गर्न सक्नेछ । ’ उहाँले भन्नुभयो । पूर्वमन्त्री भट्टराईले कंचनजंघा राष्ट्रिय निकुन्ज क्षेत्र विश्व कै सुन्दर र आर्कषक क्षेत्र भएको बताउँदै त्यहाँको सांस्कृतिक बहुलता र प्राकृतिक सुन्दरतालाई उजागर गर्न सके त्यस क्षेत्रको पर्यटन विकासमा थप टेवा पुग्ने बताउनुभयो ।

किताबमा ताप्लेजुङभरबाट संकलन गरिएका १३ सय फोटोहरुबाट छानिएका १०१ फोटाहरु समावेश गरिएको जनाएको छ ।

यो समाचार पढेर तपाईलाई कस्तो लाग्यो?