मन्त्रिपरिषद्का निर्णय: मन्त्री आवास गृह सैंबुमा निर्माण गरिने

लक्की चौधरी

काठमाडौंँ, मङ्सिर २१ गते । सरकारले प्रधानमन्त्री राष्ट्रिय प्रतिभा पुरस्कार कोष स्थापना गर्ने निर्णय गरेको छ । प्रधानमन्त्री केपी शर्मा ओलीले युनिभर्सल पिस फेडरेशनबाट हालै प्राप्त गर्नुभएको ‘लिडरसिप एण्ड गुड गभर्नेन्स अवार्ड’ मा प्राप्त गर्नुभएको एकलाख अमेरिकी डलरमा सरकारले सोही बराबरको रकम थप गरी पुरस्कार कोष स्थापना गर्ने निर्णय गरेको हो ।
मन्त्रिपरिषद्को गत सोमबार बसेको बैठकको निर्णय सार्वजनिक गर्ने कार्यक्रममा बिहीबार सरकारका प्रवक्ता एवं सञ्चार तथा सूचना प्रविधि मन्त्री गोकुलप्रसाद बाँस्कोटाले पुरस्कार कोषबारे जानकारी दिनुभएको हो ।
शान्ति, सुशासन, नवप्रवर्तन, वैज्ञानिक खोज, अनुसन्धान तथा विकासको क्षेत्रमा योगदान पु¥याउने युवा तथा अन्य व्यक्तिलाई प्रोत्साहन स्वरुप सो पुरस्कार वार्षिकरुपमा प्रदान गरिने मन्त्री बाँस्कोटाले बताउनुभयो । पुरस्कारको कार्यविधि निर्माणको क्रममा रहेको पनि उहाँले जानकारी दिनुभयो । cabinet press meet at singdarbar_bikash dware
यसैगरी, सरकारले महाकवि लक्ष्मीप्रसाद देवकोटाको घट्टेकुलोस्थित आवासलाई संग्रहालय बनाउने निर्णय गरेको छ । त्यस्तै, नेपाल–श्रीलङ्काबीच संयुक्त हुलाक टिकट प्रकाशन गर्ने सम्बन्धी समझदारीपत्रमा हस्ताक्षर गर्ने निर्णय पनि सरकारले गरेको छ । प्रवक्ता बाँस्कोटाका अनुसार हुलाक सेवासम्बन्धी विधेयक तर्जुमा गर्न तयार पारिएको अवधारणापत्र पनि बैठकले स्वीकृत गरेको छ ।
सोहीअनुसार मन्त्रिपरिषद बैठकले स्वास्थ्य विमा बोर्डको कार्यकारी निर्देशक पदमा रमेशकुमार पोखरेल (मोरङ) लाई नियुक्त गर्ने निर्णय गरेको छ । त्यस्तै, नेपाल दूरसञ्चार कम्पनी लि. को प्रबन्ध निर्देशक पदमा नियुक्तिका लागि सिफारिस गर्न तीन सदस्यीय छनौट समिति गठन गर्ने निर्णय पनि सरकारले गरेको प्रवक्ता बाँस्कोटाले जानकारी दिनुभयो ।
त्यस्तै, नेपाल–भारत एकीकृत भन्सार जाँच चौकी वीरगञ्जको जग्गा मुआब्जा विवाद समाधान गर्न भन्सार स्थापना गर्दा विस्थापित भएका परिवारलाई प्रति परिवार एकलाख ५० हजार रुपियाँ प्रदान गर्ने निर्णय सरकारले गरेको छ । सोहीअनुसार यसअघि सरकारबाट मुआब्जा पाएर पनि बसोबासको व्यवस्था नभएका परिवारलाई प्रति परिवार एक लाख रुपियाँ प्रदान गर्ने निर्णय बैठकले गरेको मन्त्री बाँस्कोटाले बताउनुभयो ।
काठमाडौँ उपत्यकाको फोहोरमैला व्यवस्थापनका लागि नुवाकोटस्थित बन्चरेडाँडामा करिब १५ मिटर अग्लो ड्याम निर्माण गर्ने जिम्मा सहरी विकास मन्त्रालयलाई दिने निर्णय पनि बैठकले गरेको छ । मन्त्री बाँस्कोटाका अनुसार सोही मन्त्रालयलाई फोहोरमैला व्यवस्थापनको अन्य पूर्वाधारको ल्याण्डफिल्ड साइट निर्माणको जिम्मा पनि दिइएको छ ।
सरकारले प्रतिनिधि सभाका सभामुख, उपसभामुख, राष्ट्रिय सभाका अध्यक्ष, उपाध्यक्ष, र मन्त्रीहरूका लागि २७ वटा आवास भवन तथा प्रदेश प्रमुख र मुख्यमन्त्री आवास एवं सम्पर्क कार्यालयका लागि १४ वटा भवन निर्माण गर्ने निर्णय गरेको छ ।
सरकारका प्रवक्ता बाँस्कोटाका अनुसार सो भवन ललितपुरस्थित सैबु भैंसेपाटी आवास क्षेत्रमा सांसद आवासका लागि छुट्याइएको १४९ रोपनी चार आना ३ पैसा २८ दाम जग्गामा सो भवन निर्माण गरिने छ । त्यस्तै, पुल्चोकस्थित हाल रहेको मन्त्री निवास परिसरमा १० वटा राजकीय अतिथि गृह निर्माण गर्ने निर्णय पनि मन्त्रिपरिषद् बैठकले गरेको छ ।
निर्माण गर्नेक्रममा जग्गा अपुग भएमा सँगै रहेको नेपाल राष्ट्रिय पुस्तकालको सरकारी जग्गा समेत उपयोग गर्ने निर्णय सरकारले गरेको छ । प्रवक्ता बाँस्कोटाकाअनुसार पोल्यान्ड सरकारद्वारा राष्ट्र सङ्घीय संरचना महासन्धि अन्तर्गतको २४औँ सम्मेलनमा घोषणा गर्ने प्रस्ताव (सोलिडारिटी एण्ड जष्ट ट्रान्जिशन सिलेसिया डिक्लरेशन) अनुमोदन गर्ने निर्णय बैठकले गरेको छ ।
त्यस्तै, पूर्वी रुकुमको पुथा उत्तरगङ्गा गाउँपालिकाको केन्द्र साविक कोल गाविसको कार्यालयबाट परिवर्तन गरी तक्सेरामा कायम गर्ने निर्णय मन्त्रिपरिषद् बैठकले गरेको मन्त्री बाँस्कोटाले बताउनुभयो ।
मिडियाको जवाफदेहिता देखिएन
नियमित पत्रकार सम्मेलनमार्पmत निर्णय सार्वजनिक गर्ने क्रममा मन्त्री बाँस्कोटाले मिडियालाई जवाफदेही बन्न आग्रह गर्नुभएको छ । पत्रकारको जिज्ञासापछि उहाँले तथ्य एकातिर समाचार अर्कोतिर आउनेक्रम नरोकिएको भन्दै नागरिकलाई भ्रममा पार्ने अधिकार मिडियालाई नरहेको बताउनुभयो ।
भर्खरै सम्पन्न एसिया प्यासिफिक सम्मेलनका विषयमा सञ्चार माध्यमले तथ्य नबुझेर अनावश्यक टिप्पणी गरिरहेकोप्रति उहाँले मिडियाको ध्यानाकर्षण गराउनुभयो । सो सम्मेलनमा विगतमा नेपालका अन्य प्रधानमन्त्रीले भाग लिएको तथ्य रहेको प्रष्ट पार्दै उहाँले नियोजित रूपमा केही मिडिया सरकारको आलोचना गर्ने ध्याउन्नमा रहेको टिप्पणी गर्नुभयो ।
निर्मला पन्त प्रकरणमा पनि केही मिडियाले अनावश्यक टिप्पणी गरिरहेको बताउँदै मन्त्री बाँस्कोटाले भन्नुभयो, “सरकार चुप लागेर बसेको छैन, निरन्तर खोजविन गरिरहेको छ, केही घटनामा सत्यतथ्य पत्तालाग्न समय लाग्नसक्छ, यसको मतलब सरकारले कामै गरेको छैन भनेर आलोचना गर्नु हुँदैन ।” सो प्रकरणमा सरकार सत्यको नजिक पुगिसकेको उहाँले बताउनुभयो ।
त्यस्तै, सरकारले रातदिन लगाएर काम गर्दा समेत सरकार भेटिएन भन्ने मिडियाको समाचारप्रति प्रवक्ता बाँस्कोटाले सरकारले गरेको कामको सकारात्मक सन्देश दिन आग्रह गर्नुभयो । “गरेको कामको त जस दिनुस्, नकारात्मक टिप्पणी मात्र नगरिदिनुस्” मन्त्री बाँस्कोटाले जिज्ञासा छ, “के गर्दा सरकार भेटिन्छ भन्नुस् ?” अरुलाई पीडा दिएर रमाउने खेलमा मिडिया लाग्न नहुने उहाँले सुझाव दिनुभयो ।

थप समाचार
प्रतिकृया
नाम

ईमेल

ठेगना