सवारी आउजाउमा कडाइ गरिएसँगै पृथ्वी राजमार्ग सुनसान

सधैँ गाडीको चाप हुने पृथ्वीराजमार्ग हिँजो आज सुनसान छ । ६९ जिल्ला ओहोरदोहोरको मार्ग पृथ्वीराजमार्गमा फाट्टफुट्ट मात्र गाडीहरु देखिन्छन् । एम्बुलेन्स, खाद्यान्न धुवानी र अत्यावश्यक कामले हिँडेका गाडीहरुमात्र सडकमा देखिन्छन् ।

आठ जनाको शव फेला, ३१ अझै बेपत्ता

सिन्धुपाल्चोक जिल्ला को जुगल गाँउपालिका–२ लिदीमा पहिरोमा पुरिएका आठ जनाको शव फेला परे पनि सनाखत भने सात जनाको मात्र भएको जिल्ला प्रहरी कार्यालयका सूचना अधिकारी माधवप्रसाद काफलेले जानकारी दिनुभयो । नेपाली सेना, नेपाल प्रहरी र स्थानीयले निरन्तर खोजी कार्य जारी राखेका छन् ।

भरतपुर महानगरले ल्यायो चार अर्ब १५ करोडको बजेट

भरतपुर महानगरपालिकाले आर्थिक वर्ष २०७७/०७८का लागि चार अर्ब १५ करोड ६४ लाख ८९ हजार रुपियाँ विनियोजन गरेको छ ।

१९ अर्ब ३२ करोडको लागत, चार वर्षभित्र सम्पन्न गरिने

लामो समयदेखि चर्चामा रहेको बहुप्रतिक्षित भीमफेदी–कुलेखानी सुरुङमार्ग आयोजना निर्माण गर्न बजेट सुनिश्चि भएको छ ।बाग्मती प्रदेश सरकारको गौरवको आयोजनामध्येको भीमफेदी–कुलेखानी सुरुङमार्गको विस्तृत परियोजना प्रस्ताव (डीपीआर) निर्माण तयार भएसँगै परियोजनाका लागि प्रदेश सरकारले बजेट सुनिश्चित गरेको छ ।

महसुल नतिर्ने २७१ ग्राहक कालोसूचीमा

नेपाल विद्युत् प्राधिकरण भरतपुर वितरण केन्द्रले विद्युत् महसुल नतिर्ने २७१ ग्राहकलाई कालोसूचीमा राखेको हो । लाइन काटेको छ महिनाभित्र महसुल नतिरेका ग्राहकलाई कार्यालयले कालोसूचीमा राखेको जनाएको छ ।

पाँचखाल लगानी सम्मेलनको तयारी गर्दै

पाँचखाल नगरपालिकाले चालू आर्थिक वर्षभित्र लगानी सम्मेलन गर्ने भएको छ । लगानी सम्मेलन गर्ने निर्णय गरी तयारीमा जुटेको नगर कार्यालयले जनाएको छ ।

इन्द्रावती–८ मा नेकपा र काङ्ग्रेसको उम्मेदवार टुङ्गो   

सत्तारुढ दल नेपाल कम्युनिस्ट पार्टी (नेकपा) र प्रमुख प्रतिपक्ष दल नेपाली काङ्ग्रेसले मङ्सिर १४ को उपनिर्वाचनका लागि सिन्धुपाल्चोकको इन्द्रावती गाउँपालिका–८ को वडाध्यक्षको उम्मेदवार टुङ्गो लगाएका छन् । यसअघि निर्वाचित अध्यक्ष धनबहादुर श्रेष्ठको मृत्युपछि उक्त वडामा उपनिर्वाचन हुँदैछ ।   

मेलम्ची नगरपालिका दुर्घन्धित

तीन नगर र नौ गाउँपालिका रहेको सिन्धुपाल्चोकको मेलम्ची नगरपालिका दिनप्रतिदिन दुर्घन्धित हुँदै गइरहेको छ । नगरपालिकाले फोहोर फाल्ने स्थायी ठाउँ अहिले सम्म व्यबस्था नगर्दा सो नगरपालिकामा फोहोरको थुप्रो लाग्न थालेको हो ।

उपनिर्वाचनका लागि काङ्ग्रेसकाे उम्मेदवारी घोषणा   

नेपाली काङ्ग्रेसले चितवनमा हुन गइरहेको उपनिर्वाचनका लागि आज उम्मेदवारी घोषणा गरेको छ । भरतपुर महानगरपालिका–१६ तथा खैरहनी नगरपालिका–४ र ५ मा आगामी मङ्सिर १४ गते हुने उपनिर्वाचनका लागि उम्मेदवारको नाम सार्वजनिक गरिएको हो ।    

ललितपुर दुर्घटनामा दुई जनाको मृत्यु   

ललितपुरमा दुई छुट्टाछुट्टै दुर्घटनामा दुई जनाको मृत्यु भएको छ । गोदावरी नगरपालिका–९ चुनिखेलमा बा२ख ५००९ नंको बसले स्थानीयवासी नवीन घिमिरेलाई किच्दा उनको घटनास्थलमै मृत्यु भएको हो ।