काठमाडौं, असार १२ गते । सुदूरपश्चिम बुद्धिचाल संघको आयोजनामा भएको मुख्यमन्त्री कप राष्ट्रिय एमेच्योर बुद्धिचाल प्रतियोगिताको उपाधि दोलखाका आशिष फुयालले जित्नुभएको छ ।
अन्तिम चरणको खेलमा आशिषले पुर्व नेपाल च्याम्पियन पुरुषोत्तम चौलागाईंसँग बराबरी खेल्नुभयो । नवौं चरणसम्म भएको खेलमा आशिषले अपराजित रहँखै ६ खेलमा जित र तीन खेलमा बराबरी निकाल्दै सात अङ्क जोड्नुभयो । आशिषले उपाधि सहित ४० हजार रुपियाँ पुरस्कार पाउनुभयो ।
काठमाडौंका १४ वर्षीय पुरुषोत्तम सिलवाल दोस्रो हुनुभयो । समान सात अङ्क जोड्नुभएका उहाँ ट्राईबेकरमा पछाडि पर्नुभयो । नवीन तण्डुकार तेस्रो हुनुभयो । दोस्रोलाई २५ हजार र तेस्रालाई १५ हजार रुपियाँ पुरस्कार प्रदान गरियो ।
यसैगरी काठमाडौंका शुसुरत दाहाल, कैलालीका रोशन थापा, कनचन्पुरका टेकेन्द्र राज पाठक, चौथो , पाचौं र छैटौं स्थानमा रहनुभयो । महिलातर्फ मोरडकि शान्ति धिमाल पहिलो हुनुभयो । उहाँले २० हजार रुपियाँ पुरस्कार पाउनुभो ।
झापाकी पूजा सिंखडा दोस्रो र काठमाडौंकी सिन्दीरा जोशी तेस्रो हुनुभयो । दोस्रोलाई १५ हजार र तेस्रोलाई १० हजार रुपियाँ प्रदान गरियो । प्रतियोगितमा ३५ जिल्लाका ८५ खेलाडीले प्रतिस्पर्धा गरेका थिए ।
