जिन्दगी बन्ने आसमा कोही
अल्झिएको छ तासमा कोही ।
घिउ चिनीको मिठासमा कोही
दास बन्छन् बिलासमा कोही ।
साथ छोडेन पेटले कहिल्यै
रै’छ मेरो नि ! खासमा कोही ।
भेटिए खुब पलाँसका गुच्छा
भेट्न मन थ्यो सुवासमा कोही ।
मौन देखेर हेप्न के खोज्छौ ?
हुन्छ गोही–प्रयासमा कोही ।
चोट ठक्कर अझै दिने गर्नुस्
पुग्न सक्छन् निकासमा कोही ।
पानीले यत्ति बुझ्दिए हुन्थ्यो
तड्पिएको छ प्यासमा कोही ।
-(1)-original-thumb.jpg)
