आवास गृहमा बस्दै आएका वृद्धको आफन्त भेटिए

सल्यान समाचारदाता

सल्यान, भदौ २८ गते । यहाँ रहेको अल्पकालिन सुरक्षित आवास गृह सल्यान खलंगामा बस्दै आएका एक बृद्ध व्यक्तिलाई परिवारको जिम्मा लगाईएको छ ।  गत साउन २८ गते शारदा नगरपालिका १ श्रीनगरस्थित शारदा नदिमा बग्दै गरेको वृद्धलाई स्थानीयले उद्धार गरी प्रहरीलाई जानकारी गरेका थिए ।
स्वास्थ्य जाँच पश्चात वृद्धलाई छोटो समयका लागी सुरक्षित आवास गृह खलंगामा राखिएको थियो । तर बोल्ने नसक्ने, दायाँ हातको हत्केला नचल्ने, लगाएतका समस्या भएकोले नाम, घर, आफन्त खोज्न प्रहरी, प्रशासन तथा आवास गृहलाई समस्या भएको थियो । तर धेरै दिन पछि वृद्धको पहिचान खुलेको मानव अधिकार वकालत केन्द्र (रेस) सल्यानका अध्यक्ष रामचन्द्र रेग्मीले वताउनु भयो ।
रुकुमको त्रिबेणी गाउँपालिका १ दमाईटोलबाट मिना परियारले आवासगृहमा बस्दै आएका वृद्ध आफ्नो ससुरा भएको बताएपछि जिल्ला प्रहरी कार्यालय सल्यानले ती वृद्धलाई मिनाको जिम्मा लगाएको छ । मिना परियारले ती बृद्धको नाम पराजित दमाई भएको बताउनु भयो ।
जिल्ला प्रहरी कार्यालय सल्यानका प्रहरी नायब उपरिक्षक बिरेन्द्र बहादुर शाहीले सल्यान प्रहरी र रुकुम प्रहरीको सहकार्यमा ती वृद्धको आफन्त पत्ता लागेको जानकारी दिनुभयो ।
अल्पकालिन सुरक्षित आवास गृहमा उनलाई भदौ २९ गतेदेखी राखेर, गाँस, बास, कपास तथा प्राथामिक उपचारको निशुल्क व्यवस्था गरिएको थियो ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds