बाढीमा हेलिएर हजुरबुबालाई त बचाए तर आफू रहेनन्

nati
कैलाश लामा
चरिकोट, दोलखा साउन २९ गते। काठमाडौँबाट बस चढेर घर आउँदै गरेका आफ्ना हजुरबुबा बाढी बिचमा फसेको खबर पाएपछि निशान दौडिएर उद्धार गर्न पुगे ।
झण्डै ६ घण्टाको प्रयासमा हजुरबुबालाई त बचाउन सके तर उनी कहिल्यै नफर्कने गरी जुँगु खोलामा बिलाए । गौरीशंकर गाउँपालिका वडा नम्बर –२ जुँगु माझ गाउँका निशान खड्का उमेरले भरखरै १८ वर्ष पुगेका थिए । कक्षा १२ मा अध्ययनरत खड्का पढाइमा विशेषगरी कम्प्युटर विषयमा चासो राख्ने भएकैले गाउँमा सहकारीको कम्प्युटरमा सफ्टवेयर राख्नेदेखि नेटवर्किङको काम गर्दै आइरहेका थिए । केही समय अघिसम्म सदरमुकाम चरिकोटमै बसेर पढ्ने गरेका निशानलाई पछिल्लो समय गाउँका यस्तै कामले चरिकोट जान समेत रोकेको थियो ।
भुकम्पपछि बसोबासका लागि बनाइएको भुइँ तल्ले कटेरो पनि चिटिक्क थियो । उमेरले ३४ वर्ष पुगेकी आमा कल्पना खड्काको मिहेनतले कटेरो आसपासको बगैंचा र सरसफाइले कटेरो थप आकर्षक थिय ो। विगत २० वर्षदेखि शिक्षक पेशामा आबद्ध बुबा लोकेन्द्र प्रकाश खड्का पनि घर नजिकैको निलकण्ठेश्वर माविको पढाइ सकाएर अधिकांश समय यहीँ कटेरोमा विताउथे ।
एक महिना अघिदेखि कटेरो नजिकै भुकम्प अनुदानको निजी आवास भवन समेत बन्दै गरेकाले परिवार नै उक्त काममा व्यस्त रहेको बुबा लोकेन्द्र प्रकाशले बताउनुभयो ।१५ वर्षीय कान्छो छोरो निर्मल खड्का पनि वुवाले पढाउने बिद्यालयमै कक्षा ९ मा अध्ययनरत थिए ।
दुई छोरा र बुबाआमा सहित चार सदस्यीय यो परिवारमा छोराहरू बढेर परिपक्व हुँदै गर्दा खुशी पनि बढ्दै थिय ो। निशानले त काम गरेर आफ्नो लागि धेरथोर खर्च समेत जोड्न थालेका थिए ।
हासीखुसी चल्दै आएको यस परिवारमा साउन १८ गते शनिवार भने ठूलो विपत्ति आइपर्यो । काठमाडौंबाट जुँगु आउदै गरेको बस यात्रु सहित जँगु खोलामा फसेको भन्ने खबर थाहापाएपछि उद्धारका लागि जुँगु खोला पुगेका निशान बाढीमा परेर वेपत्ता भए । त्यस यता आमा कल्पना र बुबा लोकेन्द्र प्रकाशको भोक निन्द्रि लुटिएको छ ।
‘कसरी खानु,कसरी सुत्तु मेरो बाबुलाई कलिलैमा दैवले लग्या े।’ आँखा भरि आँसु पर्दै आमा कल्पनाले पीडा पोखिन्, ‘बिवहा गर्नुपर्ने उमेर हुँदै गरेको छोराको ठाडो किरिया गर्नुपर्दा मुटुमा भाला रोपिएको जस्तो भाको छ ।’
शुक्रबार काठमाडौबाट घर फर्केका माईला हजुरबुबा अर्जुनकुमार खडका समेत बससंगै खोलामा फसेकाले निशान र बुबा लोकेन्द्र प्रकाश सहित सात जनाको टोली उद्धारका लागि राती साढे ११ वजे उक्त स्थान तर्फ हिडेका थिए ।
‘दश जना यात्रु सहित करिव साढे ७.०० बजेदेखि खोलामा फसेको बस उद्धारका लागि हामी साढे १२ बजे नाम्लो, डोरी सहित उक्त स्थानमा पुगेका थिया ैं।’ लोकेन्द्र प्रकाशले भन्नुभयो, ‘पानी परेर खोला बढ्को वढ्यै गर्दा बसको हेडलाइट समेत पानी भित्र डुबेकाले साइट लाइट बल्दा मात्रै बस रहेको स्थान देखिन्थ्यो ।’
वारीबाट यात्रुको उद्धार सम्भव नभएपछि पारीबाट उद्धारको लागि उपयुुक्त स्थान हेर्ने निचोड निकालेको उल्लेख गर्दै उहाँले डोरीको सहायताले सात जनाले नै खोला तर्ने प्रयास गरेको बताउनुभयो ।

पानीको वाहक झनै बढ्न थालेपछि थोरै अघि बढेपनि नसकेपछि म लगायत चार जना वारि नै बस्यौं, निशान सहित तीन जना पारी पुगे ।
दुवै तिरकै सहायतामा बसभित्रको यात्रुहरुको उद्धारको प्रयास भइरहँदा मैनपोखरीबाट आएको जेसिबी डोजरले साढे एक बजेसम्म वस सहित सबै यात्रुहरुको उद्धार गर्यो ।
उहाँले भन्नुहुन्छ ‘माइला बुबा सहित सबैको सकुशल उद्धार त गरियो तर पारी पुगेका तिनजना वारि आउन सकेनन् । डोजरले पनि उनिहरुलाई त्यहाँसम्म लाने प्रयास गरेनन् ।
रातको करिब पौने दुईमा खोलामा ठूलो बाढी आयो, सबै जनाले खोलाबाट टाढा भाग्ने प्रयास पनि गरे । करिब २ घण्टा पछि खोला शान्त भयो र खोजिकार्य गर्दा जुँगु खोला र चपलेटी खोलाको दोभानमा खोला तर्ने मौका हेरेर बसेका निशानलाई बाढीले बगाएको पुष्टि भयो।
निशानसंगै रहेका तेजबहादुर खड्का र कमल जिरेलाई भने बाढीको पहिलो तुफानले खोलबाट टाढा फ्यालेकाले घाइते अवस्थामा फेला पारेको गौरीशंकर –२ माझ गाउँका बद्री खड्काले बताउनुभयो । खड्का पनि उद्धारका निम्ति निशानसंगै जुँगु खोला पुगेका थिए। ‘बस उद्धारमा केहि समय मात्रै ढिला भएको भए बस सहित १० यात्रुलाई समेत बाढीले बगाउने थिया े।’ बद्रीले भन्नुभयो।
सेना,सशस्त्र प्रहरी र प्रहरीको सहयोगमा तालिम प्राप्त कुकुरको साहेतामा ६ दिनसम्म खोजिकार्य गर्दा पनि लास नभेटेपछि सातौं दिनमा परिवारले हिन्दु संस्कारअनुसार कुसको सब बनाएर दाहसंस्कार गरेका छन् ।

फोटो क्याप्सनः दोलखाको गौरीशंकर गाउँपालिका वडा नम्बर–२ स्थित जुँगु खोलखाको बाढिमा परेर वेपत्ता भएका निशान खड्काको बुबा लोकेन्द्र प्रकाश, आमा कल्पना र भाई निर्मल खड्का घरको पेटीमा बसेर आफ्नो दुख सुनाउदै।
तस्विर ः– कैलाश लामा ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds