यसरी डोजरले ढाल्यो ढोले गाउँको सपना (फोटो फिचर सहित)


गाेकर्ण दयाल ,
बैतडी, साउन २७ गते । पर्यावरणीय अध्ययन बिना डोजर चलाएर खनेको सडकमा पहिरो खस्दा बैतडीमा पाँचा घर परिवार विस्थापित भएका छन् ।
     जिल्लाको सुर्नया गाउँपालिका वडा नं.८ ढोल्या गाउँमा गत वर्ष डोजरले खनेको सडकमा आएको पहिले घर खेत पूरै डुबाए पछि पाँच घर परिवार विस्थापित भएका हुन् ।
    मकै भित्र्याएर गासको जोहो गर्ने तयारीमा रहेका ढोल्याबासीको सपना डोजरले खनेको सडकको पहिरोमा बिलाएका छन् । वर्षभरी छाक टार्ने प्रमुख खेतीका रुपमा रहेको मकै बारी र बस्ने घर पुरिएपछि परिवारको सपना ढलेको पहिरो पीडित धौलसिंह बोहराले  बताउनुभयो ।
      सडकमाथिबाट खसेको पहिरोले स्थानीय ढोले टोलका अम्मर बोहरा, लालबहादुर बोहरा,  महाविर बोहरा, धौलसिंह बोहरा र डम्वर बोहराको घरखेत पहिरोले पुरिएपछि उहाँहरू लालाबालासहित छिमेकीको घरमा अश्रय लिएर बस्नु भएको छ  । पहिरोले गाउँ पूरै जोखिममा परेको छ ।  
     विस्थापित परिवारलाई तत्कालका लागि नेपाल रेडक्रस सोसाईटी शाखा कार्यालय बैतडीबाट आईतवार राहत वितरण गरेको छ । विस्थापित परिवारलाई राहत स्वरुप दुई÷दुई थान कम्मल, एक÷एक थान त्रिपाल, भात पकाउने भाँडाकुडा, डाँडु पन्यौ, तन्ना, लुंगी र  सर्ट–पाईन्ट  राहत वितरण गरिएको रेडक्रस बैतडीका मन्त्री रमेशसिंह भणरीले  बताउनुभयोे ।
      सडकबाट पहिरो खसेपछि विस्थापित परिवारलाई राहत वितरण र स्थलगत निरीक्षणका लागि जिल्ला समन्वय समिति बैतडीका संयोजक सिद्धराज भट्ट र बैतडी प्रहरी प्रमुख  (प्रनाउ) डिल्लीनारायण पाण्डेय सुर्नया गाउँपालिकाको ढोल्या पुग्नु भएको थियो ।
   पहिरो खसेको गाउँमा पुग्नु भएका जिल्ला समन्वय समिति बैतडीका संयोजक सिद्धराज भट्टले भन्नुभयो–“ सडकबाट खसेको पहिरोले पाँचवटा घर पुरिएका छन् । मकै बारी सबै पहिरोले लगेको छ । राहत वितरण गर्न जाँदा स्थानीय पहिरो पीडित रोईरहेका थिए । हामी कसका लागि विकास गर्दैछौं ? ” प्रश्न गर्दै संयोजक भट्टले अगाडि भन्नुभयो, “जथाभावी सडक खन्दा बैतडीमा विबत्ति सिर्जना भएको छ । सरकारले तत्काल डोजर नियन्त्रण   गर्नुपर्छ । स्थानीय सरकारले विस्थापित परिवारको जिम्मा दिनुपर्छ ।”
     विस्थापित परिवार गाउँमा बस्न सक्ने अवस्था नरहेको जिल्ला समन्य समितिका संयोजक भट्टले बताउनुभयो । सडक खन्दा जिल्ला समन्वय समितिसंग कुनै पनि स्थानीय तहले सल्लाह नगरेको संयोजक भट्टले गुनासो गर्नुभयो ।
    ढोले गाउँमा यसअघि कहिल्यै पहिरो नखसेको भन्दै पहिरो पीडित लाल बहादुर बोहराले डोजरले अन्दाधुन्द गाउँमा सडक खन्दा पहिरोले उठिबास भएको पीडा सुनाउनुभयो ।
     बोहराले भन्नुभयो, “ पहिरोले घर खेत केही पनि राखेन ।  बालबच्चा कता लैजाऊ ? गरिबको उठिबास भयो । हाम्रो पीडा कसले सुनिदिन्छ ? पहिरोले खानेपानीका मुहान समेत पुरेपछि गाउँमा खानेपानी छैन ।”
    पहिरोले विस्थापित भएका घर परिवारका बालबालिका बिद्यालय जान सकेका छैन । गर्भवति महिला र स साना बालबालिका समस्या परेको पहिरो पीडितले गुनासो गरेका    छन् ।

1_3

3_2

2

4_1

6_2

 

थप समाचार
प्रतिकृया
नाम

ईमेल

ठेगना