logo
२०८० चैत्र १६ शुक्रवार



भारतमा पनि भेटियो कोरोनाको ओमिक्रोन भेरियन्ट

स्वास्थ्य |


भारतमा पनि भेटियो कोरोनाको ओमिक्रोन भेरियन्ट


कठमाडौं, मङसिर १६ गते । छिमेकी मुलुक भारतमा पनि कोरोनाको नयाँ भेरियन्ट ओमिक्रोन भेरियन्ट फेला परेको छ । बिहीबार दुई जना नयाँ भेरियन्टका संक्रमित भेटिएका हुन् ।

भारतको कर्नाटक राज्यका दुई व्यक्तिमा कोरोना भाइरसको ओमिक्रोन भेरिएन्ट फेला परेको हो । बिबिसीले भारतीय उच्च अधिकारीलाई उद्धृत गर्दै दुई जनामा नयाँ भेरियन्ट संक्रमण पुष्टि भएको उल्लेख गरेको छ ।

भारतमा पहिलो पटक ६६ र ६४ वर्षका दुई पुरुषमा संक्रमण पुष्टि भएपछि उनीहरुलाई निगरानीमा राखिएको छ । भारतमा पहिलो पटक कोरोना भाइरसको यो भेरियन्ट फेला परेको हो ।

संक्रमित ती व्यक्ति दक्षिण अफ्रिकाबाट आएका यात्रु हुन् । उनीहरुमा सामान्य लक्षण मात्र देखिएको छ । योसँगै ओमिक्रोन भेरियन्ट २६ मुलुकमा फैलिएको छ ।

बुधवारदेखि लागु हुनेगरी भारतले उच्च जोखिम भएका देश यूके, दक्षिण अफ्रिका, न्यूजील्यान्ड, बाङ्ग्लादेश, हङ्कङ र इजरेलबाट आउने यात्रुलाई कडाइ गरेको छ।

भारत आइपुग्नासाथ ती यात्रुको परीक्षण गरिनेछ र नतिजा नआएसम्म उनीहरूलाई विमानस्थलबाहिर जान दिइनेछैन।

सङ्क्रमण पुष्टि हुने यात्रुलाई छुट्टै राखेर उपचार गरिनेछ र उनीहरूको नमुना ओमिक्रोन जाँचका लागि जीन सीक्वन्सिङ गर्न पठाइनेछ।

कोभिड पुष्टि नहुने यात्रुले सात दिन घरमा क्वारन्टीनमा बस्नुपर्ने र आठौँ दिन फेरि परीक्षण गर्नुपर्ने नियम छ। बिबिसी

यो समाचार पढेर तपाईलाई कस्तो लाग्यो?