• १६ चैत २०८०, शुक्रबार

तनहुँका सबै मतदान केन्द्रमा निर्वाचन सुरु

blog

दमौलीस्थित सत्यवती माविमा मतदान गर्न आउनुहुँदै एक बिरामी । तस्बिर : अमरराज नहर्की

अमरराज नहर्की
तनहुँ, वैशाख १० गते । 
तनहुँ–१ को सबै मतदान केन्द्रमा उपनिर्वाचनको मतदान सुरु भएको छ । आइतबार बिहान ७ बजेदेखि ६९ मतदानस्थलका १५२ मतदान केन्द्रमा मतदान सुरु भएको हो ।

प्रमुख जिल्ला अधिकारी छविलाल रिजालले शान्तिपूर्ण रूपमा मतदान भइरहेको जानकारी दिनुभयो । ‘‘मतदान सबै ठाउँमा सुरु भएको छ र मतदान शान्तपूर्ण तवरबाट भइरहेको छ’’ प्रजिअ रिजालले भन्नुभयो ।

मतदाताहरू बिहानैदेखि मतदानस्थलमा लाइन लागेका छन् । उपनिर्वाचनका लागि तनहुँमा एक लाख ४० हजार २२४ जना मतदाता छन् । एक लाख २३ हजार ३०५ जना मतदाता रहेको जिल्ला निर्वाचन कार्यालय तनहुँले जनाएको छ  ।