logo
२०७७ असोज २ शुक्रवार
राष्ट्रियसभामा वरिष्ठ नेता आउनाले गरिमा बढ्छः अध्यक्ष तिमिल्सिना
18 Sep 2020 12:20 - रासस

मुलुकको संविधान कार्यान्वयनका क्रममा कानून तर्जुमा र कार्यपालिकालाई नीतिगत निर्देशनका लागि सङ्घीय संसद्ले आफ्नो भूमिका निर्वाह गर्दै आएको छ । प्रतिनिधिसभा र राष्ट्रियसभा गरी द्विसदनात्मक संसदीय प्रणालीमा राष्ट्रियसभाको आफ्नै विशिष्ट महत्व र परिचय रहेको छ । संविधान कार्यान्वनकै क्रममा पहिलोपटक भएको राष्ट्रियसभा निर्वाचनपछि २०७४ फागुन ३० गते नेपाल कम्युनिष्ट पार्टी .(नेकपा) अर्थात् तत्कालीन नेकपा (एमाले) का तर्फबाट सभाका अध्यक्षमा निर्वाचित गणेशप्रसाद तिमिल्सिना संविधानका सबै उद्देश्यप्राप्तिका लागि आर्थिक समृद्धिलाई पहिलो आवश्यकता ठान्नुहुन्छ । विद्यार्थीकालदेखि नै राजनीतिमा होमिनुभएका उहाँसँग गण्डकी प्रदेशका पर्वत, बाग्लुङ र मुस्ताङ जिल्लामा राजनीतिक नेतृत्व तथा तत्कालीन गाउँ विकास समिति र जिल्ला विकास समितिमा जनप्रतिनिधिका रुपमा नेतृत्व गरेकोसमेत अनुभव छ । पाँचौ संविधान दिवसका सन्दर्भमा अध्यक्ष तिमिल्सिनासँग राष्ट्रिय समाचार समिति (रासस) का प्रकाश सिलवालले गर्नुभएको संवादको सम्पादित अंश

Read More
विद्यालयमा क्वारेन्टाईन, भाडाको सटरमा टोल शिक्षा
18 Sep 2020 11:18 - जिल्ला समाचार

कोरोना संक्रमण रोकथाम गर्न सरकारले गत चैत्र ५ गते माध्यमिक शिक्षा परीक्षा (एसइइ) स्थिगित गरे लगतै विद्यालयका औपचारिक शैक्षिक गतिविधि ठप्प छन् । विद्युत, इन्टरनेटको सहज पहुँच हुने क्षेत्रमा वैकल्पिक शिक्षा अन्तर्गत ‘भर्चुअल’ कक्षा संचालन भए पनि विद्युत, इन्टरनेट, मोबाइल, ल्यापटप तथा कम्प्यूटरको पहुँच नहुने क्षेत्रमा ‘भर्चुअल’ कक्षा संचालनमा आउन सकेनन । सरकारले वैकल्पिक विधि अपनाएर कक्षा संचालन गर्न आग्रह गरे पछि बागलुङका अधिकांस निजी विद्यालय दैनिक सिमित घण्टा भए पनि अनलाईन कक्षा संचालन गरे । सामुदायिक विद्यालयले टोल शिक्षाको अभ्यास गरेका थिए । सामुदायिक विद्यालयका शिक्षकले महामारीमा रचनात्मक शैक्षिक क्रियाकलप संचालन गर्न नसकेको गुनासो भैरहँदा बागलुङको बडिगाड गाउँपालिका–२ दगातुन्डाडामा भने असारदेखि नियमित टोल शिक्षा संचालन भैरहेको छ । असार ४ गतेदेखि पठन पाठन सुरु भएको सो क्षेत्रमा भदौ १ गतेदेखि २० गतेसम्म निषेधाज्ञा जारी भए पछि शैक्षिक क्रियाकलप रोकिएको थियो । भदौ २१ गतेदेखि फेरि टोल शिक्षालाई निरन्तरता दिएको त्रिभुवन माविका प्रधानध्यापक ढालमणी भण्डारीले जानकारी दिनुभयो ।

Read More
शनिबारसम्म देशका अधिकांश स्थानमा वर्षाको सम्भावना, सतर्क रहन आग्रह
18 Sep 2020 11:02 - रासस

मनसुनी न्यूनचापीय प्रणालीको प्रभावले भोलिसम्म देशका धेरैजसो स्थानमा वर्षाको सम्भावना रहेको जल तथा मौसम विज्ञान विभागले जनाएको छ । विभागले आगामी २४ घण्टाका लागि चेतावनी तथा परामर्श जारी गर्दै प्रदेश नं १, २, ५, वाग्मती, गण्डकी र सुदूरपश्चिमप्रदेशका एक वा दुई स्थानमा भारी वर्षाको सम्भावना रहेकाले ती स्थानका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकाले आवश्यक सतर्कता अपनाउन सबैमा अनुरोध गरेको छ । मनसुनी न्युनचापीय रेखाको प्रभावले देशको अधिकांश भू–भागमा वर्षा भइरहेको मौसमविद् शान्ति कँडेलले बताउनुभयो । “यो क्रम शनिबारसम्म कायम रहन्छ, यो अवधिमा आकाश खुल्ला भई घाम लाग्ने सम्भावना छैन, राति र बिहानीपख वर्षा हुनेछ, दिउँसोको समयमा वर्षा रोकिए पनि बदली नै रहनेछ”, उहाँले भन्नुभयो ।

Read More
धुलिखेल सुकुम्बासीमुक्त र हरित नगर बन्दैछ : अशोक ब्यान्जु
18 Sep 2020 10:04 - रासस

धुलिखेल नगरपालिकाका प्रमुख अशोक ब्यान्जु नेपाल नगरपालिका सङ्घका अध्यक्ष पनि हुनुहुन्छ । एक गतिमान् जनप्रतिनिधिका रुपमा उहाँले एशिया प्रशान्त क्षेत्रको संयुक्त नगर स्थानीय सरकारको अध्यक्षता पनि गर्नुभएको छ । संविधान दिवसका अवसरमा सङ्घीयताको कार्यान्वयन, स्थानीय सरकारको प्रभावकारिता र अभ्यासमा देखिएका समस्याबारे राष्ट्रिय समाचार समिति काभ्रेपलाञ्चोकका उपसमाचारदाता राजकुमार पराजुलीले उहाँसंँग लामो कुराकानी गर्नुभयो । प्रस्तुत छ, श्री ब्यान्जुसंँग लिइएको अन्तर्वार्ताको सारसंक्षेपः

Read More
राष्ट्रसङ्घको ७५ औँ महासभामा प्रमले नेपालबाटै सम्बाेधन गर्नुहुने
18 Sep 2020 09:40 - रासस

प्रधानमन्त्री केपी शर्मा ओली नेतृत्वको नेपाली प्रतिनिधिमण्डलले संयुक्त राष्ट्रसङ्घको ७५ औँ महासभामा अप्रत्यक्षरूपमा भाग लिने भएको छ । न्युयोर्कमा आजदेखि शुरु भएको ७५औँ महासभालाई प्रधानमन्त्री ओलीले आगामी शुक्रबार सम्बोधन गर्ने कार्यक्रम रहेको परराष्ट्र मन्त्रालयले जनाएको छ । महासभाअन्तर्गतका उच्चस्तरीय सत्रहरु पनि आजैदेखि प्रारम्भ भएका छन् । यो वर्षको महासभाको छलफलको विषय ‘हामीले खोजेको भविष्य र हाम्रो अपेक्षाको संयुक्त राष्ट्रसङ्घ ः प्रभावकारी बहुपक्षीय क्रियाशीलताको माध्यमबाट कोभिड–१९ सामना, बहुपक्षीयताप्रति हाम्रो सामूहिक प्रतिबद्धताको पुनर्पुष्टि’ रहेको छ ।

Read More
कोरोना अस्पतालमा प्रयोग गर्नेगरी रोबोट निर्माण
18 Sep 2020 09:21 - रासस

इलामका युवाहरुले यन्त्र (रोबोट) निर्माण गरेका छन् । पाँच युवाले कोरोना अस्पतालमा प्रयोग गर्नेगरी सो यन्त्रको निर्माण गरेका हुन् । निर्माण गरेको यन्त्रलाई इलाम अस्पतालमा प्रदर्शनसमेत गरिएको छ । कोरोनाका कारण बिरामीलाई औषधि दिन चिकित्सक तथा नर्सहरु डराइरहेको अवस्थामा रोबोटले नै औषधि पुर्याउन सहयोग गर्ने रोबोट निर्माण गर्नेमध्येका एक युवा नवीन फुयाँलले जानकारी दिनुभयो । उहाँका अनुसार करिब डेढ महिना लगाएर निर्माण गरिएको रोबोट अस्पतालमा नै प्रयोग गरिनेछ । कोरोना विशेष अस्पताल र आइसोलेसनमा प्रयोग गर्नकै लागि रोबोटको निर्माण गरिएको हो । रिमोट कन्ट्रोलको माध्यमबाट कुन शय्यामा कुन औषधि लैजाने, कति पटक औषधि सेवन गरेको भन्नेलगायतको जानकारी सोही रोबोटमार्फत प्राप्त हुने उहाँले बताउनुभयो । सिसी क्यामेरा प्रयोग गरिएकाले पनि रोबोटबाट धेरै कुराको जानकारी लिन सकिने बताइएको छ ।

Read More
नारायणगढ–मुग्लिन सडकखण्ड अवरुद्ध
18 Sep 2020 09:12 - रासस

नारायणगढ–मुग्लिन सडकखण्डको केराबारीमा पहिरो खस्दा सडक अवरुद्ध भएको छ । भरतपुर महानगरपालिका–२९ मा पर्ने केराबारीमा आज बिहान पहिरो खसेको हो । जिल्ला ट्राफिक प्रहरी कार्यालय चितवनका प्रमुख दयाकृष्ण भट्टका अनुसार चौध किलो र सत्र किलोको पहिरो हटाइसकिएको छ भने केराबारीमा गएको पहिरो पन्छाउने काम भइरहेको छ । पहिरोसँगै झरेको लेदोले करिब १०० मिटर सडक ढाकेको उहाँले जानकारी दिनुभयो । पहिरो पन्छाउन तीन घण्टासम्म लाग्नसक्ने भट्टको अनुमान छ । पहिरोका कारण सो सडकखण्ड हँुदै चल्ने सवारी साधन बाटोमा रोकिएका छन् । सो सडकमा सोमबार रातिदेखि पटकपटक पहिरो खस्दै आएको छ । 

Read More