कपन–चुनिखेल–चपली सडक बन्दै


गोरखापत्र समाचारदाता

चुनिखेल (काठमाडौँ), असार २७ गते । बूढानीलकण्ठ नगरपालिका अन्तर्गत कपन–चुनिखेल–चपली सडक निर्माण कार्य जारी छ । वर्षात्ले कतैकतै काममा अवरोध भएको छ । ढल हाल्ने कार्य पनि भइरहेको छ । कुल ५४ करोड रुपियाँको लागतमा भइरहेको यो बाटोले चुनिखेलको ठूलो बस्तीलाई सापाटारको बस्तीसँग जोड्नेछ । चुनिखेल–सापाटार सडक निर्माण कार्य भने सकिएको छ । चुनिखेल वडा नं. १३ का अध्यक्ष श्रीकृष्ण श्रेष्ठका अनुसार लगभग १३ करोड रुपियाँको लागतमा यो सडक निर्माण भएको हो ।
चिहानेखोला करिडोर, नायबु फाँट, सोसिढ, वटावु कृषि सडक जोड्ने चिहानेखोलामाथि कल्भर्ट समेत निर्माण सम्पन्न भएको छ । यो कृषि सडक ३० लाख रुपियाँको लागतमा सम्पन्न भएको वडा सचिव नरेन्द्र श्रेष्ठ बताउनुहुन्छ ।
सचिव श्रेष्ठका अनुसार ३० रोपनीभन्दा बढी सार्वजनिक जग्गा पहिचान गरेर संरक्षण गरिएको छ भने चिहानेखोला करिडोरको ट्रयाक खोल्ने कार्य पनि सम्पन्न भएको छ । करुणामयचोक र भद्रकाली मन्दिर क्षेत्रमा ३० लाख रुपियाँको लागतमा उद्यान र खेल मैदान बनाउने कार्य भइरहेको सचिव श्रेष्ठ बताउनुहुन्छ ।
अध्यक्ष श्रेष्ठका अनुसार, चपली–सापाटार क्षेत्रमा बाटो ढलान गर्ने कार्य सकिएको छ । चुनिखेलमा जनस्वास्थ्यलाई पनि महìवका साथ हेरिएको छ, यहाँ स्वास्थ्यचौकीको नयाँ भवन नै निर्माण गरेर स्वास्थ्य परीक्षण कार्य सञ्चालन गरिएको चुनिखेल–१३ का वडासचिव नरेन्द्र श्रेष्ठ बताउनुहुन्छ ।
वडावासी र आगन्तुकका लागि स्वच्छ पिउने पानीका लागि पाँच लाख लिटर पानी अटाउने ट्याङ्की निर्माण गरेर डिप बोरिङ ग¥यौँ, अहिले पानी घरआँगनमा पु¥यायौँ, कौडोल र सापाटारमा पनि सार्वजनिक प्रयोजनका लागि पानी ट्याङ्की राख्यौँ, श्रेष्ठ भन्नुहुन्छ ।
वडाध्यक्ष श्रीकृष्ण श्रेष्ठका अनुसार, सामाजिक सुरक्षा भत्ता वितरणका लागि इन्भेस्टमेन्ट बैङ्कको शाखारहित बैङ्किङ सेवा स्थापना गरेर सेवा उपलब्ध गराइएको छ । नौलिन माविमा आठकोठे नयाँ भवन निर्माण सम्पन्न गर्दै थप चारकोठे भवन बन्दै छ । जनउद्धार माविको चारकोठे नयाँ भवन पनि निर्माण सम्पन्न भएको छ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds