अवरुद्ध राजमार्ग खुलेन, डाईभर्सन बनाउने प्रयास असफल (फोटो फिचर)

होमराज रानाभाट
अरुणखोला (पूर्वी नवलपरासी) साउन २९ गते । पूर्वपश्चिम राजमार्ग अन्तर्गत पूर्बी नवलपरासी जिल्लाको अरुणखोला पुल भाचिएको छ । पुल भाँचिए पछि बिहान देखि अबरुद्ध भएको पूर्ब पश्चिम महेन्द्र राजमार्गको बुटवल नारायणगढ सडक खण्ड साँझसम्म पनि खुला हुन सकेको छैन ।
पुलबाटा मोटरसाइकललाई मात्र आवतजावत गर्न दिइएको र डाईभर्सन बनाउने प्रयास भए पनि खोलामा बाढीका कारण सफल हुन सकेको छैन ।
     आज बिहान ४.०० बजे पूर्बबाट पश्चिमतर्फ जादै गरेको ना ६ ख ४७१ नम्बर ट्रकले पुर्बी नवलपरासीको मध्यबिन्दु नगरपालिका वडा नं ११ अरुणखोलाको पुलको एक तर्फी भागमा ठक्कर दिदा पुल भाचिएको जिल्ला प्रहरी कार्यालय नवलपरासीका प्रहरी प्रमुख प्रहरी उपरीक्षक मोहनप्रसाद पोखरेलले बताउनुभयो ।
बिहान भाँचिएको पुल मा मोटरसाईकल बाहेक ठूला र साना सवारी चल्न रोक लगाईएको प्रहरीले जनाएको छ । मध्यबिन्दु नगरपालिका वडा नं १० र ११ लाई जोड्ने  पुर्ब पश्चिम राजमार्जमा रहेको अरुणखोला पुलको पूर्ब तर्फको भागमा पुर्ब बाट पश्चिम तर्फ आउदै गरेको ना ६ ख ४७१ नम्बरको ट्रक ले पुलको बायाँ साईडमा ठक्कर दिएको थियो जस्का कारण पुल पुरै लच्किएको छ ,प्रमुख जिल्ला अधिकारी बिष्णुकुमार कार्कीले भन्नुभयो खोलाबाट अस्थायी डाईभर्सन बनाई एक तर्फी यातायात संचालन गर्ने कार्य अघि बढेको छ ।
सो पुल जिल्लाकै राजमार्गकै सबै भन्दा लामो पुल हो जसको लम्बाई तीन सय मीटर भन्दा बढि छ । पुलको पुर्ब दक्षिण को भाग अन्दाजी १० मिटर लम्बाई र अन्दाजी १.५ मिटर तल (गहिराई) मा भासिन जादा ठूला र साना गाडी हरु बन्द गरि मोटरसाइृकल लाई मात्र प्रबेश दिईएको प्रहरी उपरीक्षक पोखरेलले बताउनुभयो ।  
पुल पुरै लच्किएका कारण साना,ठुला सवारी साधनहरु सुरक्षाको दृष्टीकोणले दुबै तर्फ क्रस हुन नदिएको र सो स्थानमा प्रहरी उपरिक्षक मोहनप्रसाद पोखरेलको कमाण्डमा २५ जनाको टोली खटिएको जिल्ला प्रहरी कार्यालयले जनाएको छ । पुल लच्किए पछि दिनभर पूर्ब पश्चिम राजमार्गमा यातायात अस्तब्यस्त रहयो भने पटक पटक बनाइएको डाइृभर्सन समेत खोलामा बाढी आएर बगाउन थाले पछि यातायात दिनभर चल्न सकेनन जस्का कारण दिनभर यहाँको जनजीबन अस्तब्यस्त भएको अरुणखोलाका लालकुमार भट्टराईले बताउनुभयो ।
अरुणखोला खोला निक्कै ठूला भएका कारण डार्इृभर्सन निर्माणमा ज्यादै कठिनाई भैरहे पनि सडक बिभागको टोलीले डाइृभर्सन निर्माणका लागि खटेको जनाएको छ ।ूपूर्बी नवलपरासीमा रहेका आठ वटा यस्ता पुल पुरै जोखिममा रहेका छन् । समयमा मर्मत नहुँदा यहाँका दुम्कीबास देखि गैंडाकोटको बेल्डिहा सम्मका आठ वटा पुल जोखिम पुर्ण अबस्थामा रहेका सडक बिभागका कर्मृचारीले बताएका छन् ।
पुर्बी नवलपरासीमा अहिले भारी बर्षा भएका कारण तत्काल खोलामा डाईभर्सन बनाएर सवारी साधन संचालन गर्न सकिने अबस्था नरहेको प्रहरीले जनाएको छ । तै पनि खालामा डाईभर्सन बनाएर यातायात संचालन गर्ने कसरत भने कायमै रहेको सडक डिभिजन कार्यालयले जनाएको छ ।

brize

brize6

brize5

brize4

brize3

brize2

brize

थप समाचार
प्रतिकृया
नाम

ईमेल

ठेगना