सिरहामा बजार अनुगमन तीब्र, व्यापारी भागाभाग

pasal

लहान समाचारदाता, लहान,असार २४ गते । नि घरेलु तथा साना उद्योग कार्यालय लहानले विगत एक सातादेखि सिरहा विभिन्न बजारमा अनुगमन तीब्र पारेको छ । अनुगमनका क्रममा अधिकांश व्यापारीहरू अनुगमन टोली आएका देखेपछि ्पसल बन्द गरि भगाभाग भएका छन् ।

बुधवारदेखि मिर्चैया नगरपालिकाबाट थालेको बजार अनुगम सदरमुकाम सिरहा, गोलबजार , माडर, लहान लगायतका बजारहरूमा गर्दै आएको हो ।

घरेलु तथा साना उद्योग कार्यालय लहान, खाद्य प्रविधि तथा गुण नियणत्रण कार्यालय राजविराज, ईलाका प्रशासन कार्यालय लहान, राष्ट्रिय उपभोक्त मञ्च सिरहा, जिल्ला उद्योग वाणिज्य संघ सिरहा, लहान, ईलाका प्रहरी कार्यालय लहान, सशस्त्र प्रहरी वेस क्याम्प लहान र सञ्चारकर्मीलगायतका संयुक्त टोलीले अनुगमन गरेका छन् ।
व्यवसाय दर्ता, नवीकरण, सरसफाई, नापतौलको ढक तराजु, म्याद गुज्रिएको खाद्य वस्तुको अनुगमन गरेका छन् । अनुगमनका क्रममा विभिन्न होटेल किराना पसल र तरकारी बजारबाट कुहिएका अखाद्य पदार्थ बरामद गरी नष्ट गरेको घरेलु तथा साना उद्योग कार्यालय लहानका प्रमुख दीपेन्द्र यादवले जानकारी दिनुभयो ।
अनुगमन टोलीले नाम चलेका होटेलहरूबाट कुहिएको मासु, म्याद गुज्रेको वियर, मसला, तेल, सागर दूध र तरकारी बजारबाट कुहिएको तरकारी, अखाद्यय पदार्थ प्रयोग गरेको मासु र ढुंगाको ढक बरामद गरिएको उहाँले बताउनुभयो ।
अनुगमनको क्रममा भ्याट विल, पान विल, घरेलु तथा साना उद्योगमा दर्ता रहेको नरहेको काजातहरु समेत अनुगमन गरिएको अधिकृत यादवले जानकारी दिनुभयो । दर्ता, नवीकरण, मूल्यसूचि र सरसफाई नरहेको फर्म भेटिएका छन्, त्यस्ता व्यवसायीलाई कानुनी प्रक्रियामा आउन १५ दिनको म्याद दिएको बताउदै उहाँले उपभोक्ताको हक अधिकार र स्वस्थ्य व्यवसायका लागि अनुगमन थालिएकोले बजार अनुगमन निरन्तर दिने जानकारी दिनुभयो ।

यसैगरी उजुरीको आधारमा लहान चोकमामा रहेको नाम चलेका तीन वटा कम्युटर पसलहरुमा अनुगमन गर्दा प्रिन्टरमा प्रयोग हुने क्यानन कम्पनिको नक्कली कारटिज भेटिएको थियो । कम्प्युटर पसलहरुमा वरामद गरिएका कार्टिज र ब्याट्रीलाई सक्कली र नक्कली के हो भन्ने छुट्याउन उद्योग मन्त्रालयमा शिलबन्दी गरि पठाएको ईलाका प्रशासन कार्यालयका प्रमुख कमलराज भण्डारीले जानकारी दिनुभयो ।
उहाँले अनुगमनका क्रममा कतिपय व्यवसाय दर्ता नभएका भेटिएकोले त्यस्ता व्यापारीलाई कानुनी प्रक्रिया पूरा गर्न म्याद दिएको बताउनुभयो।
जनप्रतिनिधि निर्वाचित भएपछि लामो समयको अन्तरालमा भएको अनुगमनलाई स्थानीयले सरहाना गरेका छन् ।
बजारमा अनुगमन गरेको देखेर बाँकी व्यापारी आफ्नो पसलको सटर धमाधम झारेर भागेका थिए । अनुगमन भइरहेको खबर पुग्नेबितिकै बजारका अधिकांश किराना, औषधी, मासु र होटल व्यापारीले पसल बन्द गरेर भागेका थिए ।

थप समाचार
प्रतिकृया
नाम

ईमेल

ठेगना